|
محاورة بين الشاعر عبدالله المسعودي وصياف الحربي
حدثت المحاوره عام 1399هجري في مكه المكرمه بين متنبي الخليج المسعودي وصياف وهي من اجمل ما سمعت من النقض والفتل .
المسعودي سلام الله عليكم يا عوارف والسلام يرد = ارد السلام وسر قلبي محد (ن)درابه وانا لي عميل كل ما اوحا له صفير يلد = سوات اللي يصفر في ظلام الليل لصحابه صياف هلا مرحبا ترحيب وافي عريب الجد =تراحيب الوفي والمعتدي وشلون مشعابه الد بالنظر يم الرجال مجودين السد =ولا ارابالنظر يم الغشيم مزعل اقرابه المسعودي تريح واستريح ولا تشب النار في عرق الند =ترى ريحة العود الاخضر ما تطلع من الغابه ولا يا حرب يا حرب الاصايل بالنسب والعد =حربناكم نهار الشرع عنكم قافلآ بابه صياف ليا شديت حبلي يا الهذيلي شد حبلك شد =عشان افتكر وانشدك عن خاطرك وش صابه لا تظلم يا الهذيلي والظليمه بيتها ينهد =ترى من اخذ الفجان فاضي ما تقهوا به المسعودي جملكم من ورى ريع الرحا معقول ومقيد =يسوقونه ثلاثه واربعه واثنين ركابه تذكر يوم ليلك ابيض والنهار اسود =اقولها عند وجهك ما اظلم الرجال في غيابه صياف اضن الكثر غلاب الشجاعه والصحيح يعد =غلبناكم في خامس يوم والايام غلابه تذكر يوم جينا وانت لا تاقف ولا تقعد =نهار انا هدمنا البيت وانت ماسك اطنابه المسعودي لا تحسب ان الموت مثل الحوت ولا ريش طير اربد =نهار انكم هبطتو مليا حثولكم جلابه |
رد: محاورة بين الشاعر عبدالله المسعودي وصياف الحربي
مشكور اخوي وفعلا محاورة تستحق الحفظ والتثبيت رغم وجود بعض الاخطاء الاملائية
وهناك محاورة لصياف وعبدالله ومن ضمن مايقول فيها عبدالله انت ليا شفت السيوف منكسة تشهق شهيق / من شين حظك يالغشيم تشم راس السيف شم اذا لديك فانثرها لنا هنا وشكرا |
رد: محاورة بين الشاعر عبدالله المسعودي وصياف الحربي
اقتباس:
وتم التصحيح وبخصوص طلبك سوف البيه بمشيئة الله ولك جزيل الشكر والامتنان |
رد: محاورة بين الشاعر عبدالله المسعودي وصياف الحربي
وعليكم السلام ورحمة الله وبركاته
الله يرحم هم جميعاً شعراء سطر لهم التاريخ شعرهم الله يرحمك يالمسعودي .. تربع على قمة الشعر في عصره اشكرك أخي ابو فهد .. مجهود تستحق الثناء عليه تقبل ودي قبل ردي .. لا عدمناك |
رد: محاورة بين الشاعر عبدالله المسعودي وصياف الحربي
اقتباس:
مرورك شرف لي يا ابو خلود الله يعطيك العافية. وتقبل تحياتي وتقديري |
رد: محاورة بين الشاعر عبدالله المسعودي وصياف الحربي
القصيده بعد تعديل بعض الاخطاء المسعودي سلام الله عليكم يا عوارف والسلام يرد وانا ارد السلام وسر قلبي محد يدرابه انا ليه عميلاً كل ما اوحى له صفير يلد سوات اللي يصفر في ظلام الليل لصحابه صياف هلا يامرحبا ترحيب وافي من عريب الجد تراحيب الوفى والمعتدي وشلون مشعابه انا الد النظر يم الرجال امجودين السد ولا الد النظر يم الغشيم مزعل اقرابه المسعودي تريح واستريح ولا يشب النارعرق الند ترى العود الخضر له ريح مايطلع من الغابه ولا يا حرب يا حرب الاصايل بالنسب والعد حربناكم نهار الشرع عنكم قافلآ بابه صياف ليا شديت حبلي يا الهذيلي شد حبلك شد ع شان افتكر وانشدك عن خاطرك وش صابه لا تظلم يا الهذيلي والظليمه بيتها ينهد ترى من ياخذ الفجان فاضي ما تقهوا به المسعودي جملكم من ورى ريع الرحى معقول ومقيد يسوقونه ثلاثه واربعه واثنين ركابه تذكر يوم ليلك صاير ابيض والنهار اسود اقوله عند وجهك ما اظلم الرجال في غيابه صياف اضن الكثر غلاب الشجاعه والصحيح يعد غلبناكم في خامس يوم والايام غلابه تذكر يوم جينا وانت لا تاقف ولا تقعد نهار انا هدمنا البيت وانته ماسك اطنابه المسعودي تحسب الموت مثل الحوت والاريش طير اربد نهار انكم هبطتو مليا حثولكم جلابه |
رد: محاورة بين الشاعر عبدالله المسعودي وصياف الحربي
بيض الله وجهك ياعم ماطر
مجهود تشكر عليه وعبدالله الله يرحمه رحمه واسعة كان شبح الملاعب كان مرعب كل الشعار الكل يحسب له ألف حساب |
رد: محاورة بين الشاعر عبدالله المسعودي وصياف الحربي
ياوجه الله
الله يرحمك ياعبدالله المسعودي والله يرحم صياف السحيمي والله يبيض وجهك يابو فهد على النقل الرائع |
رد: محاورة بين الشاعر عبدالله المسعودي وصياف الحربي
بيض الله وجهك ياعم ماطر ومحاوره مشهوره وكان لها نصيب كبير من المعاني القديمه التي دارت بين قبيله هذيل وحرب
|
| الساعة الآن 08:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل