::انسان فـ\ انسانيته::
 

هذه القصيده شاركت بها في حفل تكريم
الاخ العزيز: حسان بن ضيف الله العبيدي الهذلي
في قاعة ليالي العرب باالطائف
الذي شرفنا كـ \هذليين نعم شرفنا بـ\انسانيته وشعوره النبيل
وفدائيته ولو على حساب وظيفته
وقد صدر امر سيديصاحب السمو الملكي الامير محمد بن نايف مساعد وزير الداخليه بترقيه استثنائيه لرتبه التي تليها ونوط الشجاعه ..
وقامت قبيلة العبده من هذيل بتكريمهوالاحتفاء به بحضور نخبه
من اصحاب السعاده والضباط الهذليين والقبائل الاخرى

نتمنى له التوفيق

http://www.al-madina.com/node/258207

اترككم مع المشاركه.






[poem=font="mudir mt,6,black,normal,normal" bkcolor="transparent" bkimage="http://www.hothle.com/vb/mwaextraedit4/backgrounds/1.gif" border="none,4," type=2 line=0 align=center use=ex num="0,black""]
من هاجس ٍ حاضر وفى يقدح كما قدح الزناد=يقدح بيوت الشعر واجزلها نطق ولا كتب

واللي على باله يسيد بهرج ما ضر السيـاد=والثرثره والبربره عند الارامل والعزب

وانا هنا في مقافي واصرف ذهب يااهل الـنـواد=والراس يبقى راس ما يرجع ولا عود ذنب

شاعر وامثل لابتي باالعز وسيوفن حـداد=اللي لها الامجاد والتاريخ يكتب من ذهب

اهل الثلاث البيض فرسان العرب يوم الـطـراد=واهل الشعر والعرف والحكمه ومصدار الادب

واهل اللغه فطهر بلد حامينها من يوم عاد=درع الحجاز وعسكر البارود نيران ولهب

ربعي هذيل الفخر والامجاد حامين الشداد=ما يختلف منهاجها وامجادها ماتنحجب

سيوف دين الحق وجنود الملك درع البلاد=نوقد النيران واعداها يجون الها حطب

سلام ياالجمع الغفير في ليلة ٍ مثل العـيـاد=في قاعة ليال العرب لمجاد رجل من العرب

انسان فـ \انسانيته مايتخذ موقف حياد=يبذل جهد نفسه لحب الخير لو وقته تعب

يعمل بصدق وطامع ٍ فاالاجر من رب العباد=ماهو سوات اللي يدف الوقت بااصوات الطرب

اتعيش ياالشهم الابي ياسيفنا يابو طراد=ياالفارس اللي ما توخر فاالوعد عند الطلب

انقذت لك روحٍ ضعيفه بعد زاد الها العناد=شيطانها للموت قدمها وجيت الها سبب

يوم المنادي للاجر يزهمك لبيت المناد=وقلت انا حاضر هنا باالطيب ولا باالغصب

صقور نايف جاهزه يوم الملاقى والـهـداد=وانته من اللي مختفى يوم الحدث حـظـه ضرب

لانك من رجال ٍ ليا جات المواقيف الشداد=مايختفي ميقافها اهل الحسب واهل الـنسب

تقدم على الموت الحمر لبيه يايوم الـجهـاد=ترجز علاهم ياالعبيدي باالنصر يطلق شـنـب

ابواردي مقدام ماترجع ولو كثر الـعـنـاد=لجل الوطن والامن والاسلام مثنيت الركـب

تفدى بروحك للمهمه ماتبا شرب ٍ وزاد=تعيش باالعز وفخر ولا تموت وتـنـحسب

تزود من فعلك وراع الهينه مـايـوم زاد=مواقفك يشهدله عند القياده والـرتـب

هذا مثل للي يبا ياخذ من الدنيا عـتـاد=الاجر محد ٍ يكرهه بس الزمن هذا عجـب

بـكـره لـيامـن راحت الدنيا ورحنا ويش عـاد=غـيـر العمـل والاجر مـدري مـن خسِر ولاكسب

قـلـتـه وانـا شـاعـر وامـثـل لابـتـي فـي كـل مـاد=ببيوت تنحت من صخرقـد مـتها لـهـل الشبـب[/poem]



احترامي

رد: ::انسان فـ\ انسانيته::
 

صح لسانك يارائد .. عدد بلامدد

قصيده شامله ذات معاني ساميه مبنى ومعنى لا عدمناك

ويستاهل العبيدي بيض الله وجه .. ونبارك له على الترقيه .. كما ابارك لزميله الحارثي بيض الله وجه ومثل هذه الأمور ليست مستغربه على قبائل وأبناء هذا الوطن ، لما يبذلونه من بطولات لاشك أن التاريخ سوف يسطرها لهم ..ولهم الأجر والثواب من الله

تقبل ودي قبل ردي ،،،

رد: ::انسان فـ\ انسانيته::
 

صح لسانك قصيدة راءعة جدا

رد: ::انسان فـ\ انسانيته::
 

مرحبا ومسهلا .. حي الله ابو خلود
صح ابدانك ولاهنت . .

يستاهل ابو طراد

احترامي

رد: ::انسان فـ\ انسانيته::
 

صح لسانك رايد الشعر


بيض الله وجهك

قصيدة قمة في رجل قمة في الشجاعة

يستاهل المدح والله يوفقه في الدارين



لا هنت

رد: ::انسان فـ\ انسانيته::
 

لاهنت يابو سليم لاهنت

قصيدة جميلة وكان لنا الشرف بمشاركتك


بيض الله وجهك


وصح لسانك شاعر مبدع


تقييم اعلى


تحية طيبة

رد: ::انسان فـ\ انسانيته::
 

رد: ::انسان فـ\ انسانيته::
 

صح لسانك مدد بلا عدد يابو سليم

قصيده رائعه ويستاهل الامداح اخونا حسان العبيدي والله يبيض وجهه

ولاهي غريبه سواته وبطولته ومال المواقف الا رجالها

اشكرك على هذا النص المغاير والفريد

اطيب التحايا ياذيبان

رد: ::انسان فـ\ انسانيته::
 

رد: ::انسان فـ\ انسانيته::
 

:22::22::22::22::22:

صح لسانك يا ابو سليم ............ ونعم المادح والممدوح
قصيده رائعه كعادتك

رد: ::انسان فـ\ انسانيته::
 

رد: ::انسان فـ\ انسانيته::
 

صح لسانك أخي المبدع رايد هذيل ويستاهل الأمداح حسان بيض الله وجهه.

رد: ::انسان فـ\ انسانيته::
 

رد: ::انسان فـ\ انسانيته::
 

رد: ::انسان فـ\ انسانيته::
 

الله على الإبداع يابو سليم
والنعم بالمادح والممدوح
قصيدة قمة من شاعر عرف بالجزالة