يالله طلبْتك فحسْن رضاك والجنّه
 

[glow1=990033]
[/glow1]

يـارب تعْلـم بمطْلوبـي لـو آكـنّـه
.....ما احتاج أوصّف لك المقصود والغايـه

دعوات مضطرْ يطلبْـك العفـو عنّـه
.....باسْماك يدْعوك ., وصْفاتك فكـل آيـه

مخْطي ومذنب ولكـن محسنـن ظنّـه
......في رحْمتك . وإنت أحطْت الكون بعنايه

هـذا .ويـا مهْمـل القـرآن والسنّـه
......يامن غدت بك خُطى الشيطان لغوايـه

ترى الندم ما يفيـد اللـي قـرع سنّـه
.....إن كان مـا قـام يرفـع للنـدم رايـه

لابـد يكْـره ذنـوبٍ قـد بـدت منّـه
....والناس تحتـاج طـول العمْـر لبدايـه

نكبح جمـوح النفـوس بشـدْ الآعنّـه
.....والنفس كالخيل تبغـى عـزْم ودرايـه

القانـع تعيـش نفـسـه دوم ممتـنّـه
.....والا ترى كـل مافـي الكـون لنهايـه

كـم واحـدن مغتنـي بالمـال لكنّـه
......مايدري بمن خرج عنّه ., ومن جايـه

وكم واحدن كان له منصب ولـه حنّـه
.....تالي الزّمن ما لقا. مـن ياخـذ برايـه

وكم واحـدن داس دولاره علـى ينّـه
.....يسْعى ورى متعتـه والنفْـس خطّايـه

وأتْلا الزمن للسلاسل في القـدم رنّـه
......حريّته صايره فـي طـوع ووصايـه

وكم من صحيحٍ لبـوس العـز يزهنّـه
....من طغوةٍ فـي شبابـه غاويـن تايـه

امسى طريح السقـام ايجـاذب الونّـه
....مـا ودّه ان العيـون تـلـدْ فمـرايـه

ولا تظـن السعـاده فــي خباهـنّـه
....والا فنطـح السّحـاب ببـرْج وبنايـه

ترى السعاده تجي مـن خالقـك منّـه
...اليـا عرفْتـه لقيـت فحبّـه كفـايـه

تركي الصخري

رد: يالله طلبْتك فحسْن رضاك والجنّه
 

صح لسانك شاعر بني صخر كتبت فابدعت لله درك قصيده مليئة بالحكم الرائعه واحلى هديه يالغالي ونتشرف فيك طال عمرك
وكم واحـدن داس دولاره علـى ينّـه
.....يسْعى ورى متعتـه والنفْـس خطّايـه


وأتْلا الزمن للسلاسل في القـدم رنّـه
......حريّته صايره فـي طـوع ووصايـه


وكم من صحيحٍ لبـوس العـز يزهنّـه
....من طغوةٍ فـي شبابـه غاويـن تايـه


امسى طريح السقـام ايجـاذب الونّـه
....مـا ودّه ان العيـون تـلـدْ فمـرايـه


ولا تظـن السعـاده فــي خباهـنّـه
....والا فنطـح السّحـاب ببـرْج وبنايـه


ترى السعاده تجي مـن خالقـك منّـه
...اليـا عرفْتـه لقيـت فحبّـه كفـايـه

كلام حكم ومايملي العقل الا الحكمه من الشاعر الحكيم


تقبل مروري

رد: يالله طلبْتك فحسْن رضاك والجنّه
 

وعليكم السلام ورحمة الله وبركاته


صح لسانك ياتركي الصخري


نص راقي بكل معنى الكلمه

تحياتي وتقديري

رد: يالله طلبْتك فحسْن رضاك والجنّه
 

حكم أخوي تركي
صح لسانك وعلا شانك وبيض الله وجهك

رد: يالله طلبْتك فحسْن رضاك والجنّه
 

فتى الحجاز
مشكور على الإشاده يالغالي
وصح بدنك
والقصيده خرجت بإسلوب وعْضي مباشر ., اقرب الى الخطابه
وذلك بسبب مناسبة القصيده
فهي اعدّت لحفل خاص بمناسبة الإفراج عن مجموعة من السجناء

لك تحياتي وأطيب منياتي

رد: يالله طلبْتك فحسْن رضاك والجنّه
 

صح لسانك يالقرم قصيده تستحق الإشاده والقراءه مرات ومرات

لك من العذب اجزله

الحجاج بن يوسف

رد: يالله طلبْتك فحسْن رضاك والجنّه
 

صح لساااااااااااانك

قصيدة تستحق كل التقدير