الـــجــرح اقـــــوووووى
 

[poem=font="arial,6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
رغم الجروح وطيحتي والونيني = ورغم العذاب اللي على يدينك الوان
ورغم الذي حطيتهم لي وزيني = ومزاعمك لمكايد الشوق هجران
ورغم الغدر وسهوم ضربٍ يقيني = وشوف العيوب اللي غشت ضي الاعيان
جيتك اطالبك الوفا والحنيني = وصديت عني في جحودٍ ونكران
وتابعت وصلك من غلا مبتليني =ثم قلت مابين المحبين نقصان
طوفت لك فعلٍ معي كان شيني= وتبعت قلبٍ جاك عاشق وولهان
وسديت بابٍ للرجا محتويني = ولجله تجنبت القوافي والاوزان
وهليت دمعٍ انطوابي حزيني = وابعدت حالي جرح والام واحزان
ولجيت للي في سماه يحميني =من واهجٍ وسّمه على القلب نيران
ولحّيت في رجوى تواصل يعيني = حالٍ رثاله بالنظر جمع خلان
الروح ثكلى والمواجع سنيني = ولاصارلي في دور الافراح عنوان
ومضيت ميت بالعرب لين حيني = ظهرت كالمنقذ لمن كان نسيان
وفزعت من خوفي وقلت افهميني = انا النصيب اللي كتب عالي الشان
اظروفك اظروفي ومافيك فيني = جيتك من النسيان باحث عن انسان
واقسمت لي بالله جزم اليميني= على طريق الشر والخير بقيان
وسلمت لك قلبٍ سقاك الحنيني = واصبحت لي شوف النظر وين ماكان
اوهمتني بصوت النداوي تبيني = وسريت اضم الصوت بجنون غرقان
وطرالي اشوفك بتصديق عيني = وياليت ما فكرت ظليت عميان
وقدمت لي عذرك بقول ارحميني = وقبلت انا الاعذار والحب سلطان
وكررت غدرٍ قد مضى ياضنيني = الجرح اقوى والالم منه شقيان
مهموم وهمومي صرت تعتريني = وسألت وشب النور بالكون مابان
الضيقه اللي كل ليل تغزيني = لا شوف خلت لي ولا منطق لسان
ومع كل هذا قلت يمكن تجيني = ولا جيتني يامدعي الشوق شفقان
واقول يمكن بالغلط تحتريني = وانا غيابي عنك خلاك فرحان
ماعاد تذكرني ولا تشتهيني = جات لك فرصه تجعل القلب طربان
تعبت من وقتٍ جعلني سجيني = ومن كل فكرٍ معتدل صرت وجلان
منتة ببايعني ولا مشتريني =والقلب ماغير مسيره ولاخان
وانا اتفيا تحت فية عريني = لا نازفٍ جرحي ولا الموت بي حان
لعلي اصبر واحتمل ما يجيني = حتى تاكدلي دلائل وبرهان
واذا غرورك رافض انك تليني = فأنا شموخي يرفض بيوم ينهان
[/poem]

رد: الـــجــرح اقـــــوووووى
 

اقتباس:

اظـروفــك اظــروفــي ومـافـيــك فـيـنــي*** جيتـك مـن النسيـان باحـث عـن انـسـان واقـسـمـت لــــي بالله جــــزم اليـمـيـنـي*** عـلـى طـريــق الـشــر والـخـيـر بـقـيـان وسلـمـت لـــك قـلــبٍ سـقــاك الحنـيـنـي*** واصبحت لي شـوف النظـر ويـن ماكـان اوهمـتـنـي بـصــوت الــنــداوي تـبـيـنـي*** وسريـت اضـم الصـوت بجنـون غـرقـان

نص رائـع . .

واسلوب متفرد ..


صح السانك الملتـاعه

نص راق لي



احترامي

رد: الـــجــرح اقـــــوووووى
 

رد: الـــجــرح اقـــــوووووى
 

السلام عليكم ورحمة الله وبركاته

صح لسانك، يالملتاعة

قصيدة جميلة، ننتظر ابداعك


تحية طيبة

رد: الـــجــرح اقـــــوووووى
 

صح لسانك اختي الطيبه الملتاعه

قصيده مميزه بأسلوبك المميز

يعطيك العافيه

تحياتي

رد: الـــجــرح اقـــــوووووى
 

واذا غــــرورك رافــــض انــــك تـلـيـنـي

فـأنـا شمـوخـي يـرفـض بـيــوم يـنـهـان..

[align=center][table1="width:95%;"][cell="filter:;"][align=center]
صح لسانك واعتلا شانك ....
شامخه يالملتاعه ...
ننتظر جديدك...
تح ــــــــــياتي وودي


[/align][/cell][/table1][/align]

رد: الـــجــرح اقـــــوووووى
 

صح لسانك
قصيدة جميلة ورائعه وتواصل أجمل من الشاعرة الملتاعه
نتمنى أن يدوم هذا التواصل

رد: الـــجــرح اقـــــوووووى
 

صح لساانك اختي ( الملتااعه ) شااعره متمكنه

ومعااني جزله ولاكن القصييده فيها انكسااار كبيير

وهذا لا يرووق لي و جمييل منك انكِ ختمتي بهذا

الشطر

فأنا شمووخي يرفض بيووم ينهااان


مررت من هنا هذليه

رد: الـــجــرح اقـــــوووووى
 

قصيدة مزحومة بالشاعرية

فيها عاطفة صادقة طاغية

من أروع القصائد الوجدانية

و اسلوب راقي جدا ..


,
,

صح لسانك أختي

و شكرا لك

رد: الـــجــرح اقـــــوووووى
 

رد: الـــجــرح اقـــــوووووى
 

رد: الـــجــرح اقـــــوووووى
 

رد: الـــجــرح اقـــــوووووى
 

رد: الـــجــرح اقـــــوووووى
 

رد: الـــجــرح اقـــــوووووى