جمهرة الجمهور
 

[poem=font=",7,black,normal,normal" bkcolor="white" bkimage="" border="solid,8,blue" type=0 line=0 align=center use=ex num="0,black""]
يهل المرايا بطلو فالمرايا = لاعاد فيها ينشاما تمرون
والله لو شفتو حسين المزايا = في ذمتي ماعاد فيها تلدون
الزين كله كاسبه والحلايا = وحشمه وادب والعقل راجح وموزون
حتى ليامنه مشا با العبايا = يلفت انظار الي مع الدرب يمشون
اليامشا فالدرب سوا قضايا = يجمهر الجمهور وناس يقفون
وكلاً على شانه يسوي حمايا = ويحارب الجمهور ويقول فرعون
ولو مر من عند الجيوش السرايا = ضباطها وفرادها يستعدون
وجميعهم له يصرفون التحايا = ومن حيث مايامر عليهم البون
ولو شافته قوم الشعر والحدايا = ماعاد في بيض العذارا يقولون
كل القصايد فيه تعطى هدايا= واهل الغاني فيه دايم يغنون
ولو شافته سرب الذياب الطوايا = على حلال البدوي ماعاد يغزون
عزالله انه في سوا سوايا = من يوم ماشفته وانا فيه مفتون
امشي واسولف من خلاي ابخلايا = من شاف حالي قال عزاه مجنون
والقلب من بين الضلوع الحنايا = يفز وضلوعي سواته يفزون
جاب المنايا قبل وقت المنايا= ماباقي الا الربع فيه يعزون
يا الله ياعالم بكل النوايا = ترحم قتيل الحب ياخالق الكون[/poem]

رد: جمهرة الجمهور
 

قصيدة رائعه
غزلية بإسلوب جميل الجميل
صح لسانك وسلم بنانك

رد: جمهرة الجمهور
 

جميل ياجميل

صح لسانك

رد: جمهرة الجمهور
 

هلا وغلا










http://islamroses.com/zeenah_images/...13a8332c3c.gif

رد: جمهرة الجمهور
 

رد: جمهرة الجمهور
 

صح لسانك يابو راشد مبدع كعادتك
سجل اعجابي

رد: جمهرة الجمهور
 

رد: جمهرة الجمهور
 

رد: جمهرة الجمهور
 

ولو شافته قوم الشعر والحدايا & ماعاد في بيض العذارى يقولون

الله أكبر ياأبو راشد

هكذا يكون الشعر وإلا فلا.......والله جازت القصيدة كثيراً

صح لسانك ياأبو راشد .

رد: جمهرة الجمهور
 

الله الله يا ابو راشد

هذا الشعر اللي يطربني والله

الجزل الممتنع

صح لسانك ملايين

تحياتي

رد: جمهرة الجمهور
 

صح لسانك واعتلى شانك وتقبل مروري وتقديري

رد: جمهرة الجمهور
 

صح لساااااااااااانك

وعلااااااا شااااااااااااااااانك

وبيض الله وجهك

دائما الاجمل من جميل

رد: جمهرة الجمهور
 

الله الله يابو راشد صح لسانك ويسلم راسك يارفيقي قصيده فالصميم هيضتنا يابو راشد

جاب المنايـا قبـل وقـت المنايـا # ماباقـي الا الربـع فيـه يـعـزون
يـا الله ياعـالـم بـكـل النـوايـا# ترحم قتيل الحـب ياخالـق الكـون

هالله هالله يابو راشد انا افداك ياعم بيض الله وجهك واعلى تقييم

رد: جمهرة الجمهور
 

ياسلام يابو راشد

صح لسانك ولاهنت، شاعر قدير

ونص مميز، واسلوب جميل حدا


تحية طيبة

رد: جمهرة الجمهور
 

صح لسانك ،، قصيده اكثر من رائعه وغير مستغربه منك يا ابو راشد ،،،


تقبل مروري .