قصيدة بعنوان /// لا للتنكّر .....:
 

السلام عليكم
اتشرف بطرح هذه القصيدة المتواضعه والتي اعديتها بمناسبة اقامها الشيخ / عطية الله بن محمد القارحي و ابناءه . للشيخ الشريف / هزاع بن شاكر العبدلي شيخ شمل قبائل ذوي حمود من العبادله . هذا الأسبوع بقصر الشموخ بمكه المكرمة حضرها العديد من المشائخ و الآعيان وكذلك بمشاركة العديد من شعراء هذيل . والشريف هزاع بن شاكرالعبدلي تربطنا به علاقة حميمه من عهد جده و والده رحمهم الله تعالى . اترككم مع المشاركه واتمنى ان تحوز ولو على بعض رضاكم :

[poem=font="traditional arabic,6, black,bold,italic" bkcolor="transparent" bkimage="http://www.hothle.com/vb/mwaextraedit4/backgrounds/11.gif" border="double,4," type=1 line=0 align=center use=ex num="0,black""]
لا للتنكّر والتجاهل و الإجحاف=و أنعم بكلمة حق يسمع صداها
في معترك طمس الحقايق و الإسفاف=كم دولةٍ صغرى تطاول بناها
حتى اصبحت ميزان الأريا و الإنصاف=و الكلمه اللي ما يثنّى علاها
تصنع من المجد المزيّف تعجراف=ما كن يوجد في البسيطه سواها
سوت لهيبتها علاقات و أحلاف=و أبقت صروح مغيبه في ثراها
عفواً, خرجت من النسق بادي القاف=طبع البيوت الخارجه عن ولاها
لاني مغيرها ولاني بمختاف=يا علها تلقى شوارد كماها
يا هاجسي كلفت في مدح الأشراف =ما لك ومال اللي صناعي حلاها
اظفر بمدح الروس عن مدح الأطراف=و اختار لك وجهه تصل منتهاها
خذ لك مدد و الوعد في راس مشراف =عند " ابن شاكر " حددوا مستواها
" هزاع " في غيرك ترى الشعر ينعاف =إلاّ ملوك بلادنا و امراها
مدحك شرف ومقابلك حسب الأعراف=والفرق في ثنتين نذكر حداها
جدك رسول , أزكى بشر , خير من طاف=ثالث خيار استخلص الطهر ماها
نسل الحسن , عبر الزمن , عفو و اعفاف=عبادله , واسم الحمودي نداها
معدن ذهب ما يملكه كل صراف=و أنساب ما تخفى , على الله ثناها
مثلك تخصص له دواوين و إشراف=في مكتبه ما كل واحد قناها
فيها رموز أعلام من عهد الأسلاف=بيضٍ صحايفها وبيضٍ لحاها
وفيها لمن يبحث رياجيل عراف=سمحٍ مقابلها وعجلٍ نباها
توارثوا مجدٍ لهم مثل الأوقاف=ملكه لهم وجبايته لأفقراها
والطيب بين الناس من كل الأصناف=في كل ديره دلها وعقلاها
يا ضيوفنا لا هو تباهي ولا إسراف=كلٍ نقدر خطوته لا خطاها
ما من ورا ألضيفه مقاصد ولا أهداف= إلا لتقدير الرجال وغلاها
يا مرحبا من قلب للجزل ميلاف = في الحله اللي قدرت من لفاها
حله سناها من على بعد ينشاف=خاوى مسيرة ضيفها لين جاها
و أستقبله شيخٍ لعانيه وقّاف =راعي التحيه والكرامه وراها
يا عل ما نعدمه معدوم الأوصاف =بجاه من نزّل تبارك وطه
و اثني التحيه قدر و إجلال و إلحاف =للي اعتبر وعد العزيمه وجاها
شيوخ و أعيان القبائل والأطياف =الحاضرين من الرجال احدداها
جيراننا من كل منكب ومنكاف=و إلا " هذيل " الشعر كله فداها
[/poem]

** عطا الله القارحي **

رد: قصيدة بعنوان /// لا للتنكّر .....:
 

و عليكم السلام و رحمة الله و بركاته

صح الله لساك و فكرك أستاذي الكريم

ونعم مليون ولا يكفون بالعبادلة

قصيدة من بدايتها إلى نهايتها قوية و أسلوب شاعر فذ

غنم المادح و الممدوح

دمت للإبداع صرحا شامخا ً

رد: قصيدة بعنوان /// لا للتنكّر .....:
 

صح لسااااااااااااانك

وبيض الله وجهك

والنعم بالمادح والممدوح

رد: قصيدة بعنوان /// لا للتنكّر .....:
 

صح السانك واعتلا شانك ولا هنت

يستاهلون الاشراف والنعم فيهم وفيك يبن العم

وتقبل احترامي وتقديري

رد: قصيدة بعنوان /// لا للتنكّر .....:
 

رد: قصيدة بعنوان /// لا للتنكّر .....:
 

الله الله

صح لسانك يابو عطية الله

ونعم بالمادح والممدوح

قصيده تبيض وجه راعيها في مدح من يستحقون المدح

سواء ضيف ومعزب صح لسانك على ماقدمت

وليس غريب الابداع من اهل الابداع

صح لسانك مره اخرى واتمنى لك التوفيق والنجاح

رد: قصيدة بعنوان /// لا للتنكّر .....:
 

رد: قصيدة بعنوان /// لا للتنكّر .....:
 

صح لسانك ونعم بالمادح والممدوح
تقبل مروري

رد: قصيدة بعنوان /// لا للتنكّر .....:
 

رد: قصيدة بعنوان /// لا للتنكّر .....:
 

صح لسانك يا شاعرنا الرائع عطالله القارحي

ابيات رائعه جداً

ونعم بالمادح والممدوح

اطيب التحايا

رد: قصيدة بعنوان /// لا للتنكّر .....:
 

صح لســـــــــــــــــــــــ ـــاااااانك ...


ونعم بالمادح والممدوح ...



جزله لاهنت ...



ارق التحايا......

رد: قصيدة بعنوان /// لا للتنكّر .....:
 

سلمت وبيض الله وجهك وقصيدتك مميزة ، ويستحقون الهواشم المدح فهم من بيت النبوة.


تقبل مروري وتقديري ،،،

رد: قصيدة بعنوان /// لا للتنكّر .....:
 

رد: قصيدة بعنوان /// لا للتنكّر .....:
 

رد: قصيدة بعنوان /// لا للتنكّر .....:
 

صح لسانك اخي عطالله ولاعدمناك يابن العم على هذا الكلام الاكثر من رائع تقبل مروري