ردحه من تاليفي (( لغز))
 

في يوم من الايام كان احد الزملا وهو من سليم رايح صواب لزراريق من عتيبه وكان الزواج في جده المهم لمعرفته باهتمامي بالالغاز طلب مني مخاواته ووضع ردح بالمناسبه وتعرفون ماقف الهذلي مع السلمي المهم تعذرت منه لنشغالي ولاني اعتبر نفسي ماني شاعر ولانص شاعر بعد الا انه اصر علي واستفزع كم واحد من زملانا من هذيل منهم مطارفه ومساعيد . المهم سوينا الردح واحنا في الطريق الي جده وطلبوا اللغز مني واستعنت بالله وسويت اللغز
يوم وصنا قريب من الحفل الا والسلمان ينتظرونا عشان ندخل سوا
ولقينا فيهم شعار وعلي راسهم ابو مشعاب . والله ما خفيكم اني خفت ان لغزي ما يجي علي قد المستوى وخاصه ان ابو مشعاب
موجود المهم عرضنا الردح علي ابو مشعاب ومعه ناس من ربعه وعدل في البيوت وزاد وغير .الين جو عند اللغز الي انا مسويه
كان فيه احد الحضور معترض علي كلمه باللغز يقول انها ماهي قويه
وقلت انا ما عدل بلغزي ابد اما تاخذوه زي ماهو ولا تخلوه المهم قال ابو مشعاب احنا الي الان ماعرفنا الحل ولا نقدر نغير شي في الردحه الين نعرف اللغز قلت اللغز ماني معلم به وانت شاعر ومثلك يحله . قال عيده عدته المهم ما طول وحل اللغز وقلت له يبي تعديل في شي قال لا ابد خله زي ماهو . مانطول عليكم . الاوله والثانيه والله ما حفظتها فيها سلام ومدح وفخر
مير الثالثه الي فيها اللغز يقول
((والثالثه وش رجل فوق الارض ما يعرف مكانه
معروف للاهل العلم والتنجيم وارباب الكهانه
اللون لون الدم ولا الشكل في شكل اللبانه
والي قناه الدين يحكم فيه بحدود الحرابه ))
المهم جلسنا ساعه نردده وكان في العتبان شعار كبار منهم .ابن طمحي . وحامد العتيبي وغيره . جابو حل للغز بس حل ماهو صحيح . ماحد حله الا عوض الله ابو مشعاب
عاد ابي الاخوه في المنتدا يحاولون يحلونه .
وسلامتكم

رد: ردحه من تاليفي (( لغز))
 

[align=center]صح لسانك ياولد العم

وبصراحه لغز ماهو بسيط

لي عوده ان شاء الله ان لم يحلون الاخوان اللغز

تحياتي لك[/align]

رد: ردحه من تاليفي (( لغز))
 

عادات هذيل تبيض الوجه في المواقف
واتمني لك التوفيق

رد: ردحه من تاليفي (( لغز))
 

بيض الله وجهك يالزيداني على موقفك مع خويك .

وأنا ماني بشاعر ، بس حاولت في لغزك وأبعطبك الحل اللي توصلت اليه

بس بدون رجز.


اللسان

رد: ردحه من تاليفي (( لغز))
 

http://www.hotheil.net/vb36/images/threadbag/1.gif

http://www.hotheil.net/vb36/images/threadbag/9.gif




[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
والثالثه وش رجل فوق الارض ما يعرف مكانه =معروف لاهل العلم والتنجيم وارباب الكهانه
اللون لون الدم ولا الشكل في شكل اللبانه =والي قناه الدين يحكم فيه بحدود الحرابه [/poem]


ولعل أخوي فتى هذيل توفق للحلhttp://www.hotheil.net/vb36/images/threadbag/3losh7.gif

رد: ردحه من تاليفي (( لغز))
 

هذلي والفخر لي
ابو مازن
فتي هذيل
سلطان السويهري
اشكر مروركم و مشاركتكم وما عليكم زود يا عيال عمي

رد: ردحه من تاليفي (( لغز))
 

حاول مره اخرى :s15:

رد: ردحه من تاليفي (( لغز))
 

الحقيقه موقف مشرف واللغز انشا الله سوف نحله

رد: ردحه من تاليفي (( لغز))
 

بيض الله وجهك

واعطيني مهلة افكر

مافيه اختيارات

رد: ردحه من تاليفي (( لغز))
 

الزئبق الاحمر

رد: ردحه من تاليفي (( لغز))
 

بيض الله وجهك
:055: :055: :055:
الحل صحيح

رد: ردحه من تاليفي (( لغز))
 

الاخ العزيز الزيداني
اتمني تكتب الرجزه كامله كي ارد عليك برجزه

رد: ردحه من تاليفي (( لغز))
 

الاخ ابو مازن
هي ليست رجزه ولا ردحه بل حدايه وهي كامله علي طريقه هذيل شام
لاكني سهوت وكتبت ردحه المعذره منك ومن فهم غلط
وحلك صحيح . تحياتي :s15:

رد: ردحه من تاليفي (( لغز))
 

الحقيقة فعلا صعب ومن وين للبدو معرفة بالزئبق الاحمر

أكيد إنك تخصص كيمياء

رد: ردحه من تاليفي (( لغز))
 

هههههههههههههه
فعلا انا كنت متعمد تصعيبه
بس هذا لايمنع ان بعض الناس لديه ثقافه .مثل الشاعر عوض الله ابو مشعاب هو بدوي ورجل كبير بالسن لاكن حله .:345: