مادريتـوا ؟
 

[align=center]مشاعر
أثارتها
مناظر
أبوغريب[/align]

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتسولف لي عن الهيل والدله=والغضى المشبوب والليل قمّاري
وإجتماع الشمل واللعب والفله=وقاف غنيته وغناه سماري
كلما اقبل داعي الشوق نقبل له=يوم كان الهم ماله معي طاري
كان قلبي كل همه رضى خله=والخطر قادم ولااحدٍ عنه داري
مادرينا لين ضاع العمر كله=في هذاك الليل يوم القمر ساري
خل ذاك الوقت ياصاحبي خله=وإن قدرت إنسى زماني وتذكاري
كان راسك يعشق الكيف مامله=عفت أنا كيفي ومركاي ووجاري
وعفت وقتٍ ماحماني من الزله=ولارفع بين الرجاجيل مقداري
والصديق اللي هقيته على المله=يوم طاحت خيمتي ماستر عاري
والمحلّى بالذهب صافي السله=لاقضى ديني ولااخذت به ثاري
خان كفي وإنكسر قبل ماأسله=واخسارة يوم أنا بالغلا شاري
وكل صاحب في اللزوم إختلف دله=لاولد عمي فزع لي ولاجاري
لاتسولف وانت داري عن العله=السوالف كلها ماطفت ناري
كان مريت العرب من نشد قله=إن لقيت إنسان ينشد عن اخباري
قل لهم ياعزوتي ياهل الحله=مادريتوا ؟ ( صوروني وانا عاري )[/poem]
.

مشاركة: مادريتـوا ؟
 

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
مادرينا ليـن ضـاع العمـر كلـه=في هذاك الليل يـوم القمـر سـاري
خل ذاك الوقـت ياصاحبـي خلـه=وإن قدرت إنسى زماني وتذكـاري [/poem]


الله يسلمك يابو ناصر

وزدنا منها الله يطول عمرك

مشاركة: مادريتـوا ؟
 

اثارت مشاعرنا احداث سجن أبو غريب.........ومشاعر العالم

قرأت الكثير من القصائد في نفس الموضوع

بدون مجاملة .........ماكانت بمستوى ابياتك

ابـــــــــــــــــــــدا ع يا ابو ناصر ابــــــــــــــــــداع

مشاركة: مادريتـوا ؟