|
حداية العيد
هذي حدايا مقدمه مني بمناسبة عيد الفطر السعيد
اتمنى ان تنال الاستحسان وكل عام وانتم بخير وهي خاصه بمجالس قبيلة هذيل الأولـــه ســـلام رديــــة وفــاء فـالـمبتـدا رديتن مثل القمر نــص الشهر لامن بـدا لصحابنا واللي يشاركنا في وسط المنتدا مني نيابه عن قبايل حرب ومن العـايدين ***** والثانيه لي صاحب(ن) لو يطلب اعيوني فدا العــام ناديـتـه ولاكـــن ماسـمـعت الا الصــدا واليوم انا بكتب حروفـي من بعد طول المـدا يمـكن تريـــح قلبي الولــهان بالعــلم اليـقـيـن ،، وسلامتكم 100 عام ،، وتقبلوا خالص حبي وتقديري :waaady37: اخوكم / سامر البلادي أبو أصيل |
رد: حداية العيد
حياك الله يالبلادي وحي علومك
وكل عام وانت بخير صح لسانك ويجيك من يثمن |
رد: حداية العيد
حياك الله ياسامر البلادي
ويامرحبا بك وياهلا وكل عام وانت بخير ومن العايدين الحدايه معروفه موجه لمن وراح يجيك الرد من الشاعر صلاح بن وارد المطرفي قريبا وصح لسانك |
رد: حداية العيد
حياك الله يابو اصيل و صح لسانك
ومتابعين |
رد: حداية العيد
مرحبا ياسامر وكل عام وانت بخير وصح لسانك فأنتظار رد الشاعر الرائع صلاح المطرفي
|
رد: حداية العيد
كل سنه وانتم طيبين
وانشاء الله يعود كل عام علينا اجمعين بالافراح والليالي الملاح وعساكم من عواده والسلام |
رد: حداية العيد
يامرحبا ترحيبة ٍ قبل العشا قبل الغدا
والطيب ماشي والبكش ماشي وكل ٍ له قدا اليا سريت الليل في ظلمة بروق ورعّدا أكيد تتمنى تعوّد بالسلامة كل حين وإن كان لك صاحب تصونه عن صواديف الردا الله يعينك يالبلادي سامر ومثلك بدا وأيامنا مثل الخيار وجهد لايغدي سُدا الله يحيي حرب في منزالنا والله مُعين |
رد: حداية العيد
طبعاً لتوضيح اخونا صلاح المطرفي مسافر وهو من راح يرد على الحدايه حسب مافهمت منه وشكراً
بدون قصور طبعا فألي رد |
رد: حداية العيد
الاخ سامر بن مشخص البلادي السلام عليكم ورحمة الله وبركاته وكل عاام والجميع بخير..عذراً منك لعدم وجودي على الموقع في الفتره السابقه وانا سعيد جداً بما قرأت ويشرفني ان تقرأ ردي على هذه الحدايه الرائعه وإليك اقول: الاولـه يــامرحبــــا عــداد قطــرات النـــدا ترحيب باسم هذيل من نخله ليا ضلع الهدا لاقصى حدود الديره اللي ماتهمقاها العــدا من دونها ربعي هذيل اللي تغلق كل ديـــن والثانيه يشهد لنــا الله والخـــلايق تشهـــدا انا نلبي دعـــوة الاصحـــاب لا جانـــا النـــدا والطيب فاهل الطيب يالارحام ما يذهب سدا لاكــن ريـح قلبــك الـولـهـان حنـــا مقبليــن تحيااتي للجميع |
رد: حداية العيد
الله الله ياصلاح صح لسانك
ثمن ولا اروع والحمدلله على سلامة الوصول |
رد: حداية العيد
صح بدنك يابن عادي وكل عام وانتم بخير
|
رد: حداية العيد
عليكم السلام ورحمة الله وبركاته
وكل سنه وانتم طيبين وبخير وصحه وعافيه والحمد لله على السلامه ولاتعبتوا،، وبيض الله وجهك على الرد الجزل وامانه وفيت وكفيت وما اقول الا الله يحييكم من ممشاكم لا ملفاكم ويعلم الله انه ما لحقنا شك من جهتكم0 والسلام اخوكم / أبو أصيل |
رد: حداية العيد
ياهلا والله ياسامر ,,,,وصح لسانك على الحدايه
ورد وافي من صلاح وارد |
رد: حداية العيد
الله ييبض وجيهكم
|
| الساعة الآن 01:39 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل