::{ مجالس قبيلة هذيل }:: موقع يهتم بتراث القبيلة ومفاخرها

السلام عليكم ورحمة الله وبركاتة

سجلت منذ فترة في مجالس هذيل وأتشرف بكوني عضو بهذا الصرح الأصيل وكنت متابع جيد لكل ماينشر في هذا المنتدى الراقي .. وحبيت أن لا أشارك إلا بمايليق بأعضاء وزوار المنتدى ..مشاركتي الأولي عبارة عن مجموعة قصائد لشاعر شاب عمرة 27 عام .. يمتلك موهبة شعرية خطيرة .. تعرفت علية في أحد الدولة العربية وأنذهلت من مستواة الشعري وعندما سئلتة عن سبب غيابة عن الاعلام والنشر قال لي انه متواجد فالنت منذ سنوات لكنة لايهتم بمسئلة الظهور .. بعد مقابلتي الاولى له قمت بالبحث عن كل مشاركاتة وانذهلت اكثر .. كيف يكون بهذا المستوى الشعري والاخلاقي والعلمي ولا يعرفة أحد ؟؟؟

انا هنا لكي اضع لكم مجموعة من قصائدة وكلي ثقة انكم اهل الشعر والانصاف والعرف ..فهل يستحق من يكتب هذا الشعر أن يغُيب بعصر ظهر فية كل من هب ودب ....!!!

صلوا على النبي .. واستلموا

:::

قلت ماقالوا ...غلط مغيرأشاعة
أنتبة ..ياراعي القلب المغلف

عرفنا من طبعنا ماهو صناعة
وطبعكم من عرفنا رغم التزلف

والله .. ان المدح لشاعر بضاعة
لاربح منه قضى دينة وسلف

والتكلف مايرسخ له قناعة
والقناعة بالاصل ماهي تكلف

مع مرورالوقت تصبح لة مناعة
ضد عدوى الجهل من داء التخلف

خارج الواقع مشاهد من ضياعة
ماتجمع غير في.. فكر المؤلف

الحداثة .. والرجولة .. والمياعة
تفترق وتضيع لكن ماتولف

والجهل عذرٍ مانقبل بة شفاعة
مانصدق كل ..كذابٍ محلف

:::

خذ ياوسيع البال من ضايق البال
لو الثمر ماينوكل عقب عصرة

لاتـسئل شلونك تـرى مـاني بعـال
شاعر حزين وعاش في غير عصرة

ماودي أصارحك وأضرب لك أمثال
مالك ومال الدرب طولة وقصرة

أرتاح فوق الأرض عن بعض الأهوال
عـلم البحـر مـاعاد يمديك حــصرة

ووقف لـراعي الفكر تقدير وأجلال
لا تعارضة وإن ما أقتنع منُك بصرة

ياهلال ماعند العـرب غيرك هـلال
وإلا النصر مايقنع الناس نصـرة

الله يلعن مرجلة بعض الأنذال
إللي خذوا من سيد الخود خصرة

والله يبدل .. حـالـة الناس بأحــوال
وكلِ تصير أرضة من الارض مصرة

:::

الطرُق يصنعها المشي .. لولا المشي ,, ماهي طرق
فكر .. وتجديد الفكر ,, يشطح لضرب امن الجنون

مافيه باب أمن الشعر .. إلا ومـن قبـل أنطـرق
لو تاخذون إللي تبون .. وتتركون إللـي تبـون

والشعر كلـن ٍ لاتجـزأ ,, لا لمـع .. ولا بـرق
وإن شفت ماتكرة .. ترى " لله في خلقة شئـون"

لولا الحبر .. ماصار قيمـة للكتابـة ,, والـورق
ولولاالمواهب كان ماشفت أختراعات .. وفنـون

من لا يميٌـز ماتمُيـز ,, بـأي شـي ولا فـرقُ
الفضل .. فضل إللي على الأنجاز ,, بأفكارة يمون

خل عنك إللي لو يقول امن الكلام .. إللي سرق
كل شي عندة ,, مايعدة شي .. والدعوى تهـون

علامة المرتاب .. لاسولف ,, وهو يكذب شـرق
ثم أعترف في مايكـنُ .. ومايبيـة .. ومايكـون

فالأولة راعي الخطا .. بالرمـح لـو عـاد وزرق
يخطي ويعتاد الخطـا ,, قـدام حمـران العيـون

الوسوسة ,, وآعـوذ بالله .. ماتجيـب إلا الأرق
والرابح إللي .. ماخذ لنفسة من الأذكـار عـون

:::

