~{ قـال أبوناصــر }~
 

هذه القصيده التي قيلت
في حفل إستقبال
( ثقيف ترعه )
في ديرة هذيل
سابع أيام عيد الفطر
أملي أن تروق لكم

[poem=font="Traditional Arabic,4,,bold,normal" bkcolor="" bkimage="backgrounds/1.gif" border="double,2,#2e8b57" type=2 line=0 align=center use=ex num="0,"]
قال ابوناصر هلا مرحبا ترحيب هيل=من ضميرٍ يوم يبدابها حلوٍ نباه
كلفوني بالتراحيب عن ربعي هذيل=كل رجّالٍ يوصّي وانا ماابغى وصاه
مرحبا باللي لفونا على العلم الجميل=من ثقيف اصحاب ترعه وفرسان السراه
الرجال اللي لها المجد جيلٍ بعد جيل=مجدها عانق سهيل اليماني في سماه
مرحبا ترحيب برقٍ تلالا في المخيل=من سعدنا ساقه الله لنا وإنهلّ ماه
ورحّب الوادي بجمٍّ قراحٍ سلسبيل=والجبل يثني التراحيب لو تنطق حصاه
مرحبا في ديرة هذيل والمجد الأصيل=من زمان الجاهليه ليا وقتك هذاه
أهل ميقافٍ يشرف واهل عزمٍ وحيل=واهل نارٍ ضوّها يهدي الساري سناه
عندنا نارين نار الكرم في جنح ليل=ونار يوم الحرب تسعر من يدين الرماه
يوم أخذنا مدفع الترك في اليوم الثقيل=ظلّت الطير الحوايم على القتلى وراه
وعندنا سر البلاغه مع الشعر الجزيل=والعوايد والسواير وميراد القضاه
من قرا تاريخ الأشعار واوزان الخليل=يعرف إن الشعر منا وفينا منتهاه
افتخر في عز ربعي وانا راسي طويل=والقبايل كل قومٍ لهم عزٍ وجاه
ومرحبا ترحيب مني ومن ربعي هذيل=وللنبيّ الهاشمي في الختام ازكى صلاه[/poem]

عندنا نارين نار الكرم في جنـح ليـل
ونار يوم الحرب تسعر من يدين الرماه
يوم أخذنا مدفع الترك في اليوم الثقيـل
ظلّت الطير الحوايم علـى القتلـى وراه
صح لسانك يافخر هذيل

لافض فوك

وصح لسانك

[align=center]صح لساانك

ومشكوور الف شكر على النقله الرائعه
وإلى الامام دوما

تقبل تحيتي

أبو فيصل[/align]

مشاركة: ~{ قـال أبوناصــر }~
 

عبد الله الطلحي

بيض الله وجهك

على هذه القصيده الرائعه فأنت نعم من أختاروا

ونعم من قدموا

وقصيده كانت رائعه بلا شك

من شاعر يصرف من الذهب أحجاما ً وأوزانا ً

تحياااتي

مشاركة: ~{ قـال أبوناصــر }~
 

[align=center]الشاعر

عبد الله الطلحي

صح لسانك مليون

كل التقدير[/align]

مشاركة: ~{ قـال أبوناصــر }~
 

يعطيك العافية

وصح لسانك

تحيااااااااااتي

مشاركة: ~{ قـال أبوناصــر }~
 

صح لساانك أيها الشاعر الفذّ....

ترحيب رائع وقصيدة أروع...

ـــــــــــــــــــــــــ ـــــــــــــــــــــــ

الشـــــــامخ***

مشاركة: ~{ قـال أبوناصــر }~
 

[align=center]الله الله ياأبا ناصر

كيف لاتروق لنا هذه الشامخه

دمت وسلمت وبيض الله وجهك[/align]

مشاركة: ~{ قـال أبوناصــر }~
 

رد: ~{ قـال أبوناصــر }~
 

صح لسانك يابو ناااصر


جزل كماعودتنا يالغالي

رد: ~{ قـال أبوناصــر }~
 

رد: ~{ قـال أبوناصــر }~
 

بيض الله وجهك

كفيت ووفيت

رد: ~{ قـال أبوناصــر }~
 

بيض الله وجهك يا ابو ناصر...
ولكن بحكم خدمتك اللي تجاوزت الــ 25 سنه في القوات البحرية اكيد انك قلت فيها شئ وياليت تسمعنا ايها لو تكرمت..


اخواني ادارة المنتدى...ارجوا مساعدتكم في كيفية الغاء الاشتراك في المنتدى

السلطان

رد: ~{ قـال أبوناصــر }~