::{ مجالس قبيلة هذيل }:: موقع يهتم بتراث القبيلة ومفاخرها

«®°·.¸.°°·.¸¸.°°·.¸.°®»[align=center]البارحه هوجست بعض الهواجيس
سجيت انا والشعر سجة طويله
مافيه غير الشعر صاحب وجليس
لاصرت متضايق ونفسي عليله
ماني جليس للضعوف الدنافيس
اهل العلوم الهايفه والهزيله
وشهو حصللك من ورى الحب ياقيس
ودتك ليلى للسيوف الصقيله
لاصرت ماتمشي دروب الغطاليس
مالك ومال احلامك المستحيله
لكن ذالشيطان راع الوساويس
حتى الخليل يباعده عن خليله
الملك لله اسس الكون تاسيس
والهم قلوب الناس درب الفضيله
مادام عرش الملك لجيوش بلقيس
لوطاعها مليون جيش وقبيله
بارضن خلا يازين شب الفوانيس
فلة حجاج وجو مامن مثيله
والشاذليه فوق جمر الجعاميس
مجلاس مايحواه نفس ثقيله
في ديرة لاهب منها نسانيس
الهم من وسط الضماير تشيله
ماهمني لوكان فلست تفليس
واكسب عميل ما يبور بعميله
الناس تال الوقت مغريهم إبليس
والعبد مهما صار لازم يجيله
يومن يوسوس فيه بعض الوساويس
لكن قلب الآدمي هو دليله
يالله ياللي زايل كل تنجيس
تديم ابو متعب سنين طويله
وتلبسه ياخالق الكون تلبيس
ثوب من الغفران صبح ومقيله
وصلو على من درس الخلق تدريس
نبينا راع الخصال الجميله[/align]«®°·.¸.°°·.¸¸.°°·.¸.°®»