محروق
 

أعلن فراقي لاتصنّع لي الشوق = يامن تود وخايف من فراقي

القلب من فرقا المواليف محروق = ماظن بفراقك يزيد أحتراقي

مالله جبر قلبٍ على شوق مخلوق = حتى ولو قلبه عليك أشتياقي

ونفسٍ مشاعرها تبدل بها عوق = عله بها لوما عليها أختلاقي

لوهمها مخفي عن العين مدروق = لابد ما يظهر عليها أختناقي

والوصل مابين المحبين موثوق = لوما الجفا عذر العهود الوثاقي

ولو ينتقص قدربكذب وهو فوق = كان أستوى بالحق كذب ونفاقي

والقلب عن مثلك مقفل ومغلوق = لاعاد تبحث خافقه باندراقي

تبحث عذر فرقا وهو قفل صندوق = مفتوح للي داخل القلب باقي

ويبقى كريم الأصل ماهوب ملحوق = ترفع لها الريات قبل السباقي

رد: محروق
 

السلام عليكم ورحمة الله وبركاته

صح لسانك وعلا شأنك وبيض الله وجهك

ربما هنا خطأ إملائي إن لم أخطئ في القراءة

ويبقى كريم الأصل ماهو ملحوق = ترفع لها الريات قبل السباقي

رد: محروق
 

لاهنت أبيض وجه

رد: محروق
 

صح السانك واعتلى شانك

قصيده رائعه


تحياتي
ابوسندالهذلي ـــ

رد: محروق
 

صح لسانك يامحمد
وبيض الله وجهك على هذه القصيدة
التي تعبر عن نفسها