::{ مجالس قبيلة هذيل }:: موقع يهتم بتراث القبيلة ومفاخرها - المحاوره الثانيه في مسابقة نقض وفيل تكفووون ياهذيل التصويت لمساعد الهذلي (42)

ألان البدعه عند شاعرنا مساعد الهذلي

يا سلامي سلام(ن) فيه عدله وميله
لا اعتدل زين وليا مال صعب اعتداله

نارد الماء ونشرب بالحبال الطويله
يوم بعض العرب تقصر عن الماء حباله

خالد العصيمي

مرحبا من هجوسٍ ماتجيب الهزيله
كل راعي حلال مفوضٍ في حلاله
شربة الماء بسيطه ياشيوخ القبيله
مار ماظن ابو سلطان يشرب لحاله

مساعد الهذلي

يا العصيمي علومك كلبوها جزيله
والهدف ما يجيبه كل من هو سعى له

ما انت قادر تنوش المركز اللي تخيله
ما أنت لاحق علاه ولا أنت قادر تناله

العصيمي

مشينا مع طريق النور ونـت الدليلـه
وتكلنـا علـى الرحمـن رب الجلالـه
لا تضيع خويـك فالـدروب المهيلـه
تحسب ان الخوي لا ضاع تكسب جماله

مساعد الهذلي

أنت رجال ودك تصنع المستحيله
مار حنا وصلنا لا محل العداله

قاضي الحق لو سماك مجنون ليله
عامل الناس واسمك لا تغير بداله

العصيمي

المجاهد يجاهـد والعدالـه فضيلـه
وانت لن مال راسك مال حتى عقاله
يوم قال الكلام وسّمع الناس قيلـه
ماسمعنا الكلام اللي تقولـون قالـه

مساعد الهذلي

يا ابن الاجواد دور للمواجه وسيله
لا تنوش الحبال اللي تلف المحاله

كل واحد يعرف عيال وقته وجيله
ترسل الظرف والا تحتفظ بالرساله

العصيمي

يا بن لا جواد ماجبت المراجل بحيله
من تسده يمينه مالتفت في شمالـه
كل وادي عليه السد ماسال سيلـه
لو صدوق المخايل حولت فوق جاله

مساعد الهذلي

يا أحمر العين قصر في عنان الاصيله
ما تعرف الشهر حتى تشاهد هلاله

أنت رجال طيّب تستحق الجميله
والولد حافظينه بين عمه وخاله

العصيمي

اشرب البن وخلـط زعفرانـه وهيلـه
ونت تاجر بلـد منتـه براعـي بقالـه
من غدى راس ماله عاد وش يعتزي له
الله اللي يعوض اللي غدى راس مالـه

مساعد الهذلي

العصيمي نشب راس الجبال الطويله
جا يبى الضلع لكنه نشب في جباله

من يقض العصيمي بعد ضيع حصيله
الله إنه يسهله ويحسن عماله

هذا وقد بداء التصويت لشاعرين بداءً من ليلة الإثنين الموافق 5 /6 حتى ليلة الجمعه الموافق 9 /6 وتكفوووووووون ياهذيل صوتووووو لمساعد الهذلي (42) ولا يروح لقب شاعر نقض و فتل لغير هذيل تكفووووووووووون