|
::: ياهاجس :::
السلام عليكم ورحمة الله وبركااته اقدم لهذا الصرح الشامخ مصافحتي الاولى ,,, ,,, ,,, ياهاجس الشارب من الكيف فنجال تكى على المركى وفصل معانيه فك العقال من الفحل ..وثق عقال يعرف ولايصرف نظر عن مباديه دنيا صفت لكـ يوم عشرين تحتال ولياصفى لك يوم كدرك تاليه ياخوي ياعمي وياخال يارجال ياناس من لايعرف الصقر يشويه الناس سجن الحر والغبن الاقفال ومفتاح قفل السجن ضاعت رجاويه ضاعت مابين آمال طيب فبطال آمال مع واقع تلاطم بلاويه هجره لها وديان واغوار وجبال وكلا على ديره رجوله تمشيه كن البروق تلوح والنو همال واثره خيال اكذب رسومه تحليه ياصاحبي لحظه يقولوا في الامثال ان الجميل يضيع في غير اهاليه كم ساقكـ المركب الى شط الآمال وحقق لكـ اكبر حلم وضعكـ عجز فيه ريحت بالي وانت ماارتاح لكـ بال حطيتني فاعلى السنع وانت تاليه لاقام حظكـ لا ولا زان لكـ فال يامنكر وجود القمر في لياليه ضوى عليكـ ايام تمشي وتختال حجمكـ كبير وظلكـ اللي ممليه ماضايق العقال فعلكـ ولاطال رمي الحجر راس الجبل يوم ترميه رجعت على راسكـ حصاتكـ ولازال جرح الحصى بيّن حذاري تفليه عد الحكي ياصاحبي عد الاموال واللي يغش الناس محد ن يشاريه واعلم ترى ماواجه الجيش رجال ولازم على الوالي يطيعه مواليه ياجاهل حروف القلم كيف تشتال مرسمكـ في يدينكـ وتبغى تبريه وانته معكـ بيض الورق سوّد وسال حبركـ على سود الورق من تقريه؟ ياخاطري لاحظ كبيرات الاهوال كليب في الناقه مره ولعت فيه غفلة ملكـ تنهيه في عز واجلال واللي يـحقر الناس عيبه توريه ياخاطري الحربا لها سبعه اشكال حذرى ترى الطيب تغره مرابيه يمد من يمناه وتجيه بشمال يسقي العطاشا.. ما ..ولاحد ن يساقيه تلقى الرجال كثار والغالب ازوال والحال ياقلبي على الله شكاويه واحد طلع بالمال ..واحد بلا مال نازل وهو رجال محد ن يجاريه وآخر يبيع فغير حقه ويحتال ينهب فخلق الله تحبه وتعطيه وحصني يعض ارنب ونقال الاقوال قلي فلان وقلت هذي حكاويه وحمار ينهق من ثقيلات الاحمال يرجع يشيل حمول تدمي علابيه وجاهل عنيد يريد لكن مانال ينخش جبل يبغى يهله بياديه!! وآخر خسيس يذم عمه والاخوال وابوه ما ينكر فعايل ذراويه واحمد يصيّح ياعلي كيف الاحوال وابو حسن فاهي وش اللي مفهيه يحسب ريالـ اكثر او الخمسه ريالـ وان جاه ضيف الله عجز لايعشيه والشيخ نشبه مدّعي بالف معدال واثره كما اسمه ناشب ن في دعاويه وان كان رب البيت ضراب الاطبال اعلم ترى اهل البيت ترقص لـ غانيه وآخر بلافكره مع الناس ميال من حيث ماراحو رجوله توديه ماله هدف عايش كذا مريحّ البال اهبل بليد احساس واجد اساميه روّح تعال وروح عود ولازال رايح وراجع بس هذي ثماريه شيل الحمول.. وحط.. شيله ويالال ليله طويل وماتعب من لياليه وآخر كثير هروج كذاب لو قال وقت الفعل.. اهون فعل مايسويه هرجُه فبالكـ سيل من راس مسيال عادي على الوادي لكن ماتلاقيه عز الله ان الناس اشبه فالامثال بمعزب ن بنه من المر يسقيه