|
جتك الجميلة مقبلة ليش قفيت
[color=#0000ff]
الأولة يا الله يا اللي تعاليت يا واحد(ن) فرد(ن) صمد والرجا فيك أرجيك يا من فوق عرشك تجليت وحدك يا رب العرش ما خاب راجيك أدمح ذنوبي واغفر إن كان زليت ذنبي كبير وبالمعاصي نباريك اقبلني التايب من الذنب ما جيت يمك وراجي خايبن يوم أناجيك كل الأمل شفته حقيقة وهليت دمع البشاير يوم أنا أرجي وأناديك يا راحم وغافر وعافي تهقويت وأذنبت وانته تغفر ذنوب مرجيك ****** والثانية مرقب هلالك وطليت يا مرحبا بك ياهلاالله يحييك إن قلت لك يا مرحب أهلا وغنيت أهلا وسهلا مرحبا ما توفيك أكبر من احروف التعابير لا جيت الأرض مليت والسما نور باديك شق الظلام وشد عيني ولدّيت وليا هلالك راكز أعلن حراويك جاني الرجا يسعى وجيته وضميت صدري على صدره وزانت طواريك ضميت صدره واحتضنته وشميت ريح البشاير مع نسايم حكاويك رمضان ياللي كل ما جيت سلّيت نفوس خلق الله وكثرت رجاويك نزلتني جمّ الرجا ثم تساقيت لين ارتوى ريق الذي كان ضاميك ****** والثالثة باب المحابيس فكيت يا كل مسجون امش وأمهل خطاويك جبت السوالف والحكي ثم خطّيت حبر القلم فوق الورق هات واعطيك مد الحكي لي مدته ثم مديت وليا الحكي مده مهزهز مراكيك جبت المراكي ثم تكيت واركيت فكرت في الدنيا ويدي مشابيك قال الحكي : رسلك ترى ما تغاويت ! عيني تشوف وفكري اللي يحاكيك خلق الله بشهر العبادة مفاليت !! هذا يحابر ذي وهذا لهذيك لين البطاحي تختلط يوم مريت يا سيلها بك وانت جرّحت واديك غنت لك الحِربا وقمت وتغنيت يا شين ما غنت ويا شين أغانيك يا اللي مشى جالك قطيع الخراتيت اللي عجاج غبارها في روابيك يحجب شموسك عن روابيك ويبيت يحجب ضيا نور القمر في لياليك يا فارس أحلام المعاصي ترديت من صهوة حصانك بسلة معاديك ما شدتك معشوقتك يوم ناديت معشوقتك خرسا بِيَدْهَا تردِّيك لامتك وانت اللي لها ما توانيت خانتك وانته وافيِّ(ن) في مباديك إما نسيت الزين ولا تناسيت كحل العيون العور يا كيف يغريك يا كيف جمّعت الصحايف وكتيت حبر المعاصي فوقها الله يخسيك جتك الجميلة مقبلة وانت قفيت تبغى القبيح المدبر اللي يعنيك جتك التحية طيبة كان رديت ليش العناد وليش تعلن تحديك وانته تباري اللي خلقك وتحديت ما آن لك ترجع لربك وباريك ؟! أنت الفقير لخالقك لو تعليت كيف أنت في شهره تصِّر بمعاصيك ليش انته اتيوسك بجهلك مفاليت تعلف مع معزى حِبّيب حواليك ترعى حمى محمي وش الـ انت سويت حذر الحمى له حارس بسهم يرميك يا معتمر قبل السعي ليش حليت عليك دم افدي عسى الله يهديك ما لا تطيق تشيل لين انت طقيت وش لك تشيل حمول تقصم علابيك قطّفت من حوض الردى ورد وادميت زندك بشوك أغصانه اللي مشاويك ****** من ثوب ستّار المعاور تعريت هي لذتك ولا الخنا اللي يعريك جابتك حزم العار ولا انت حطّيت نفسك ولا به خير في ذي ولا ذيك يا ضعف نفسي كم عليها تقاويت جريتها قاع الحفر والتهاليك وانت الذي منها ولها بس ما اقديت طاوعت شيطانك وعوّد يقديك ما جبت يا عرق الخطا يوم وديت ما غير شريانك يمدك يغذيك غذّاك من دم المعاصي وغذيت قلب البراءة بسم قطّع مجاريك ****** خلقتنا ربي بشر ثم مديت مديتنا بالعقل يا كيف نعصيك لبيك يا ربي من الذنب مليت عفوك وصفحك غايتي منك وإليك أيقنت قبل أقرا وقبل اسمع أوحيت بأنك لوحدك تسمع