اخاف اواسيه
 

[poem=font=",6,blue,normal,italic" bkcolor="black" bkimage="" border="none,4," type=0 line=1 align=center use=ex num="0,black""]
ياساعد القلب عناني = والصبر ياخوي ماينطاق
مجروح فاقد لخلاني = واليوم زادت بي الأشواق
كنت احسب البعد نساني = وكم قلت بنسى من الاعماق
حتى ولو يوم لاقاني = = بجفاه لو هو كسير الساق
لكن قلبي تحداني = والحب الاول فقلبي فاق
من يوم شفته وناداني = اقبلت والشوق ماينعاق
بعيونه السود ناجاني = من عقب وقفه وطول عناق
نسيت كل الذي جاني = كني سجينٍ على الإطلاق
نسيت همي وحرماني = والقلب من شوفته ماضاق
وإحترت ياخوي واشقاني =ابو جبينٍ كما البراق
اخاف اواسيه يجفاني = ويزيد جوره بدون إشفاق
وإن قلت بنساه عزاني = دمعٍ على وجنتي حراق
[/poem]

رد: اخاف اواسيه
 

وعليكم السلام ورحمة الله وبركاته

صح لسانك اخي ابو خزامى

وتعتبر هجينيه ماهي كسره

والله يرد ساعد بالسلامه


تحيه طيبه

رد: اخاف اواسيه
 

[poem=font="simplified arabic,5,red,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black""]
لكـن قلـبـي تحـدانـي=والحب الاول فقلبـي فـاق[/poem]


مسكين يابو خزامــي ههههه

صح لسانك ..

راعي علوم جزلات وراعي كسرات ...

ننتظر جديدكـ ياعين ابوي

رد: اخاف اواسيه
 

وعليكم السلام ورحمة الله وبركاته


صح لسانك يابو خزامي

كسره رائعه

ننتظر جديدك لا عدمناك

تقبل ودي قبل ردي

رد: اخاف اواسيه
 

اخواني سهم هذيل وصالح وبن عادي صحت ابدانكم وسعيد بمروركم ولكن لي ملاحظه على تعليق الاخ بن عادي ارجو اعادة النظر وتلحين الكسره ستجدها كسره ومنك نستفيد

رد: اخاف اواسيه
 

هذا وقد تم التواصل مع الشاعر وزودنا بالرد عبر الفاكس
يقول بعد السلام عليكم
لقد تم الرد على القصيدة في حينها ولكن جميع اوراقي بأدراجي التي تقبع في بيت أمي الغاليه
عندما أعود الى الوطن سأوافيكم بالرد
وقال سلم لي على ربعي هذيل وعساهم على القوه
اخوكم سهم هذيل