سلام ياهذيل
 

سلام الله سلام(ن)على المشراف مبداه=اقوله بعد ماجيت انا ضيف الجماعه=
تهيض يالهذيلي وكل(ن)دون مشحاه=بعد ماجاك دكتور مختص الاشاعه=

رد: سلام ياهذيل
 

هلا يامرحبا والسعد جينا وجبناه
تفضل عند قوم ن اهل طيب وشجاعه
الا ياصاحبي هات علم ن ماسمعناه
بعد جاك استشاري ما تلقا لك شفاعه

رد: سلام ياهذيل
 

يدوم ألك البقا من رجال العز والجاه=رجال(ن)عندها فالمواقيف أستطاعه=
ترا كل(ن)معه فيديه اكتاب يقراه=وذا ربي شفعله وذا يغسل شراعه=

رد: سلام ياهذيل
 

تعرف الجود بحر ن وحنا من سبحناه
رجال ن فى المواقف تقنعكم قناعه
ترى ما كل رجال يلقا اللي تمناه
وحنا من خلقنا ما جاء فينا طماعه

رد: سلام ياهذيل
 

تراه الجود جود البشر يراعي الشاه= ولاهو بحر ذا صيت يراع اللكاعه=
ولايسيف ياسيف يلي زان معناه=تركد بعد ماجيت انا لك سم ساعه=

رد: سلام ياهذيل
 

رعها محمد اللي تثنى العز فى رداه
ولكن شفت انا العيب في جوف البضاعه
تقوله والهدف ياعميلي زان مرماه
وانا من كل عله فى دمي جاء مناعه

رد: سلام ياهذيل
 

ولا ياسيف حذرا تحد الشيخ لقصاه=بعدها تنزقل وسط بير(ن)دون قاعه=
تقوله والجمل يالهذيلي وسط مفلاه=ولا نحسب علومك يبو سن الرضاعه=

رد: سلام ياهذيل
 

سموم القيض اشوف الليالي تقصر خطاه
ولا ياشيخ ما قلت لك سمع ن وطاعه
جمل لكن تعصا وجبت القيد يرباه
لكن قلبك ليا شافنا بيموت راعه

رد: سلام ياهذيل
 

ولا يسيف انا اللاش والمغرور من خاه=ولاهم من عربنا ولا فيهم جزاعه=
جمل يسيف منته كفو من شان تنصاه=ومن عاند ترا شعيل جره من كراعه=

رد: سلام ياهذيل
 

تعرف الحر الاشقر على الطولات ما بداه
وحنا نعرف القرم نجدته بذراعه
جمل كم ياعميلي ترا انا من وسمناه
وفتش في حزامك ما تلقابه سراعه

رد: سلام ياهذيل
 

صح لساااانك ياسيف والى محاوراات اخرى

رد: سلام ياهذيل
 

سموم القيض صح بدنك
وحياك الله ويليت تطرح البيت وتحط موعد نكون متواجدين
فيها وصح السانك