اللي يناديك وان الأمل منك اعتراني وحسيت برد العفو يطفي لهب نار عاصيك ****** يا شهرنا الطيب شنيناك ما اشنيت سلام مني جايب العذر ناصيك يا موعد التايب يخير المواقيت يا نور مصباح الليالي المحاليك يا نور في ضوّه ترعرعت وربيت الخير في دونك وزايد فعاليك يا عود مثمر حذّفتك الطواغيت رمي الحصا من حذفة الخبل تخطيك يا روضة الغفران جتك التوابيت متأملة بك نايمة بين أياديك دلو الفرج ف حبالك اللي استمديت وجمك غزير وجاهلك مبتلى فيك يا سيل وادي الذنب لا جيت قشيت كوم المعاصي اللي سرت فوق طاميك إليا قربت النور والنور لا جيت وإليا ذكرتك نور والنور يقفيك عذرن يا شهر المغفرة كم تمنيت تقبل علينا ونكرمك لين نرضيك عذرن ترى يا للأسف فيك شحيت أبخل على نفسي بخيرك ولا اعطيك يا شهرنا الطيب بيدي تواطيت خذني بيَدِي حيث انت رايح بخاويك بقلم / ماجد بن دخيل الشيناني الزيداني الهذلي [/color] |
رد: جتك الجميلة مقبلة ليش قفيت
والرابعه
صح السانك وسلمت روحك يااااجزل لك ودي |
رد: جتك الجميلة مقبلة ليش قفيت
اقتباس:
ياسلاااام يااماجد.. بيض الله وجهكـ.. وصح لساااانكـ مليون.. . . كان لي الشرف في سماعها منكـ ذات يوم.. شكرا لكـ من القلب.. . . لكـ احتراامي |
رد: جتك الجميلة مقبلة ليش قفيت
صح لسانك يا ماجد
قصيده رائعه اطيب التحايا |
رد: جتك الجميلة مقبلة ليش قفيت
اقتباس:
الله أكبر ....درر يابن العم صح لسانك ياماجد ...تقبل مروري واحترامي . |
رد: جتك الجميلة مقبلة ليش قفيت
سلمت ولا ندمت
صح لسانك قصيدة رائعة |
رد: جتك الجميلة مقبلة ليش قفيت
ماجد بن دخيل الزيداني
ونعم صح لسانك واعتلا شانك |
رد: جتك الجميلة مقبلة ليش قفيت
صح لسانك ما قصرت
|
رد: جتك الجميلة مقبلة ليش قفيت
صح السانك وطاب مكانك
الحقيقه قصيدتك جزله بمعنى الكلمه وبيض الله وجهك يابن دخيل |
رد: جتك الجميلة مقبلة ليش قفيت
وعليكم السلام ورحمة الله وبركاته
صح لسانك وعلا شأنك يا ماجد وبيض الله وجهك جزله من جزل وهذي عادتك يا ابن العم.. |
رد: جتك الجميلة مقبلة ليش قفيت
صح لسانك يا الشيناني عز الله قصيده رائعه استمتعت بقرائتها سلم فكر نسج لنا هذه الابيات وسلمت يمين كتبت لتتحفنا بما قال صاحبها وسلمت لتتحفنا بكل جديد لك شكري تقبل مر و ر ي |
رد: جتك الجميلة مقبلة ليش قفيت
صح السانك واعتلا شانك ولا هنت يا ين العم
ماشاء الله تبارك الله وكان. قصيدة رائعة من روائع ماجد الزيداني لا عدمتك ولا عدمت إبدآعك . ولك احترامي وتقديري |
رد: جتك الجميلة مقبلة ليش قفيت
اقتباس:
انشراح النفس في وقت الضيق والأزمات ،، وهو من صفات الانبياء أسال الله أن لايخيب املنا ويكرمنا بعفوه عنا في اخر ليالي العتق من النيران تحياتي شاعرنا لهذه القصيده وهذا البيت الفائق التميز |
رد: جتك الجميلة مقبلة ليش قفيت
اقتباس:
صح بدنك والسادسة ياخالد الله لايهينك على المرور والتعليق والسابعة ياخالد كم احترم مرورك والى مالانهاية لك ودي واحترامي الف شكر ياابو وليد على تعليقك الذي يدل على خالد الرجل الفاضل كل الود ياخالد |
رد: جتك الجميلة مقبلة ليش قفيت
هلا ياابو مساعد
صح بدنك الشرف لي انا باطلاعك وتعليقك ياوجيه الله لايهينك وبيض الله وجهك |
| الساعة الآن 02:18 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل