::{ مجالس قبيلة هذيل }:: موقع يهتم بتراث القبيلة ومفاخرها

مرحبا ترحيبة من هاجسن غناها.
كنها نو الربيع اللي يهل امزانه.
اعتني فيها وارتبها واعز ابناها.
عندي الشعر الحقيقي حافضن عنوانه.
الفرايد تهتويني واعرف مفلاها.
المها والريم ترعى عالي المزبانه.
ماتغر الذيب حول وصطها نقاها.
يوم حول شال من سرب القطيع اسمانه.
والضعيفه والهزيله عافها خلاها.
كل ذيب ايطارد الصيده حسب نيبانه.
الشعر نخلة وطيب تمرها في اعلاها.
واسفل النخله تطيح التمرة الخربانه.
والا انا لا جيتها والله ياغير ارقاها.
هز جذع النخل للي قاصرة ذرعانه.
شاعرن عندي من افكار القصيد اسماها.
أعشق الشعر أعرف اصوغه واجر الحانه.
القصيدة كان مافي بطنها معناها.
ويش يسوى شكل محاره بليا دانه.
القصيدة كان ماهو طازج مبناها.
ماسمعها مستمع ولا دخلت اذانه.
ياخي الطيب العرب تستقبله بلحاها.
مير مايستقبلونه لانحرق دخانه.
قالها عبدالله الطلحي ودوناها.
المعاني مثل قطف الورد من بستانه.
ماشبه الشاعر من العطار قد قناها.
كل شي ايجيبه العطار في دكانه.
بس انا من بين عطار البلاد اذكاها.
خذت لون من العشر وامن السلم عيدانه.
مرحبا ياضيفنا ترحيبة نحماها.
ساعدن مايخدم السانه عوين السانه.
الضيوف إلها معاليق الحشا تفداها.
عقب اللي مايقدر منزلة ضيفانه.
الكرم عادة ومذهب قبل مذهب طه.
الكرم خلد لنا حاتم وذبح احصانه.
مرحبا عن ربعي الهذلان في مبداها.
قالها شاعر قبيلة ماصطغى ميزانه.
ربعي اللي يملكون من الصفات انقاها.
ربعي اللي مايجي للاش فيهم خانه.
ربعي اللي فعلها بين العرب بداها.
ربعي اللي ياخذون من الكلام اثمانه.
والله اني أعزها تقصر يدي لولاها.
من ترك ربعه يضيع ولاتعلى شانه.
كان تجهل عاقبة من عزوته خلاها.
شوف طيرن مايطير امكسره جنحانه.
كان ودك تعرف انك منت شي ابلاها.
شوف اسد بين الحصاني طايحات اسنانه.
والقبايل كل ابوها فعلها يزهاها.
كل ديرة حقها فيها ردي واتكانه.
القبايل واجد اسماها وصعب احصاها.
في وطن تبنى على صم الصفا سيسانه.
الوطن قصرن عليه أرواحنا بعناها.
البلك الشعب واملوك الشعب عمدانه.
السعودية وطنا كلنا نفداها.
كلنا جدرن صليب ولا اختلف بنيانه
يرجع الحوثي على نعشه قبل ياطاها.
وجبل دخان في اعيون العدو دخانه.
مايصح الا الصحيح افبيعها واشراها.
والحقيقه تكشف الواقع وزيف الوانه.
الحقيقه لو غرابيل الكذب تغطاها.
ماغرق فرعون مصر ولا اسلمو كهانه.
قلتها وانا مابين اهل القصيد اذكاها.
خذت لون امن العشر وامن السلم عيدانه.