::{ مجالس قبيلة هذيل }:: موقع يهتم بتراث القبيلة ومفاخرها

كـــانت رذاذ وفـــي شفقـــها مخــايـــل

واحساسها من كثــرة الشوق يطــويك

بس الــــزمــن عامــل علينــــا عمايـــل

لابـــــد فـــي قمـــة سعادتــــك يدميــك

****

اغلقت في وجهــي جميــع الــوسائــل

وتعبت الملـــم جـــرح الايــــام وارضيـك

ليش التعب مــــادام عنــــدك بــدايــــل

ومــادام فــي دنيــاك غيــــري يسليــك

اصبح معك حظي مــــن الظلــم مايـــل

وانـــــا الحنــــان اللي يضمـــك ويغليـك

تــرى شعــاع الشمس لاشــك زائـــــل

لاتــامــن الدنيــــا ليــا غـــاب مغليـــــك

يـا مــا زرعتـــك وسط قلبــي خمايـــل

ومن دمع عيني نبع الاحساس يرويك

يا حــول لـــو تحسب حنـانـك جمايـل

وانـــا عطيتك ماعــن الكــون يكفيــك

لاتنثـــر احـــزانــك قصيـــد ورسايــــل

يا جــــرح قلبي مـامعـك مـن يداويـك

ماعــــاد انــا عن مثل شرواك سائـل

خــل الـزمــن واللـي تمنيت يغنيـــك

للشاعر رجاالله الثبيتي