[poem=font="simplified arabic,6,black,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/36.gif" border="double,4," type=0 line=1 align=center use=ex num="0,black""]
ياهاجسي هات المثايل وابدع = فرايد بيوت الشعر واجزلها
عجّل عليّ ارجوك عجّل عجّل = كيفي قصيد وعزوتي مااجهلها
عجّل في مقدار العزيز الغالي = منشان تمشي خطوتي وانقلها
وآنا اخبرك ماتقنص الاّ الجزله = لوكان تسلك في الدروب اطولها
وأخبرك راوي من قراح صافي = واسقيت بنت الفكر من منهلها
جاوب وآنا بطروق لحنك شاعر = وان جبت لي جزل الطروق ازهلها
شاعر ولد شاعر وجدي شاعر = والجد الأول كلمة سجلها
يوم الشعر ماقّر له ميزانه = حنا ميادين الشعر نشعلها
وآقول يوجد في العوارف واجد = والكل له هقوة يبى ياملها
كلاً لسانه في المواقف سيفه = نفسه على نهج العلا مشغلها
وآنا بثبت هقوتي في قولي = آ قولها وآطولها وآفعلها
في الليلة اللي نورها نورنا = وقلوبنا لجل النشامى ولها
الليلة الليلة حضرت مبارك = والنفس خلاّق البشر جابلها
على سلوم المرجله والنخوة = وّصية الشايب وآنا عاقلها
الليلة اصحاب المقام الأجمل = وحضور طيّب ربعنا جمّلها
سلام يادار الشجيع العامر = اللي مواجيب الكرم كمّلها
سلام من جزل المثايل وارقى = في قدر قومٍ مدنا ياصلها
يااهل الكرم والحله المعمورة = واهل التحية من لفى حصلها
واهل اليد اليمنى وزبن اللاجي = في نجدة المكروب يامعجلها
سلام ياعائض وعائض مني = مني وفيّه ياقصيدي قلها
مني وفيّه فزعتي وحزامي = نهار فزعات الرجال أولها
انته يابن حاسن مقامك عالي = عالي مقامك مثل راعي البلها
ذاك المطيري بن شرار مسمى = راعي الشعل يوم الهداني يلها
انته يابن حاسن لياما قلنا = والشيخ حاسن قيمة ً نحملها
جينا نبارك لك بمقدم( فارس ) = اشعل قناديل الفرح وارسلها
والشيخ حاسن حيّ فينا عائش = مامات شيخً حكمة نقبلها
عائش بذكر اولاده اهل القاله = اللي عيون ابن الردي تكحلها
جابر وعيضه والرشيد محمد = عائض وعائش والبيوت افتلها
مرحوم ياشيخ الشيوخ الوافي = اللي مجمعة الحيل زلزلها
الشيخ حاسن لا ذكرنا حاسن = النفس تحزن والأسى يقتلها
والله يااهل الطيب ماننساكم = لا زالت الذكرى لكم باكملها
وان كان فارس كلمتي يوحيها = نعمين يافارس ويامخولها
ارحامنا العسران نعم العزّوة = والرجل منهم كلمته بّتلها
اوصيك بالتقوى وخير الصحبه = الصحبه اللي عالياّ منزلها
خلك على سيرة عظيم السيرة = اللي مجمعة الحيل زلزلها
هذي قصيدة عشت يابو الوافي = لا عدت اطياب القصيد اجزلها
واهديتها فارس وأبوه وعمه = قدر لبني عمي وآنا قايلها
[/poem]

المشاركة الأصلية كتبت بواسطة سهم هذيل (المشاركة 411596) [poem=font="simplified arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] وآنا بثبت هقوتـي فـي قولـي=آ قولهـا وآطولهـا وآفعلـهـا[/poem] والنعم يابو وافي واللي فيك مخبور ... غبت وجبت لنا كنز من كنوز الشعر صح لسانك

المشاركة الأصلية كتبت بواسطة خالد الياسي (المشاركة 411600) وعليكم السلام ورحمة الله وبركاته صح لسانك واعتلا شأنك يا ابو الوافي جزله من راس ما يعرف الا الجزلات وكل علم غانم ولا تعتذر يالغالي فأنت معروف وسباق للطيب وحيا الله حضورك في أي وقت..