رسالة الى الشيخ
 

[poem=font=",6,darkred,normal,italic" bkcolor="transparent" bkimage="http://www.hothle.com/vb/mwaextraedit4/backgrounds/25.gif" border="inset,6,black" type=1 line=0 align=center use=ex num="0,black""]
يا شيخ لك بين المحاديب منزال =علماً اليا أبديته عيونك شهوده
من قبل لايروي ضمى الصيف همّال= ويصير مدهال رويه عدوده
واليوم يحداني على رد الأمثال = والفكر هاجوسه تقادح زنوده
لقيت أثر خطوتك في كل مدهال= حتى بعيد الدار قربت حدوده
وأنا بجنب الدرب ياشيخ نزال= والفكر من رِفد الليالي وقوده
وأشوف نفسك تتبع بارق الجال=اللي اليا أمطر بل داني حيوده
هياكلٍ ديكورها صنعة ريال = ماهي لخفرات الزمان معدوده
ولافيه درق لاحداك أشهب اللأل=وقام الزمان الشين يفتل عضوده
ولاهو ولد عمٍ على كل الأحوال=عند اللوازم حاضرات وفوده
يدنيه صوتك من بعيدات الأميال=وفكره على طيب الفعايل يقوده
وعن واجبه ما ردته شين الأهوال= ولا أرسل لك المعذار يشعق قعوده
واليوم خذ العلم ياطيب الفال= وش لي بتبع اللي تعاظم صدوده
وترى الفلك في سيره ادبار واقبال= ما يعرفه من لاشكى من جحوده
ولا يومن وقتك من الميل لو طال= لأهب صيفه ثم صالت جنوده
ومد وخذ المعذار ياجيد الخال= في علمنا اللي طايفات مدوده
ماني صبي بين البعارين جمال=واللي صدر علي أوقت وروده[/poem]

رد: رسالة الى الشيخ
 

أسلم وبيض الله وجهك وصح لسانك

رد: رسالة الى الشيخ
 

قصيده اصيله لاتاتي إلا من رجل اصيل
صح السانك وعلى شانك

رد: رسالة الى الشيخ
 

السلام عليكم

حياك الله يالظافر، وين هالغيبات، ياولد العـم.

قصيدة جزلة، وشاعر لا يأتي إلا بالجـزال كالعادة

صح لسانك ولاهنت


أرق التحيـا

رد: رسالة الى الشيخ
 

الفارس حزين الطلعه صح الله بدنك ولا حرمنا منك يا منبع الطيب ومقدم الجود

وفقك الله على المرو والسطور

رد: رسالة الى الشيخ
 

درع الحجاز وسوره الواقي

وفقك الله على الثناء الكريم والسطور الجزله

لا هنت يا منبر الفخر ومنبعه

الله يحفظك

رد: رسالة الى الشيخ
 

اخوي الشاعر عماد الهذلي

وعليكم السلام

اشكر لك اخي ما نثرته من درر وياقوت بين ثنايا ردك الراقي

وما ابديته من شعور أبناء العمومة على بعضهم

فمنكم يقتبس التواصل جذوته

صح الله بدنك وحماك وابقاك

اكرر لك شكري اخي