تحيـاتـي وتقـديـري وشـكـراَ لـــك وأنـــا مـمـنـون
يامرسـول الغـرام إللـي تـجـي وتــروح لــك هيـبـة

بعض الأحيان تطري لي طواري بس مدري شلون
مـثـل بـيـت القصـيـدة لا عـكــس مـعـنـاة تركـيـبـة

يخالف مقصد الشاعـر وهـو فـي بطنـة المضمـون
وجمـهـور الشـعـر ينـقـد شـعـر يـجـهـل أسالـيـبـة

هـــلا يـانـاشـدٍ عـنــي ولا تـقــدر عـلــيُ تــمــون
أنا أمرُ الديار وبعضها ..أصبـح بـة ولا أمسـي بـة

وترى ماني من إللـي يلتفـت لقفـى وهـو مشحـون
لـــو أن الـمــوت قـدامــي بـرحــب بـــة وأهلـيـبـة

تبيني وأنت ماتدري ..وأنـا أدري والبشـر يـدرون
أفــرق هـرجـة الـعـذال ..فــرق الطـيـب والطـيـبـة

وسـرك حـاذفـة فــي وســط بـيـرٍ ماعلـيـة جـنـون
ومـن يبحـث خفـا العشـاق مايلقـى ســوى الخيـبـة

وقلـبـي مــن بـعـد حـبـك ..بغـيـرك ماهوبمـفـتـون
ولا يـغـريـنـي إلا طــــاري الــذكــرى وأهـذريـبــة

حقـوق العشـق ..محفوظـة بقلـبٍ مايعـرف يـخـون
تطـمـن لايـجــي ..فـــي خـافـقـك شـــكٍ ولاريـبــة

:::

ياصاحبـي / لـو كنـت ماتعتبـرنـي
أسمع ..وجاملني / ولو كنـت غلطـان

يمكن ..ليـا منـك دريـت / تعذرنـي
والعذر / كم يرضي من الناس ..زعلان

إللي ..على قطع المواصـل / جبرنـي
غصباً عليُ ..لوكان ماهـو / بهجـران

أخـذ الخبـر مـنـي / ولاتختبـرنـي
مافية شطر / إلا ولـك فيـة ..برهـان

ولا أستجرت ..بمن نـوى / يحتقرنـي
أموت / ماعشـت ..بمذلـة وحقـران

وإللي / جبـرت بخاطـرة ..ماجبرنـي
إن صد ..ماصديت / من وجـة ديـان

قهرت شيطـان الهـوي / ما..قهرنـي
مـدام سلطـان المحبيـن ..شيطـان !

الأمـر لله ..والله إلـلـي / ومـرنـي
بأمرة / يخلي لي / على الضد سلطان ..

مانـي برابـح ..واحـدٍ قـد خسرنـي
ولاهو بخاسرني ..من الناس / ربحـان

ماهو بشرط! ازور مـن قـال ..زرنـي
مع أحترامي / لهئية حقـوق الأنسـان

:::

يفارق العطـار.. عـن نافـخ الكيـر
لا تظلم العطـار ..والصـدق مطلـوب

للنـاس منهـاجٍ ..وللشعـر تصويـر
يبدع به الشاعر ..إذا كـان موهـوب

رقابتـه ماتعتـرف ..فـي المحاذيـر
أسلوبها محسوس ..لو كـان مكتـوب

أحيـان مانلقـى لخافيـه ..تفسـيـر
وأحيان يكشف لك من الغيب ..محجوب

وشعر الغزل ..لهل الهوى ..شبه تعبير
عن ماتكن عيـون , وأفكار,وقلـوب

كـم رحلـةٍ فيهـا ..تلـجُ المزاميـر
يلعب بها في ..وحشة الليـل لاعـوب

ترى المثل ..في الطرُق يحتاج تفكير!
تآصل لروما ..! والمثل غير مكـذوب

مثـلُ وقبلـي ..صدقـوه المشاهيـر
وأنا مشيت دروب ..ودروب ..ودروب

دروب ..عسرات وطويـلات وكثيـر
عاشق ..وأنا والهجر غالب ومغلـوب

بين الهجوس أفواج ..وٍرٌد ومصاديـر
محتار بين أمرين ..لاجٌهل ! ولا آتوب

لوعات من سـود الليالـي ..مقاديـر
كنها تحاسبني على الصبر ..بذنوب!!

ياصاحبي ..من قبل تقفي مـع الغيـر
أنا أدري أنك يوم.. قفيـت مغصـوب

ماقلت لك عطني.. على البعـد تبريـر
عذرٍ على فرقاك ..ماهـو بمرغـوب

أبيك لامـن غبـت ..تذكرنـي بخيـر
وتقول خاويته ..ولا فيـه عـذروب..

