::{ مجالس قبيلة هذيل }:: موقع يهتم بتراث القبيلة ومفاخرها

- مـجـلـس شــاعـر هـذيــل (https://hothle.com/vb/forumdisplay.php?f=154)

- - من لايعرف الرأس مايعرف الذيل (https://hothle.com/vb/showthread.php?t=36830)

من لايعرف الرأس مايعرف الذيل

هذة القصيدة للشاعر عبدالله المسعودي
مافي السهر للعين غير الغرابيل

كم واحدآ بعد السهر باري الحال

ماسهرتي من رغبتي فيك ياليل

لكن اعالج فيك بعض الأحوال

مشغول ياكثر القلوب المشاغيل

والنوم مايحلى لمن عنده اشغال

وهموم قلبي مقفيات مقابيل

مدري متى نلقاك ياراحة البال

ياما تشوف عيوننا من تهاويل

وياما يشق اسماعنا من تنثال

الله خلق خلقه وراحو تشاكيل

نحن نناظر فيهم الوان واشكال

شكل ملبس بالحلي والخلاخيل

ومن جوته يالله لاتكشف الحال

وشكل يغني بالنميمه مواويل

مايستطيع يعيش من غار موال

اذا لقى له هرجة شالها شيل

واما لقى دور لها عند دلال

وشكلآ كما البطحاء بعد ثاني السيل

يابس ثراها كن واديه ماسال

ومن لايعرف الراس مايعرف الذيل

تعامله طيب يعاملك بطال

ماهمي الطيب معي له مواصيل

واذا بغيت اصل وصلته بميصال

كم واحدآ يلبس ثياب الرجاجيل

واذا فتشت اقصاه ماهوب رجال

وانا على شاشه مصور وتسجيل

والشرح والتوصيف باقي له اكمال

بلغت المجهود والعذر تكميل

والناس مايرضيهم الا بخت فال