::{ مجالس قبيلة هذيل }:: موقع يهتم بتراث القبيلة ومفاخرها - قصيدة وشيلة راااائعه " الدمعه اللي تكابر في طرف عيني "

- مجلس الشيلات (https://hothle.com/vb/forumdisplay.php?f=78)

قصيدة وشيلة راااائعه " الدمعه اللي تكابر في طرف عيني "

http://www.youtube.com/watch?v=ToBhe...layer_embedded

الدمعه الي تكابـر .. فـي طـرف عينـي ..!
يردها الموق.. بس ..الجفن ..حدرها .!!

سمعت صوتـك مـع العالـم .. ينادينـي ..!
وازريت لا ردهـا .. بالعيـن واسترهـا ..!!

وصديـت مـاودي ان النـاس .. توحينـي..!
مثلي يموت ودموعـه .. صعـب ينثرهـا ..!!

ويخنقني البوح .. بـس القلـب يعصينـي ..!
ويبقا بوسط الصدور .. وفـي خواطرهـا ..!!

والحزن لو انـي.. خفيتـه .. واضـح ٍ فينـي ..!
ورد على القلـب .. والفرحـات صدرهـا ..!!

والبسمـه الـي تبينـي .. بـس تخطينـي..!
متى على الله .. يجيهـا يـوم واظهرهـا ..!!

ألآحي الـورق .. مـدري هـي تلاحينـي..!
اوَن وتسجـع .. و ونـاتـي تكـررهـا ..!!

لبيـه يـا ذكرياتـي .. واجمـل سنينـي..!
ويا قصة ٍ عايشه لـو مـات .. آخرهـا ..!!

وين انت يـ اول غرامـي .. يـا معنينـي..!
وين انت يـ اغلى ذنوب القلب .. واطهرها ..!!

اصحا وطيفـك .. معـا زولـي يبارينـي ..!
وارقد واشوفك .. مع احلامـي تباشرهـا ..!!

مدري تناسا غصَـب او انـت .. ناسينـي ..!
ومدري عهودك وش الي صدق .. غيرها ..!!

واليوم .. وينك بـ هالدنيا .. وانا وينـي .!
طالت ليال الفراق .. بـ عين ساهرهـا .!!

كم قلت:توبه .. ترا مـا عـاد تعنينـي ..!
ان جات لـ النفس .. نفسي يمكن اقدرها ..!!

واليا اظلـم الوقـت .. هوجاسـي يسرينـي..!!
ويضيق صدري .. و كل ايامـك اذكرهـا ..!!

وتبيني .. انسى .. وانا مـا عـاد يمدينـي ..!
لو شفـت حالـي .. قسـم بالله تعذرهـا ..!!

اصبّر الحـال .. فـي قولـة بـيجيني..!!
وانا ادري اني .. اببطي .. لـو اصبرهـا .!!

وقصايـدي فـي غيابـك .. مـا تسلينـي ..!
لو تطرب الناس .. تشكي جرح شاعرهـا ..!!

والنفس تشكي زمان ٍ .. صـدْق مشقينـي ..!
حتى انت يـ اغلى البشر .. تبعد وتحقرها ..!!

والدمعه اللـي مـن الوحـده .. تواسينـي ..!
إللـي مـن آخـر لقـا .. بالله خابرهـا ..!!

شفها تكابر وترجف .. في طـرف عينـي ..!
ولاني عقب شوفتك يالزّيـن .. ذاخرهـا ..!!