لا وا هني من شد
 

اخواني الاعزاء احب ان اطرح بين يديكم هذه القصيده المتواضعه والتى عسى ان ترتقي الي ذائقتكم الراقيه


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا وا هني من شد واعطى مع الخد = فوق الذلول اللي عليه الشدادي

وابعد عن الحاره وغير دياره = يوم استوى المرباع في كل وادي

وشدوا له اهل القود يوم اخضر العود = جاهم مع العساس علمٍ وكادي

والقيض عنهم زل بعد الشتا حل = واقفت سمايمها وهب البرادي

وشدوا عن المقطان والكل عجلان = من يوم نادى بالشديد المنادي

غنا وذب الريع واعطى المخاويع = تقفاه قطعاناً سوات الجرادي

احدٍ معه زاده وهو في شداده = واحدٍ مشى عجلان من غير زادي

زاده حليب بكار يرعن الاقفار = مرباعها شامه ومنها وغادي

ترعى حيا المرباع من كل الانواع = عن شفها ماحيرت بالقيادي

من دونها الشجعان حامين الاضعان = بالسيف والشلفا وخشم الزنادي

اهل السيوف اللي بها تنزل الخوف = لطامة العايل نهار الطرادي

وتكرِم اللافي بصفر المصافي = وترحيبةً معها الذبيحه تقادي

يلقى علوم رجال مع كيف فنجال = في مجلسٍ ماطب فيه الربادي

لي دار فيه الكيف جات السواليف = شياً قديمات وشيٍ جدادي

سولف بها شايب علومه عجايب = من روس قوماً يلطمون الأعادي

هذا ترى شفي بوقتٍ مقفي = والعمر يفنى والفتى في جهادي [/poem]


وسلامتكم.....

رد: لا وا هني من شد
 

السلام عليكم ورحمة الله وبركاته


ماشاء الله، نفس قديم وروح اصيلة، صح لسانك شاعرنا مطر.

ماقصرت الله لايهينك


تحية طيبة

رد: لا وا هني من شد
 

رد: لا وا هني من شد
 

رد: لا وا هني من شد
 

قصيدة راقت لي كثيراً

مطر الهذلي قمة الإبداع والأصالة والشعر الجميل دائماً
صح لسانك وعلا شانك يابن العم

رد: لا وا هني من شد
 

رد: لا وا هني من شد
 

وعليكم السلام ورحمة الله وبركاته


وصح لسانك ، قصيدة أصيلة من شاعر تعودنا منه الجزالة.

تقبل مروري وتقديري ،،،،

رد: لا وا هني من شد
 

الاخ عماد صح بدنك ولاهنت شر فتني بمرورك

رد: لا وا هني من شد
 

وعليكم السلام ورحمة الله وبركاته






الله الله

صح لسانك

قصيدة جزلة و رائعة المبنى

رد: لا وا هني من شد
 

ياهلا ومرحبا بفارس الصحراء وفارس الشعر صح بدنك والرائع مرورك طال عمرك

رد: لا وا هني من شد
 

ابداع والله يابن العم كما تعودنا منك

بيض الله وجهك

رد: لا وا هني من شد
 

وعليكم السلام ورحمة الله وبركاته

اخي مطر الهذلي

صح لسانك مدد بلا عدد

سلمت وبيض الله وجهك

قصيده جزله ولا هي غريبه الجزاله من شرواك

ومن خلال هذا المتصفح احب اوصل سلام الشاعر سعود الشاطري لشخصك النبيل

وقد اثنى على شاعرية شخصك واعجابه بما تكتب


ارق التحايا استاذي

رد: لا وا هني من شد
 

جميلة جدا

و أسلوب رائع و بديع

صح لسانكـ أخوي مطر

و بيض الله وجهكـ على هالرائــعة

شكرا لك

رد: لا وا هني من شد
 

رد: لا وا هني من شد
 

ووجهك ابيض ياخيال الشقرا وماعليكم زود