اصنافهم واجد والا حسن ترى قلال وفرخ الصقر يطلع صقر مثل اهاليه واما الحبارى مثل اباها ولاشال حمل الدهور الا ولد ذاع طاريه واللي يجر الما من البير بحبال يشرب زلال الما يسده ويرويه واللي يبا يشرب من النقع قد بال كلب المراغه فيه والدود ماليه ياصاحبي لاتحسب الهرج مكيال كيله قبل يظهر علينا وتبديه ماضيع الناقه من الذود وبال واللي رضع ثدي الجعيره تربيه واعلم ترى دنياكـ ماهي على حال واللي يحايلها من النار تكويه انته مسير لاتهقوى بالافعال ترى الغشيم اللي فعوله تهقويه واعلم ترى مايبدي العاقل هبال والخبل مانعرف وش اللي يداويه |
رد: ::: ياهاجس :::
اقتباس:
اهلا وسهلا ومرحبا باالشاعر ماجد بن دخيل الزيداني شرفني تواجدك واسعدني وانت من الشعار المحسوبين بيض الله وجهك وصح لسانك اخوك الشاعر / خضر البقيلي الهذلي ( الحميا) |
رد: ::: ياهاجس :::
مرحبا وياهلا بك ياماجد
وسعداء بتواجدك وانظمامك معنا يأبن العم قصيده رائعه حققت بها معادله صعبه بين قوة المعنى وروح القصيد وهناك دلاله بأنك من طراز الشعراء المميزين وفأنتظار المزيد من ابدعاتك |
رد: ::: ياهاجس :::
وعليكم السلام ورحمة الله وبركاته
حياك الله اخوي ماجد وصح لسانك وعلا شأنك وبيض الله وجهك.. |
رد: ::: ياهاجس :::
اخوي مااااجد الشيناني.. لله دركـ.. قصائد اجتمعت تحت لواء واحد.. وهو الابداع.. صور اكثر من رائعه تتحدث بعين الواقع.. وتجربه صادقه.. وتمكن من شاااعر اتاه الشعر من منبع الشعر.. . . لكـ احترامي |
رد: ::: ياهاجس :::
تسلم والله ياماجد الزيداني
قصيده وصف توعويه تقبل ودي قبل ردي ،،،، |
رد: ::: ياهاجس :::
صح لسانك ياماجد
وحياك الله وحي ماقدمت تقبل حضوري |
رد: ::: ياهاجس :::
ماجد دخيل الزيداني والنعم الف
كفو يبن العم صح السانك وعلا شانك ولا هنت يا بادع مثايل الطيب.قصيدة نادره من النوادر اللي ترتقي بقآرئها لمصاف الحكمة جزله من راس جزل . وتقبل احترامي وتقديري |
رد: ::: ياهاجس :::
هذه القصيدة هي الإبداع نفسه
صح الله لسانك و فكرك يا ماجد أي ثناء على القصيدة هو أقل مما تستحقه , فبارك الله فيك و في إبداعك سجلني من جماهيرك دمت للإبداع |
رد: ::: ياهاجس :::
الله الله
صح لسانك يابو دخيل مصافحه اولى في قمة الروعه والجمال قصيده مليئه بالحكمه والجزاله والشاعريه الفذه اشكرك يابو دخيل على هذا الحظور اللمميز واعتبرني من المتابعين لابداعك مع تمنياتي لك بالتوفيق والنجاح |
رد: ::: ياهاجس :::
صح لسانك جزله من راعيها
تقبل مروري |
رد: ::: ياهاجس :::
اقتباس:
خضر البقيلي وجهك ابيض وصح بدنك وشكرا على المرور احترامي |
رد: ::: ياهاجس :::
اقتباس:
حياك اخوي العود القماري والله يبقيك وشكرا على الاطراء احترامي |
رد: ::: ياهاجس :::
صح لسانك وبيض الله وجهك شاعر متمكن لاشك
|
رد: ::: ياهاجس :::
صح لسااااااااااانك
وبيض الله وجهك |
| الساعة الآن 03:55 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل