::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   المجلس العام (https://hothle.com/vb/forumdisplay.php?f=4)
-   -   ذكريات وسوالف شايب (https://hothle.com/vb/showthread.php?t=41980)

فـتى هذيل 08-03-2010 01:25 AM

ذكريات وسوالف شايب
 
أسعد الله جميع أوقاتكم بكل خير

أعجبني موضوع طُرح هنا في مجالسنا للأخ ....وفي قسم .....

وأنا قاعد اقرأ في الموضوع نشأت وترعرت وتبلورت فكرة في رأسي http://www.postsmile.com/img/emotions/144.gif

وبدون وعي جلست أردد هذا البيت :

الشيب مابه عيب مابه عذاريب *** لاشك عيبه يطرد البيض عنا

وقلت ياولد طق الحديد وهو حامي

[grade="00008B FF6347 008000 4B0082"]الموضوع ومافيه " ذكريات وسوالف شايب " [/grade]

تعالوا ياشيابنا ...يابركتنا ...ياحباني ...تعالوا وأنا فداكم قربوا جاي

ذكرى ...سالفة ...موقف ...بشرط ألا يقل عمر السالفة عن عشرين سنة http://www.postsmile.com/img/emotions/91.gif

وإذا كانت أكبر من 30 سنة فياليت http://www.postsmile.com/img/emotions/88.gif

أما إذا كانت من الأربعين ورايح فهذا عز الطلب http://www.postsmile.com/img/emotions/98.gif


ولاتستحون ياحباني وعطونا علومكم وذكريات الشباب والمراهقة ، ذكريات الزواج

كما حكاها لي أحد الشياب ، صدقوني لو تُعمل كفيلم سينمائي لتنافس على الأوسكار http://www.postsmile.com/img/emotions/146.gif

وتراني أعرفكم واحد واحد وماني عاذر أحد مرررررررررررررررررررررررر رررررررررره

عمر العميري 08-03-2010 02:03 AM

رد: ذكريات وسوالف شايب
 
فكره راااائعه يافتى هذيل

والله يعطيك العافيه ... لي عوده للمشاركه

المحمودي الهذيلي 08-03-2010 11:01 AM

رد: ذكريات وسوالف شايب
 
فكره رايعه لكني اقل من الثلاثين

فـتى هذيل 08-03-2010 01:15 PM

رد: ذكريات وسوالف شايب
 
اقتباس:

المشاركة الأصلية كتبت بواسطة بن عادي (المشاركة 445762)
فكره راااائعه يافتى هذيل

والله يعطيك العافيه ... لي عوده للمشاركه

ارحب يابن عادي

تعال جنبي وأنا افداك واستمتع بسوالف أحبائنا

فـتى هذيل 08-03-2010 01:16 PM

رد: ذكريات وسوالف شايب
 
اقتباس:

المشاركة الأصلية كتبت بواسطة المحمودي الهذيلي (المشاركة 445870)
فكره رايعه لكني اقل من الثلاثين

حياك الله يالمحمودي

ودامك أقل من 30 سنة فتعال جنبي أنا وابن عادي

فـتى هذيل 08-03-2010 01:19 PM

رد: ذكريات وسوالف شايب
 
آفا كذا يا " جداني " ولا واحد منكم مر من هنا http://www.postsmile.com/img/emotions/120.gif

سبعة أشخاص مامر منهم ولا واحد ، لا كذا أبتزعلوني http://www.postsmile.com/img/emotions/121.gif

لاتثريب عليكم اليوم ولاحرج ...وأول واحد يبداء هو بطل

مـخاوي الذيب 08-03-2010 04:42 PM

رد: ذكريات وسوالف شايب
 
هذي قصتي عشان ما تزعلون
انا اول ماولدت كنت صغير
^
^
^
^
^
^
^
^
^
^
^
^
^
^
^
^
^
^
^
^
^
^
ومع مرور الزمن كبرت هي تصدقون
خخخخخخخخخخخخخخخخخخ
هذي قصتي بأختصار ماعندي غيرها

