الــحـــر
 

الحر يشرب من رفيع المرازيب
ماينزل ويشرب نقاع الحميلة

والذيب مايجعر وعقار مو ذيب
والذيب ماينهش فدبر الحسيلة

الذيب ينحرفي عراض الشناخيب
مايقرب الجيفة ولو هي قليلة

تلقاه زابن عاليات العراقيب
واليا عوا تسمع عواه القبيلة

واليا تحدر ماغوي له تجاريب
حدرلمقصوده وجاب الحصيلة

واليوم انا شفت الذي في المكاتيب
شي نشيل وشي نعجز نشيله

اقلب ايامي واعرف المطاليب
والصبح يغني عن وميض الفتيلة

شي سواتك ياالسحاب المراكيب
بشرى ليالاحت بروق المخيلة

وشي سواتك ياعجاج الخشاشيب
لاهومبشرلا ولا سال سيله

والرجل فعله من عروق المناسيب
طيب وشين اعروق خاله تجيله

رجل كثير احضوروافعلة تغيب
ورجل ولو غيب فعوله جميلة

ورجل فصكات الدهروالتقاليب
ثقيل ثابت والجبل من يزيله

ورجل تجيه يرد من جاه ويغيب
بليد ماينفع ولا فيه حيلة

ورجل فبالك ماش فك المناشيب
رجل دليل ومايباله دليلة

ورجل سفيله فوق روس المراقيب
ماله رقابه فوق لو هو سفيلة

يقفي عن الضيفان ياخذ ولا يجيب
يمنع عن المجروح ريقة زميلة

ورجل لياجيته كثير التراحيب
قال الحكي بعد العشاء حاسبيلة

يقبل صغار اكبار يقبل مناديب
يذبح جمل لوالدراهم قليلة

ورجل ترى خسران جاب المكاسيب
مال اليتامى شاله الله يشيلة

ورجل يحاول في النقا يصيب ويخيب
معذور حاول والبلا في الهبيلة

والعيب لوجاءمن هل العيب موعيب
العيب لوجانا من اهل الفضيلة



بقلم ماجد بن دخيل الشيناني الزيداني الهذلي

رد: الــحـــر
 

[align=center]وعليكم السلام ورحمة الله وبركاته
صح لسانك يالذيب
دمت كما تحب[/align]

رد: الــحـــر
 

رد: الــحـــر
 

رد: الــحـــر
 

صح لسانك ياماجد قصيده لاتخلو مكن الحكمه

رد: الــحـــر
 

صح لسانك وبيض الله وجهك

رد: الــحـــر
 

رد: الــحـــر
 

رد: الــحـــر
 

رد: الــحـــر
 

اشكرك اخواي جمعان على المرور



وانت دمت بخير

رد: الــحـــر
 

اشكرك ياابومضيف على المرور والتعليق كم اتمنى انها تنال استحسانك واجابك وتليق بذايقتك الشعرية

رد: الــحـــر
 

وجهك ابيض شكرا على مرورك وتعليقك واتمنى ان تنال اعجابك واستحسانك

رد: الــحـــر
 

اشكرك يابن قاسي على المرور والاطرا

رد: الــحـــر
 

اشكرك اخوية عماد على المروروالاطلاع كلي شرف ان نالت هذه الفصيدة اعجابك وابشر ياعمد بكل جديد


تقبل ودي واحترامي