:::

أنا صـديق الـكـل لــو مآلـي صــديـق
ويـمـكن عدوً الـكـل لــو مالـي عدوً

بيتٍ من الصوبين ..بالمعنى وثيق
وآرد ..وسره فيه ! والتفسير توً

وجهة نظر..عينٍ تـرى مـالا تـطيــق
من جيل تمُطير الســما من غير نوُ

لا تحسبــون إن كـل شي ٍ له بريـق
معدن ثمين ..وفيه بآعوً وشتروً

هذا طريق المآ ..وللمضمى طــريق
والوآردين أضعف من إللي صدروً

كم ناموا (أهل الكهف )..فالنوم العميق !
لــكُنهم لهــدايه الــمولى ..صحـــوً

وأهــل الــزمن هذا ..تنام ولآتفيــق
ويمكن ! أذا فاقوا من النوم ..أندموً

يوم الحساب الرسل كلٍ له فريق
لعلنا ..ناجين ضمن إللي نجوَ

إيجازي أفضل من سوالف (عمًر بيق)
إللـــي لـيـا قــالــوا كــلامٍ كــثروً

مجادلين العارفة حتى يضــيق
وإذا دروا عن شي ..كنهم مادروً

:::

أحس في صدري ..براحه وضيقه
الدين مقضي ..والخيانـه حماقـه

ياكثـر خـلان الرخـا فالخليقـه
ولاعاد لي في صحبة السوُ طاقـه

بعض العرب يضحك ويشرغ بريقه
كاد المريب إن يعترف بالسراقـه

ترا ..رفيـقٍ مايصـارح رفيقـه
ماعاد احسبه من حساب الرفاقـه

يعٌرض ..ولاني معترض في طريقه
أخير من قـرب المناافـق فراقـه

مانـي بمتحمـل وجـوده دقيقـه
لو كان قدم لي مـن الـورد باقـه

ياكرهني للأهل السلـوك الدقيقـه
إللي يعشقـون الرخامـه عشاقـه

أنا صديق ..أهل الوجيه الطليقـه
كلي وفا .. للأهل الوفا والصداقـه

حقيقـةٍ ..لمـدوريـن الحقيـقـة
مني ..وأنا ماني بقطـااع ساقـه

:::

أوحـد المعبـود وأتبـع رسـولـه
وأستغفر الله كل ماصبحت وامسيـت

من كثر ماعرف الشعر خفت اقولـه
ماودي أكتب بيت وأندم علـى بيـت

أسج وآخذ لي مـع الشعـر جولـه
وأنا ليا أخطيت أعترفت إني أخطيت

هـرجٍ تسانـده الثقـه والرجـولـه
ورثٍ من أهل العرف والفعل والصيت

دوله .. وياما حطمت عـرش دولـه
مثبتـه تاريـخ الأمجـاد تثبـيـت

حنـا سلاطيـن الجلـوس وزحولـه
وعلى سروج الخيل مثـل العفاريـت

يشهد كريم القـوم وابـن الحمولـه
وقرت لنا القالات من غير تصويـت

يللي غرورك من قصـور مهبولـه
أرتـاح لاتفـرح عليـك الشماميـت

وين أنت يوم الحرب تضرب طبولـه
ماتعرفك صفرا من الخيـل وكميـت

ميدان يام .. أبلشك عرضه وطولـه
مالك معه ربع المعشـا ليـا جيـت

لنـا اشــداد مدللـيـنٍ ذلـولـه
فـي كـل جغرافيـةٍ نبعهـا زيـت

ياهيه !! وينك وين كـاس البطولـه
مع كـل أصيـلٍ مايباريـه خرتيـت

أبومسـام إمـا جـذت بـه ذلولـه
وإلا شوي ..وينفجر بـه ديناميـت

يحرم عليـه إللـي يبـي ماينولـه
وإن سيق فنجالـه علينـا تقهويـت

أوحـد المعبـود وأتبـع رسـولـه
وأستغفر الله كل ماصبحت ومسيـت

:::

هذة بعض القصائد وغيرها الكثير ..
أتمنىى ان تحوز على اعجابكم واقناعكم

في انتظار آرائكم بهذا المستوى الشعري ..

:::

معلومات عن الشاعر //

أسمة : محمد بن صويان من قبيلة العجمان من آل حبيش
عمرة : 27 عام
من سكان دولة الكويت
طالب دراسات عليا ..

ملاحظة ::

أتمنى نقلها فالقسم المناسب اذا كانت في غير مكانها