حامد السالمي 08-03-2010 04:47 PM

رد: ذكريات وسوالف شايب
 
غالي والطلب رخيص بس الشروط يا سنايدي ما تنطبق على وضعي > أسنان اللبن تهتز لساعها ههههههههههه

راجعني بعد عشرة سنين ، ويا خوفي موضوع هذلي قديم هو اللي هيضك : )

الفند الضبيبي 08-03-2010 05:34 PM

رد: ذكريات وسوالف شايب
 
انا في انتظاركم ياشيباننا

صالح الكعبي 08-03-2010 06:57 PM

رد: ذكريات وسوالف شايب
 
أفا يالعلم .. أبشر والله يابو شموخ بالسوالف وعلوم الرجال كلها

وبما أن الشروط تنطبق عليه..ونظراً لشتعال الرأس شيبا .. أبحكي لكم قصة العجوز في العصر الجاهلي

هذي سلمك الله عجوز خرفت .. ولها من الأبناء إثنان ، واحد اسمه : زعيط والثاني معيط

المهم كل ما يروحون ويسرقون ويجيبون لحم ويعطون أمهم تعلم عليهم إذا جاء أحد وسألها وينكشف أمرهم .. في الأخير قالو لازم نفكر في خطه عشان معاد أحد يصدق أمنا .
قال زعيط : أنا ابروح وأجيب لحم ((صخِيل)) (( والصخيل ولد الشاه الصغير ))>> لايجيني واحد يقول ما أعرفه
قال معيط : أنا أبروح أجيب لحم باقر
جابوا اللحم وطبخوه .. وعشان تكتمل خطتهم خلطوا مع المرق حسى

قدموا لها لحم البقره بدون عظم وقدموا لها عظم الصخيل وقام زعيط وأخذا المرق مع الحسى ويرش به عليها ويقولها كلي يمه الليله تمطر علينا بحساء ..ومعيط أخذ الزند ويقدح به مع الخرق (( والخرق فتحه صغيره في جدار بيتهم)) مفهوم .. إيه .. كمل بس
المهم قالت هذا واش هو : قال كلي هذا لحم باقر والعظم عظم صخيل ، ولليله تمطر علينا بحسا ويرش عليها بالمرق ويقولها إلحسي لأنهم يعرفون أنها دقيقه في الوصف

الهدف : يبون الناس معاد يصدقونها

فعلاً : من اليوم الثاني جوا الناس وسألوها .. عيالك جابوا لك شي البارح سرقونا أش جابو لك ؟

قالت نعم : جابوا لحم باقر والعظم عظم صخللول ليلة البرق مع الخرق تمطر علينا بحسا والحسا نلحسه !!

قالوا هذي خبطة معاد تدري عن شي أتركوها بس هههههههههههههههه

المصدر : شركة يقولون ؟


وعلمي وسلامتكم ،،،،،،

أبو ملاذ 08-03-2010 10:45 PM

رد: ذكريات وسوالف شايب
 


:biggrin:


اقتباس:

جابوا لحم باقر والعظم عظم صخللول ليلة البرق مع الخرق تمطر علينا بحسا والحسا نلحسه !!



:41:



جابوا :- جاب :اي اتى :جابوا :جمع

لحم باقر :- اي لحم ذكر البقره :التور

والعظم عظم :- اي المشههههه وتكرارها توكيد

صخللول :- جمع تكسير لمفرد صخيل

ليلة البرق مع الخرق :- اي ليله غاب شاهدها

تمطر :-اي السماء او السحابه

علينا :- اي من فوقنا

بحسا والحسا :- .... ماقلعتها ...!!!؟

نلحسه !! :- اي نتذوقه باللسان



اعذروني ماني شايب هههههههه:2:




