::{ مجالس قبيلة هذيل }:: موقع يهتم بتراث القبيلة ومفاخرها - بنت تناظر رجال ،،،،، لكن ردا بقصيده ،،، بس شوفو وش صار !!!‎

[align=center]
هذي قصة بنت كانت تطالع واحد بعين قويه ولا تلف عنه لا يمين ولا شمال .
المهم الرجال طلع شاعر وما قصر فيها عطاها كم بيت عشان تتأدب .

لكن المفاجأه هي ؟؟؟؟

تدرون وش صار؟؟

وش صار ؟؟

ما راح أقول لكم .
لكن تلقون اللي صار في آخر أبيات القصيدة !!!

يقول الشاعر :

كل شبـــــر بها الوسيعـه ملـك ربـي تعلمــــيـن
وأعلم إن اللي خلقني هـــــو خلق لك هالعيون

لكن انتي من جلســــتي وانتـي فينـي تحدقــيـن
كن ما به نـــاس غيري بهالكراسـي يجلســون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـــــــــون

عـــ الأقل ليا نظرتك سـوي روحـك تستحيـــــن
غضي طرفك مثل غيرك خوف ربعي يلمحــون

الـــركادة عاد زينة والحياء فـي البنـت زيـــــن
وفيـك جــــــــــآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! مــا أذكـر إنــا ملتقـيـن
لا أعرفك من تكوني و لا تعرفـــي مـن أكــــون

وإطمأني إن كان قصـــدك بس فينـي تشبهيــــن
ما هـو أنـا اللي تعرفيـه والبشـر يتشـــــابهـون

مـا دريتـي مــــن التشابـه يخلـق الله أربعيـــــن
وأعرف أربع يشبهنــــــك بـس والله يستحـــون

وإن كان قصدك شي ثاني عاد قولي وش تبــين
خايف إنا نصير فرجة واللي ماشتروا يتفرجون

وإذا ببالك عاجبتنـي لا يحـــــوشـك !!! تحلميـن
صـــــح ربعي من جمالك فيـك صـار يمـــدحـون

بــس وش لي في حلاتك دام فيهـا ترخصيـــــــن
حشمــــة البنـت وحياهـا والكــــرامـة يلفتــــون

ولو توفــــــــر فيك هـذا مـع حلاتـك تبشريــــــن
ما هــــو أنا ألـــف غيري بـاب بيتـك يطرقــــون

وش علامك ؟؟؟ رغم كل اللي أقولـه وتسكتيــن
مو طبيــعي هالسكوت وهالبـرود وهالسكـــون

إنتـي خرسـا أسألـك ؟؟؟ ولا مانتي تسمعيـن ؟؟؟
قالوا ربعي ((ذي كفيفـة)) قلت لا لا تمزحـون

لين شفتــــــك يوم رحتـي يمسكونـك باليديـــــن
ما دريـــت إلا عيونـي أربـع أربـع يذرفــــــــون

آه يانـــــــي منه مشهـد يـوم شفتـك ترحليــــــن
جيت اشوف عيون ربعي لقيت الكل يدمعووون

يالكفيفـــة يالعفيفـة إن قلـت آسـف تقبليـن ؟؟؟
يغفر الله ذنوب عبده ليا خطا وهـل تغفـرون؟؟؟

( لا تحكم على الشيء قبل ما تتأكد منه )

من بريدي
تحياتي
عبد العزيز الهذلي

[/align]