أسعد الله أوقاتكم بكل خير إدارة وأعضاء وزوار مجالس قبيلة هذيل

اشكر من دعاني إلى هذا الصرح الشامخ بشموخ نجومه الأوفياء

وهو (الأستاذ: سعد كامل بن محيا)

واحب أن اطرح بين أيديكم أولى مصافحاتي لكم على أمل أن تنال إستحسانكم

وهي وصيه لإبني (فهـد) حفظه الله



[poem=font=",6,teal,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عطني القلم والطـرس يانسل الاحرار = الله يحرمكم على واهج النار
وخذ العلوم اللي كما المزن مدرار = لازم تعلَّم من دروس الليالي
يافهد انا بوصيك واسمع وصاتي = حافظ على الطاعه وفرض الصلاتي
واطيع ربك قبل يوم المماتي = من قبل تمسي وسط قبراً هيالي

ماتنفعك دنياك لوتجمع المال = الكل في الدنيا مقفي ورحّال
لابد تطوينا على كل الاحوال = وافهم ترى الدنيا مصير الزوالي

خلك كريم السبل لاجاك ضيفك = اثني له الترحيب واعطيه كيفك
واعتز به مثل إعتزازك بسيفك = حذراك لاتُبدي عليه الهِزالي

امشي على منهاج ابوكم وجدك = لوكان وقتك يا ابن سالم يحدك
لابد ماتلقى طريقاً يمدك = يانسل قوماً ترتكي للثقالي

واعمامك الخمسه رحم ربي من مات = اطيعهم في الخير بعد الصلاوات
هم درعك الواقي ليا جات ضيقات = ومقدمين الكيف وسط الدلالي

ومع لابتك بوصيك في كل ميقاف = خلك كما صقراً على راس مشراف
محزم لهم باين وظاهر وينشاف = واجب عليكم ياكريم السبالي

والجار لاترضى عليه الخطيه = اوصى به المعبود رب البريه
وإن جا طلبك اعطيه جزل العطيه = ربعك فهم تفعل من اول وتالي

واخواتك الثنتين هم راس مالك = حافظ عليهم ظلهم في ظلالك
ماعندهم من بعد ربك بدالك = خلك لهم حِصناً بعيد المنالي

شيبانك الإثنين خلك لهم بار = انته ذراهم لختلط عج وغبار
من بعد كُبر السن بتزيد الاضرار = لابد ترعاهم على كل حالي

ممشاك خله مع شُجاعاً مُضرّا = على المواقف والمكارم مُجرّا
إن ماعطاك الخير معطاك شرّا = ينفعك ميقافه بوسط الرجالي

والنذل حذرا يافهد لاتماشيه = يرضى عليك الذل والخير مخطيه
من بعد عزه يافهد تبتلش فيه = جنب طريقه وابتعد لاتبالي
هذي وصية شايبك لاتعداك = احفظ وصاته واذكره لاعدمناك
من بعد موته مُد له كف يمناك = وادعي له المعبود رب الجلالي

والخاتمه مني تحيه ومهداه = للي يحب الخير والخط يقراه
تقدير لهل العز ماهي محاباه = اللي منازلهم سمت في العلالي
وصلو على الهادي سواء السبيلي = أحمد شفيع الخلق جاب الدليلي
نوّر سما الدنيا عقب كان ليلي = وتبدلت من بعد كانت ظلالي[/poem]



وسلامة الجميع

22/8/1431 هـ ـ الثلاثاء ـ

ذيب الفيافي

صح بدنك والرائع مرورك وتعليقك الراقي

اللهم آمين ويصلح لك ذريتك اخي ابو رديد وصح بدنك يالذيب

اشكرك على مرورك العذب

الشاعر القدير / علي بن ماطر

اشكرك على مرورك وتعليقك يالغالي