مو ضوع جميل

يلا ياشياب متابعين لكم

حامد السالمي 08-04-2010 12:16 AM

رد: ذكريات وسوالف شايب
 
قصة تراثية جميلة يا صالح وبما أني أعرف شيبان > ولا أنا في العشرينات > أنقزها ههههههههه

يقولون إن هذه الكهلة تغنت قائلة :

شواربي توامضي ،، بالكذب والتخبري ،،، الهبر هبر باقري ،، والعظم عظم سخلووول. : )

أبو حمدان 08-04-2010 12:26 AM

رد: ذكريات وسوالف شايب
 
أنا مدري يافتى هذيل أنت تبغي قصص واقعية من حياتنا الشخصية
وإلا نجيب قصص من اللي نسمعها كما قال صالح الكعبي ( من شركة يقولون ) ؟؟

على العموم أنا أبعطيكم قصة واقعية حصلت معنا في سنه من السنين
كان عمري حينها ست سنين أوسبع سنين تقريباً يعني مضى عليها أكثر من (35 ) سنه
القصة تقول ( طبعاً باللهجة المحلية اللي يفهم مصطلحاتها يفهما واللي مايفهما يقول لي وأنا أشرح له المصطلح ) :
((سنيات ياعياليه ربع الشرق وجا فيه خير وحيا ماقط جا كماه واحنا كنا عامدين في الخبت وغلّق ربيعه ماعاد فيه عيشه قمنا شدينا رحالنا ولمينا قشّنا وخدورنا وحملناها على بعيرنا (مغيران ) ومعنا واحد من رفاقتنا كان شديدنا ومنزالنا سوى أحناوياه ، المهم غبشه قدام صلاة الصبح واحنا قايمين على شنودنا ولامينها ومحملينها على الجمال وقمنه الغلايم يشبينه النار ويخبزنه الفطور واللي راحت تعبي القرب من الجنوط واللي قام يحلب الغنم قدام نسرح على شان لايضايقها الحليب في المشي وقدام تشرق الشمس واحنا مولمين شنودنا كلها ، ثوّرنا الجمال وسقناها واللي مع الحلال ساقوه وتعشنقوا بدارهم ومعاليقهم اللي فيها زادهم وجيناك ماشين .
طبعاً أخوكم في الله كان يومها صغير ولايقدر يمشي مشي قام ركبينيه أبويه على ظهر (مغيران ) على المردفة حقت البعير وجيناك ماشين .
رعيان الحلال واعدناهم في المقر حق ملكان ( يقع في جنوب طريق الخواجات وقريب من بير تاريخية يقال لها المجيدية ) وقلنا لهم المبيت في المقر الليله .
وطبعاً على شان الجمال تمشي أسرع من الحلال سبقناهم للمكان وصلناه صلاة العصر تقريباً وقام الوالد الله يطول بعمره ورد البير المذكورة وعبا القرب اللي معنا ماء وقمنّا لنا مكان زين للمبيت وبنينا فيه واحد من البيوت وماجاء المغرب إلا والحلال علينا مع الرعيان ، قمنا وحلبنا الغنم وأرضعنا الصخيلات والطفيلات اللي معنا وسوا الحريم العشاء وتعشينا وبعد العشاء واحنا طيحين من التعب والغنم هلبدت من كثر التعب والرعيان طاحوا مطيح الشر من المشي .
وقبل صلاة الفجر واحنا مولمين أنفسنا وكالعادة ولمنا الفطور وسقنا عليها وهذي المرة واعدنا الرعيان أن يكون المبيت الليلة الثانية في المغمس وجيناك شابين في الجمال وطرد طول النهار وماجا العصر إلا وأحنا في المغمس طلعنا في تبّه فيها زي البريقاء صغيره جنوب جبل قرضه وأحنا نخرط عن الجمال ونفكها ترعى ونبني بيتنا وقدام صلاة المغرب بشويه وإلا الحلال نبصر غبرته قاطب جايتنا من جهة جبل سعد .
قال الوالد والله يالرعيا ن إنهم قطعوا أكباد الحلال بالمشي وفعلاً يوم ضوت الغنم وهي تلاهث من التعب وحالتها شميته
وكالعادة حلبنا الغنم وأرضعنا بهيمنا وتعشينا ورقدنا ولاقومنا آخر الليل إلا صيت الكلاب الله يعزكم وهي تنابح وتهارش وقايمه قيامتها وشوي وإلا صوت الضاغي يوم قهب عرفنا إن الذيب سرّا علينا وأخذ عشاه ويقوم الوالد هو ورفيقنا ويتخرطون النيامس ويزهبونها ولاقومنيه إلا صيت البندقة يوم ثارت وآنا أقحص قحصة بغت تظهر معها عيونيه
الذيب سرا لكن ماأفلح بعشاه ونولع هاك الفانوس ونجي نقص صوب الخيال المخطوف ومامشينا شويه وإلا واحده من معزانا تهذور ( تقوم وتطيح ) يوم جيناها وإلا هي مغببه بنابين واحنا نشتالها ونجيبها عند مشب النار وياخذ أبويه المحماسه ويحطها في النار الين حمرت وهو يصكها بكيه على كل ناب ويحط عليها ( صخي ) من تحت النار وهو يخليها الين صبح وصبح وهي يوم قامت ترعرش وماعليها قلنا والله إنها لاتبلش الرعيان مانبي نخليها تروح مع الغنم واحنا نحملها على البعير ويحطونها جنبيه على ظهر مغيران كانت تسوي فيه العزور كل ماأخذت قليل وهي مرة تمضغ أصبعيه ومره تمضغ ثيابيه دخلها سعلي بسم الله من عضة الذيب الله يكافيه وما وصلنا مبيتنا الثالث إلا وأنا مرمود رمد منها وابويه يسمعنيه أبكي ولايدري وشبنيه أقول له العنز أكلتنيه يقول ليه ياورع الغنم ماتاكل الآوادم تبي تسكت وإلا أتناوشك بمطلم أوريك الدلع ، عودت سكت وصرت أتصبر ماقدرت أصبر وهالمرة وأنا أجيك محول من على ظهر البعير ( دبمممممممم وأنا في القعره ) .

