ماكل من يضحك بوجهك يقدرك
 

أعضا وزوار منتديات قبيلة هذيل

السلام عليكم ورحمة الله وبركاته وبعد

يسرني أن أشارك بهذه القصيده بقصد التواصل معكم وهي عباره عن نصيحه في ابني ناصر عسا أن تنال اعجابكم

يأبـوك ياناصـر بوصيـك واخبـرك

حدك صغير ونشـوة العمـر تزهـاك

صل الفروض الخمس وانبذ هل الشرك

وصوم وتصدق وأكرم الضيف لاجـاك

وأعط الرجال حقوقها لجـل تشكـرك

وياك فـي التقصيـر يأبـوك ويـاك

أسمـع وأنايأبـوك بنهـاك وأمـرك

في طاعة الخالـق عسـا الله يرعـاك

الله علـى ذكـره وتقـواه يصخـرك

ويسر أمورك في جلوسـك وممشـاك

أنصحـك واوصيـك مانيـب جابـرك

نصيحت الوالـد عـن الشـر تحـداك

خلك ألربعـك دائمـاً طلـق ناظـرك

لاتعقـد أحجاجـك وتكثـر خاطيـاك

ربعك ذراك وفـي لزومـك تسايـرك

أليـا تـحـداك الـزمـان وتقـفـاك

وقفاتهـم تشفـي غليلـك وخاطـرك

لوكان بعض الربـع يأبـوك يجفـاك

أدمح له الزلـه ولـو كـان يعسـرك

لابـد مـن يومـاً يضـده وينصـاك

أليا نصـاك أدرك لزومـه واحـذرك

لاتجرح شعـوره أليـا جـاك بلغـاك

وأختر أصحيـبٍ فاهمـاً مايدهـورك

على الوفاء والعرف والطيب جـاراك

وأليا سمع طاريـك بالخيـر يذكـرك

راعي وفاء ماهـوب بالكـذب يدهـاك

شيخٍ ولـد شيـخٍ بعرفـه يناصـرك

عايش على الامجاد مثلـك وشـرواك

ماهـوب نمامـاً يحـاول يطـمـرك

وينقـل كلامـك بيـن هـذا وهـذاك

أبعدعـن اللـي دائـمـاً مايعـبـرك

اللي يـاراك وكـن ماهـوب يـاراك

وأبعد عن اللـي بالسوالـف يكبـرك

في حضرتك وان غبت بالهرج يشناك

لو بالكـلام الزيـن دائـم يباشـرك

لو تطلبـه قرشيـن يأبـوك معطـاك

ولآكل من يضحـك بوجهـك يقـدرك

ولآكل من خاواك في الـدرب يبغـاك

يشهد على ماضيك يأبـوك حاضـرك

أليا حازت الطالـة والامجـاد يمنـاك

رد: ماكل من يضحك بوجهك يقدرك
 

حياك الله أولا في مجالس قبيلة هذيل ، ونصيحة منك بالغة في أبيات رائعة

عسى الله ينفع بها ابنك ناصر ويقر عينك به

مرحبا فيك مرة أخرى

رد: ماكل من يضحك بوجهك يقدرك
 

حيالله أخينا الشاعر مهل الرياحي


منورنا بتواجدك

صح لسانك ولاهنت على هذه النصائح الثمينة، تنم عن تجارب وفكر .


نرحب بك معنا في مجالس هذيل، ولاشك أنك بين ربعك


أرق التحايا

رد: ماكل من يضحك بوجهك يقدرك
 

وعليكم السلام ورحمة الله وبركاته

بيض الله وجهك وصح لسانك نصائح ثمينة عسى الله يحفظ لك ناصر

تقبل مروري وتقديري ،،،

رد: ماكل من يضحك بوجهك يقدرك
 

قصيده توعويه .. سالم وغانم وصح لسانك

نسأل الله أن يستفيد منها ابنك وأبناء المسلمين

تقبل مروري ،،،،

رد: ماكل من يضحك بوجهك يقدرك
 

صح لسانك ،، قصيده جزله ، لا هنت



تحيـــــــــــــــــــــا تي .

رد: ماكل من يضحك بوجهك يقدرك
 

رد: ماكل من يضحك بوجهك يقدرك
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[/poem]
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]





[/poem]

وعليكم السلام ورحمة الله وبركاته

اهلاً وسهلاً ومرحبا بك يا أخ / مهل

على مشاركاتك وانضمامك بدرع الحجاز وعسكر البارود

وهذة القصيدة تعتبر توجيه تربوي لكل ابن من الابناء

فتقبل مروري وتقديري

رد: ماكل من يضحك بوجهك يقدرك
 

ياهلا حياك الله اخوي مهل الرياحي

وحي الله البقووووووووم فردا وطبقا

في مجالسنا مجالس عسكر البارووووووووووووووووووود

ابيات اكثر من رائعه ومثمنه في النصح والتوجيه القويم

صح لسانك واحساسك يامهل إعداد ماقلت

نالت على تذوقي حقيقة






خالص والود والتقدير

رد: ماكل من يضحك بوجهك يقدرك
 

ابيات في قمة الروعه..

صح السانك..

رد: ماكل من يضحك بوجهك يقدرك
 

مهل الرياحي
حياك الله
ابدعت وصح لسانك

رد: ماكل من يضحك بوجهك يقدرك
 

صح لسانك واعتلا شانك ابيات رااقيه ..عافاك الله