::{ مجالس قبيلة هذيل }:: موقع يهتم بتراث القبيلة ومفاخرها - مراسله بين .."سلمان قشيمع الندوي"و الشاعر"بندر الدعدي"

- مجلس المنقولات (https://hothle.com/vb/forumdisplay.php?f=65)

مراسله بين .."سلمان قشيمع الندوي"و الشاعر"بندر الدعدي"

(سلمااااان الندوووي)

عزالله ان في صدري ضيقه ولا ادري................ امن الطفش والا من الهم اذا زاد
ان كان قلت الهم يقولون بدري........................واناهمووم ي مع مدى الوقت تزداد
ابعدت عن ربعي بخيري وشري.......................ياجعل هذا الوقت ماعاد ينعاد
اخااف يغدرني وينباح سري...........................ولابي الا ضحك شامت وحساد
صبرت يابندر ولا فاد صبري...........................والصبر مر ليا تمادى ولا فاد
الصبر طيب مير انا ضاق صدري.....................انا غريب الدار والناس في اعيااد
ان عاش هذا الراس وان طال عمري...............لرجع لضيم الي بها عز وامجاد
يابندر أبن احمد خذ ابيات شعري......................عشنا ولا عاش الردي بين الاجواد

بندر الدعدي

ياصاحبي هذي مقادير تجري.........................مكتوب والمكتوب ماعنه مشراد
نبيع في الدنيا الغريبه ونشري......................ولابد ما نتعب على لقمة الزاد
نسرح على شان المراجل ونسري................وتارد مطايانا على كل ميراد
في العاصمه محفوظ قدرك وقدري................محفوظ قدرك بين ضباط وافراد
وديارنا نحبها وانت تدري...........................ولانسين� �ها ولو طول الماد
وحب ديرتنا مع الدم يجري..........................دار(ن) لنا فيها رفاقه ومقعاد
جعل السحاب ان لاح براقه بحري................يسقي وطن ربعي عريبين الاجداد
ماانسى مرابينا ولو طال هجري..................لابد ياتي يوم نفرح بمعواد
واليووم لوباصيح من يسمع امري..............في العسكريه رحت مقيود باقياد