تبون تعرفون وش صار لي من هالطيحه ؟
وتبغون تعرفون فين مبيتنا الثالث ياعياليه وش صار فيه ؟؟؟
وتبغون تعرفون بقية القصة ؟؟
بكرة أكملها لكم ياحبانية إن شاء الله ذحين روحوا أرقدوا
وانا أبرقد >>> شايب مايحب السهر

مطرفي الدلم 08-04-2010 12:48 AM

رد: ذكريات وسوالف شايب
 
يابو حمدان كمل جميلك وهلها علانا مرة وحده وريحنا

هالمره مابه نوم يالشايب وبعدين تكلم بكلام اهل نجد ترى مانفهم وش تقول والله ماغير آنيه آنيه

أبو حمدان 08-04-2010 01:05 AM

رد: ذكريات وسوالف شايب
 
اقتباس:

المشاركة الأصلية كتبت بواسطة مطرفي الدلم (المشاركة 446174)
يابو حمدان كمل جميلك وهلها علانا مرة وحده وريحنا

هالمره مابه نوم يالشايب وبعدين تكلم بكلام اهل نجد ترى مانفهم وش تقول والله ماغير آنيه آنيه

والله يابن العم تعبت من الكتابة ولاأبصر أكتب إلا بالنظاره
وكل شويه والنظاره طيحة الين زهقت من كثر الكتابة
لكن إن شاء الله أبكملها لكم بكره

ولكن أعذرني يابن العم ماأعرف اتكلم بكلام أهل نجد الله يحفظهم
لكن بلهجتنا المحلية ياصلاتي على النبي لو تبغون صفحات عبيتها لكم

إذا فيه كلمات ماانت فاهمها أسأل عنها ( فتى هذيل ) يعلمك بمعناها
ههههههههههه


الساعة الآن 03:53 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل