مني سلام الله على كل سامع = شفته بعيني أو قرأ بدع شعري
عد السحاب اللي بروقه تلامع = لمعة بروقه نورت درب فكري
عندي قوافي الشعر تطرب مسامع = بالذات لو هي كانت بخط حبري
دمي جرا به شعر والنجم لامع = النجم ما يخفى مع اشعاع فجري
لو يختفي ما كان به نجم ساطع = مير اكتب أبياتي على كل بحري
عقلي يجيب الجزل و القاف طايع = يسرح يدور للجزيلة و يسري
نصبر على وقت القسا و التواجع = العين ما تدمع على كثر صبري
لو كان بعض الناس له جفن دامع = ما تدمع عيوني و لا ضاق صدري
طبعي كذا و الطبع في الرجل زارع = رابي على علم الوفا طول عمري
في اللازمة واقف معي سيف قاطع = يوم الرخامة تعطي اللاش عذري
أقدَر الطيب و أحب التواضع = لكن ما أمشي في الرذيلات شبري
هذي علوم الصدق والصدق ذايع = ذايع ولا يخفى به الناس تدري
لو كان ودك تعرف اسمي فطالع = يا القارئ أول حرف من كل شطري

يا مرحبا حياك الله

يالفارس حزين الطلعة

نورت الصفحة بوجودك

لكن ......... دقق في القصيدة و أجب على سؤال العنوان

تحياتي

سلطان هذيل

ما عليك زود

عرفت تفك الشفرة

الله يبيض وجهك يا ولد العم