::{ مجالس قبيلة هذيل }:: موقع يهتم بتراث القبيلة ومفاخرها - هذه القصيده للشاعر مسلم بن شعيل الهذلي في الثناء علي الشيخ مريبد بن حامد بن هنود الربيقي

[poem=font="traditional arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
=هذه القصيده للشاعر مسلم بن شعيل الهذلي في الثناء علي الشيخ مريبد بن حامد بن هنود الربيقي=

يا أهل الركايب اللي تبـون المعازيـب=صوب السدر بعد العصر سنـدوا بهـا
شوري عليكم يا أهل عـوج العراقيـب=قـدام صيـوان الكـرم نوخـوا بـهـا
العـود الأزرق والــدلال الهنـاديـب=شـوق العلـوم الغانمـه ومحبوبـهـا
أبـو بنيـدر مدهـل الفطـر الشـيـب=عاده قديمـه مـا هـي اليـوم دوبهـا
عنـده شبـابٍ يكـثـرون التراحـيـب=ذخر الشيوخ اللي مـا تخلـف دروبهـا
الطيب ما يرجي يقع من هـل الطيـب=وصيـه بعـد الجـدود اعملـوا بـهـا
شـروا العمـور مكمليـن المطالـيـب=إليا عطوا كلمـه شـرف كملـوا بهـا
مدربيـن فـوق الأمـجـاد تـدريـب=مولـه مـا تعتـذر فــي وجوبـهـا
كـل ليـا منـك نخيتـه كمـا الذيـب=إليا هبـوا عنهـا الردييـن جـوا بهـا
قول وفعل مـا فيـه شـك ولا ريـب=شهـاده قبـلـي رال شـهـدوا بـهـا
الحق مثل السيف عطـب المضاريـب=الظلم ظلمه يتعـب اللـي سـروا بهـا
وأرجع وأرتب عقـد الأبيـات ترتيـب=حتي إليا أوحوها الشيوخ أعجبـوا بهـا
تبقـي علـي مـر الزمـن بالمكاتيـب=متي ما جا غسـم أبـو بنيـدر بدوبهـا
بعيـد عـن نقـد الخبـول الهذاريـب=أفرح ليا أوحيت العرب سولفـوا بهـا
بـن هنـود وربعـه أهـل المواجيـب=أعتز ليا مـن الشيـوخ اسمعـوا بهـا
ما هو بعيب أمدح هل المجـد وأجيـب=أخبارهـم مـن عنـد نـاس دروا بهـا
فرسان حـرب مروعيـن الحراريـب=كم مدحـهٍ علـي النشامـا سـوا بهـا
دخيلهـم مـا ينصـلـب بالمصالـيـب=أفعالهـم كـل القبايـل حـكـوا بـهـا
تناقلـوهـا متعـبـيـن المـنـاديـب=لديارنـا زوار طيـبـه لـفـوا بـهـا
أعمهـم وأخـص عسـر المراقـيـب=حصن محاجيبه تحمي مـن لجـوا بهـا
درع الديـر ستـر البنـات الرعابيـب=زعيـم ربعـه فـي بدايـه حروبـهـا
سيف علي أعناق الأعداء صُلْب ومصيب=تبطي طعونـه مـا تشافـت ضروبهـا
نخوه مناصيب العرب مـا بهـا عيـب=قبلي كثير مـن العـرب إنتخـوا بهـا
وسـلام للشيـخ وجميـع الأقـاريـب=شمـال يـرة حــرب وإلا جنوبـهـا
ما هبت اللازب ومـا درههـم الذيـب=وما سرجوا فوق الخيول وغـزوا بهـا
وصلوا علي اللي علمـه عالـم الغيـب=إعداد مـا جـوا بعرفـه ووقفـوا بهـا
وإعداد ما تبدي لنـا الشمـس وتغيـب=من يـوم تشـرق ليـن تبلـغ غيوبها[/poem]