::{ مجالس قبيلة هذيل }:: موقع يهتم بتراث القبيلة ومفاخرها

قصه وقصيده للشاعر فرج بن خربوش الشمري ومدح بحرب

--------------------------------------------------------------------------------

السلام عليكم ورحمه الله وبركاته

في حدود سنة 1365 هـ حصل بعض المساجلات الشعريه بين الشاعر

محمد الحداري السليمي الحربي والشاعر عبدالرحمن بن معيتق العنزي رحمه الله

وكان من عادة الشاعر بالسابق اذا ارسل مندوبا الى شخص اخر في قصيدته ان

يذكر المنازل التي يمر بها مندوبه ويصف كرم اهلها لكن ابن معيتق الذي وجه

قصيده الى الحداري لم يذكر بلدة الشاعر فرج بن خربوش الشمري في جبل سلمى

فقال ابن خربوش القصيده التاليه يعاتب ابن معيتق على تجاهله لبلده سلمى بلده

ابن خربوش وجماعته من شمر ويمدح قبيله حرب ويعدد بعض شيوخها ورجالها

المشهورين

ياراكب من فوق زين المشاديد
متحدر من روس عالي جباله

ممشاه من سلمى عطاها الرواعيد
الاجنبي وان جاه يعطى جماله

من جاه في سلم العرب بالشرف زيد
ومن جاه في حرب تعزز لحاله

من راس ابن خربوش ماهيب تقليد
من دار ذربين اللغى والجزاله

والنضو ركابه على كيف ما اريد
لابن معيتق زاعجين الرساله

يهلي براع النضو قبل التناشيد
ريف الركاب اللي توامي حباله

ويقلط العاني بزبن المقاعيد
ويسيح عند منفد البن باله

قل وش علم جيشك مر سلمى مسانيد
هل اللحيسه مكرمة من عنا له

ورك بوجه الهجن لا جن مصاعيد
قدامهن الوافين في كل حاله

الضيف يعطونه على كيف ما يريد
ويقعدونه بي مكان الشكاله

على النعى مثل المحوص المواريد
يحيون باللي فاض مع راس جاله

حب اللقيي ميرهم مع نمى الغيد
وفنجال بن مونسه مع كماله

بدو تنفد غالي البن تنفيد
بدلال وارفاف طويل ضلاله

ذولا محادير وذولا مسانيد
يهلون بالرجلي وراع الزماله

شرقي جبل سلمى قرايا المساعيد
ملافض الشريان ترهم شماله

جيشك تعدانا وياخذ تصاديد
دليل جيشك فوته من هباله

ومثلك يشيم عن كثير الهرابيد
والا نعرف الطيبه والفساله

معزبكم المذكور يا عل ما يفيد
يا حيف ليتك بارز به لحاله

على خلاك مسوي قد ما تريد
والا سكت ودامح له خماله

كل العرب فيها ختوش ملابيد
شخوص العرب ماتندمر من حثاله

حرب من القبله الى ادنى تخاديد
ياما بحرب من رجال الشكاله

وياما بحرب من كرام صناديد
وياما بهم من مدركين الجماله

وياما بهم من مشبعين المراديد
شيوخ تنفد مالها دون حاله

معنا صداقتهم سنين سراميد
وراع الثنا ما ينجزي بالفساله

ابن نحيد ينفد الملح تنفيد
من كون بقعا عندنا له جماله

مع شمر ورد على الموت توريد
ارخى على حوض المنايا حباله

ويوم المليدا شدد الحرب تشديد
مرقب غضى نشده وش جرى له

ربعه بني سالم مشو والجمل قيد
يوم ابو ضيف الله براى عبا له

وضيف الله شوق اللي نهوده مقاعيد
رخيص ما باليد ثقيل بحاله

الين من الماهود ما به عواقيد
حلال قالات تلولس حباله

واخوان حسنا للمجوخ صياييد
بالسيف ردو عند تالي ثقاله

في درب ابو جلال تلقى المفاريد
تشدى دراويش على الدرب عاله

جلال شوق اللي طماحه تصاديد
مربوعه حشو المنقش جماله

ورد لجام السيف بالراس توريد
بيوم به الخفرات ترمي شياله

بني علي ربعه على كيف مايريد
ترعى بهم شقح على الحمض ماله

واخوان نوره تكرم الضيف وتزيد
تورثوا باس المهادي وباله

يرعن بهم الزرفات فيض وتسنيد
مع حجرف سيف وراي برى له

وناهس صليب الشور عقب صناديد
عقب شيوخ تفرح اللي عنى له

وغالب ابن مقحم ذرى كل رعديد
زبن الحصان اللى توطا حثاله

الى تعلوا طايعات المقاويد
كم من طموح قلدوها حباله

اللي قنص بالحر صياد ويفيد
واللي قنص بالتبع عزي لحاله

وفيحان يثنى دون شقح مواليد
وان ضيعت عقب الضبابع عياله

وكم سندت خيل المضايين تسنيد
ومن ذل فنجال الشرف ما مشاله

يا مال طوبى ماجد عندهن صيد
وجحيش والعبد المطرف برى له

كل نخبره بالثنا والتماجيد
ابن صميعر فرحه اللي عنا له

من دون ضيفه ورد النفس توريد
فكه من الحكام وارخص حلاله

عقيد عيرات تبوج البراريد
دار العدو لازم يدوج بجاله

نزه الشوارب عن جميع العواقيد
الله يحل الشايب اللي غدا له

وخلف ابن ناحل مضيفه تقل عيد
اللي عطا الزمال من حر ماله

ونافل ابن غميض يشريه ويزيد
راعي الخروف يربحه لا عنا له

والنعم بالناقي الى جا جويريد
تلقى الشبب ببيوتهم والشكاله

نفوسهم للضيف مابه عواقيد
اهل المليلحا يوم جود عقاله

وزيدان ابن مطلق الى جن عراجيد
ذيب السمين اللي تعرم حياله

هدات حر طالع في جلا الصيد
صيده من الجزلات ما هي هزاله

ليا ما لقى ضان كرم بالمعاويد
مخيمر ابن مطلق صبي الجزاله

راع الكرم والجود بالفعل وايزيد
جعله لجنات النعايم نواله

ورباح ومحمد على كيف ما اريد
والمرجله مسو مثاني حباله

والماكر الطيب لربعه مقاصيد
ومن جث من خو تبين قباله

شيوخ حرب والكرام الصناديد
ذبيت عنهم يوم صارت شكاله

الطيب ان جيته يزودك تزويد
والحنضلي ما يقبلونه عياله

تقبلوا مني تحياتي