|
للنقد وتقييم المحاوره ؟
هذه المحاوره جرت في إحدى المنتديات والكل منهم يقول للثاني بيوتك فيها كسر المطلوب من شعراء هذا المنتدى تقييم هذه المحاوره والإيضاح من الشاعر فيهم الّي يوجد كسر في بيوته من عدمه ؟ لأنني مؤتمن على إظهار الحقيقه فيما بينهم ولا نريد أن نبخس أحد منهم .. أنتظر نقد وتقييم الشعراء ، ولكم جزيل الشكر والتقدير،،،،،، البدايه: شاهر الهذلي بعد غيبة طويله جيتكم بكنوز الاخبار**ورى الاضلاع خازنها عن ايدين الحرامي علامك تقرع البيبان بالمشعاب ياجار**وتـنـقـض ساس جيـره ثابتة ستـيـن عامي ابو عناد العتيبي هلا يامرحبابك ياهلا ياحسين بن نجار.......مذيع(ن)محترف تنقل خبر وتخط الاقلامي ترى الجار مخطاء لاكن عياله الا شرار.......تعدو ولاكن حصلو ميسم(ن) حـــــــامي شاهر الهذلي اناماجيت ابا صلي على بوابة اشهار**ابتطوف ببيت الله وابا حل الحرامي اخاف النار تكوي يدك ياللي تشعل النار** ولا تروي مواريدك مناقير الحمامي ابو عنادالعتيبي اجل ويش الذي وداك يم اشهار ياستار.......عرفنا سبة اغيابك بعد تفسير الاحلامي اشب النار واحرق من تعدى الحد يم الدار.......ولااهاب المخاطر والعداءتنداس بقدامي شاهر الهذلي والا ياشـيــن حضـي كل ما مريت جزار** بدال اللحم يعطيني عراميش العظامي شواطي مرمره مرسي بها تسعين بحار**بواخـرهم تلاعبها خفافيـش الظلامي ابو عناد العتيبي ولا يشين حظك بعد ماجابنك الاقدار.......وانا اللي على شوفتك مثل الجائع الضامي مدينة مرمره جاها الغضب والسد ليه انهار .......كل ضالم له نهايه ونتبه واسمع كلامي شاهر الهذلي صحيح ان الجوارس تجتهد في طرد الاثمار**لـكـن اللـي تجمع ايروح لبـنـادم يدامي تذم الظلم وانت اللي تلف ايمين وايسار** وش اللي خبته يمناك في وسط الحزامي ابو عناد العتيبي صحيح ان زمن هذا زمان الخائن الغدار.......وان ادري منت راضي عن زمانك يابن الاكرامي تقوله يا سفير اهذيل ماتدري عن اللي صار.......حسن خاوا حسين وروحو مرواح صدامي شاهر الهذلي ياليتك ماتحاول تعتلي في راس سنجار** مدام الموس ماهي في جناحين القطامي اشوف الطايره لكنها من دون طيـار** تبا تغــزى السما لكن يحجـبــها الغمامي ابو عناد العتيبي انا شاني رفيع ومنزلي في منزل الاحرار.......لياطبيت فالميدان احطم كل الارقامي ختام القاف ياشاعر لياواجهتلك شعار.......تكون الرامي القناص منت مساعد الرامي |
رد: للنقد وتقييم المحاوره ؟
الموضوع طرح وله أكثر من ثلاثة ايام !!
وين الشعار ما ينقدون الموضوع ؟ |
رد: للنقد وتقييم المحاوره ؟
هلا أخوي صالح
البدع والرد مختلفة في البحر في عدة مواضع تعدو ولاكن حصلو ميسم(ن) حـــــــامي وكان الواجب ما يستمر راعي البدعة بل يطلب من خصمه التعديل على كل حال ابى استعرض بعض ما يظهر لي والله أعلم، تعبت لين لقيت لها لحن ابو عناد العتيبي الشطر هذا فيه كسر هلا يامرحبابك ياهلا ياحسين بن نجار وهذا كذلك اشب النار واحرق من تعدى الحد يم الدار الصحيح اشب النار واحرق من تعدى الحد للدار وهذا كل ضالم له نهايه ونتبه واسمع كلامي شاهر الهذلي هذا الشطر اذا بالطاء المشددة ماشي أما بالتاء مكسور ابتطوف ببيت الله وابا حل الحرامي وهذا مكسور لـكـن اللـي تجمع ايروح لبـنـادم يدامي وسلامتك يا صالح ولا شك الأخوان المشرفين أقدر وأعلم مني ويا ليت يراجعون اللي قلته |
رد: للنقد وتقييم المحاوره ؟
وعليكم السلام ورحمة الله وبركاته
ابو الملثم بيض الله وجهك نقدك صحيح وفي محله ننتظر نقد باقي الشعراء تقديري لك يالغالي |
رد: للنقد وتقييم المحاوره ؟
كلام أبو المثلم صحيح ميه بالميه
ملاحظتي أن شاهر الهذلي بدع على لون معين ولحن معين والعتيبي ماجاراه في نفس اللون يتضح أن الهذلي ماشاء الله عليه متمكن والملاحظات عليه قليلة جداً بينما العتيبي يوجد لديه كسور كثير في أغلب الأبيات |
رد: للنقد وتقييم المحاوره ؟
الإخوان ما قصروا قالوا اللي في بالي
|
رد: للنقد وتقييم المحاوره ؟
اقتباس:
اشكرك كل الشكر يابو حمدان ملاحظتك صحيحه وبيض الله وحهك أتشرف بمرورك ومردودك .. تقديري لك ،،، |
رد: للنقد وتقييم المحاوره ؟
اقتباس:
حياك الله يالغالي يشرفني مرورك على صفحتي تقديري لك ،،،،، |
| الساعة الآن 05:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل