الى من طلب مني نصيحه وهي اهداء للجميع
 

مجالسي نصيحه الى ابني عادل ومنهم في سنه من الشباب وهي شامله لكل من يقرأها

البارحه دنت هجوسي تماثيل

واقفى منامي لين قفى بي الليل

أهد وأبني بين معنى وتحليل

من شاف حالي قال يالله تعافيه

قمت اقرب المقهاه وأشب فالنار

وأحمس من البن اليماني بمقدار

ماشفي اللا الشاذليه والابهار

وقاف بنيته ضافيات معانيه

بديت بسم الله بفلذت فؤادي

عادل جويد الخال سقم المعادي

لاشفته اصبر عن شرابي وزادي

كنه نظر عيني ليا جيت احليه

جاني بعد صبر السنين الطويله

من مدة اللي مدته لي جزيله

اللي ليا ضاقت بنا نشتكي له

رب الملا خلاق عبده ومعطيه

ياعادل ابوصيك يالذيب سرحان

جملة وصايا خلها نصب الاعيان

مثل الذهب فالوزن غالي بالاثمان

وراع الذهب سعره على الناس مغليه

ألاوله وثق صلاتك ودينك

جود عمود الدين والله يعينك

خلك مع الله لاتضيع سنينك

خسران منهو كبها لاتماشيه

وأمك وأبوك اوصيك تكسب رضاهم

واليا تمنوا شي حقق مناهم

مهما نسوي مالحقنا جزاهم

ماترضي الله لين والدك ترضيه

وربعك ولو جاتك من الربع زله

لاتعتبر دمحك خطاهم مذله

ربعك كما سيف حديد تسله

وقت اللوازم كل جرح تداويه

والجار قبل الدار وان جيت نزال

واصحا تجي يابوك في ديار الانذال

جاور حشام دارها دوم مدهال

ضيف يروح وضيف مقبل تحييه

واخذ الثلاث البيض واحفظ عددها

وخلك مع اللي في رصيده رصدها

عزي لمنهو من حسابه فقدها

هذاك جنب عنه واصحا تباريه

الجار جارك ما يباله وصايه

وصى عليه المصطفى بالعنايه

داره ولو ماشفت منه الدرايه

واستر عيوبه لا تبين خوافيه

وترى خوي الجنب يلزم لزومي

لاتتركه لو المنايا تحومي

ما يتركه غير النذل والرخومي

والضفر يحسب والنشاما تقديه

والثالثه ضيف العشا لانصانا

في مقابله يا فرحتي لاتوانا

رحب وعشرك لا تعود ثمانا

زين نباه وواجبه لا تخليه

ووصيك باللي حافه الفقر لاجاك

تقضي لزومه وانت يضحك محياك

وتمدله مده جزيله بيمناك

والمنفق الله يرزقه ثم يجزيه

وام اليتيم اللي تربي ولدها

ابذل لها المجهود واكسب وددها

وخل العطى من يدك يا صل ليدها

والله محصي كل طيبن تسويه

ولا جيت فالمجلس ترى الهرج بقياس

لا تظهر اللا الجابه اللي لها ساس

انقد كلامك قبل ينقد من الناس

والحريفهم والاشاره تكفيه

واحذر من اهل السم الابيض وغيره

اللي لهم دلال في كل ديره

خلك كما صقرن بعيد مطيره

وترى السليم ان خالط الجرب تعديه

ولا جالك النمام يبغى النميمه

قله ترانا مانحب الظليمه

هرجن بلا برهان ماهو غنيمه

واصحا تجيب الهرج واللا توديه

واليا بليت بعلم شاور من القوم

شهم كريم اسبال عاقل وزيزوم

يحلها في ظرف ساعه من اليوم

ولو هي عسيره حلها ما يعنيه

واليا ابتلوك خصوم شد الحزامي

وخلك كما ضلعن طويلن وزامي

بالحزم تبلغ كل قصد ومرامي

والقرم كل الناس تفرح بطاريه

قلته بعد ماذقت مرن وحالي

وجربت في دنياي حالن وحالي

لاتامن الدنيا وسود الليالي

حي ضحك فيها وحي تبكيه

هذي وصاتي قبل رز النصايب

تجني ثمرها في زمان العجايب

من والدن فالوقت شاف المصايب

واصحى بعدها الدرب يابوك تخطيه

واختامها صلوا على اللي هدانا

للرشد بعدانا لعكسه مشانا

والله يثبت في طريقه اخطانا

وعليه صلوا عد فرض نصليه

..............................................

وسلامتكم

رد: الى من طلب مني نصيحه وهي اهداء للجميع
 

اللهم صلي وسلم على نبينا محمد


ماشاء الله تبارك الله


روووح تسلقت الغيووووووم


وشاعريه نادره



اشعلت فينا حب الشعر من جديد يابو عادل


اعشق هذه النصوص كثيراً


وإن شاء الله الابن مايغر من وصاة ابووه

مجالسيه راااااح يكون لها شأن فالقريب لدى العامه بأذن الله


اطيب التحايا

رد: الى من طلب مني نصيحه وهي اهداء للجميع
 

صح لسانك وبيض الله وجهك ، نصايح ثمينة ، وحفظ الله ابنكم وأبناء المسلمين ، جزاك الله خيرا

رد: الى من طلب مني نصيحه وهي اهداء للجميع
 

رد: الى من طلب مني نصيحه وهي اهداء للجميع
 

اشكر اخواني الاعزاء اللذين لهم في داخلي قصور من الموده والحب الصادق في الله عزوجل واتمنى ان اقدم مايحوز على رضاهم ومايكون فيه ضهور وبروز لقبيلتي قبيلة هذيل عبر هذا الصرح الشامخ بادارته واعضائه الكرام وزواره الاعزاء

رد: الى من طلب مني نصيحه وهي اهداء للجميع
 

سمعتها منك في زواج وتمنيت أن أجد فرصة وأطلبها

شكرا بارك الله فيك وأقر عينك بعادل

رد: الى من طلب مني نصيحه وهي اهداء للجميع
 

رد: الى من طلب مني نصيحه وهي اهداء للجميع
 

رد: الى من طلب مني نصيحه وهي اهداء للجميع
 

اشكر اخواني على المرور والاشاده وتقبلوا تحياتي

رد: الى من طلب مني نصيحه وهي اهداء للجميع
 

صح لسانك يابوعادل


قصيدة جزلة تشتمل على نصايح ثمينة

حفظك الله ومن تحب

لاهنت

رد: الى من طلب مني نصيحه وهي اهداء للجميع
 

شكرا ابا عااااادل

كلاااااااااام من ذهب

وفقكم الله

رد: الى من طلب مني نصيحه وهي اهداء للجميع
 

اشكر اخواني على المرور وجزاكم الله خير الجزاء

رد: الى من طلب مني نصيحه وهي اهداء للجميع