عمر الخالدي و مستور العصيمي
 

عمر
يا مرحبا في محل مكملين اللزوم ترحيبة ما نقصرها على حد أحد
مستور غايب ثلاث شهور ماله علوم مدري عنه قال كل العلم و لا جحد
مستور
تبقون يا أهل الوفا عداد مبدا النجوم و عداد ما قاد نو فيه برق و رعد
و الله ماني بغايب جعل حظك يقوم مير أنت رجل تنوم من الأحد للأحد
عمر
السالفة طولت وصلت لراس الخشوم لكن خلك بجهدك لا تخلي جهد
من يعشق البنت ياخذها و ينسى العموم يالله عساها تخلف بنت ولا ولد
مستور
يالشاعر الخالدي محد عليها يدوم أحد يعقد العقد و أحد يحل العقد
مير أنت رجال ترقى في طوال الرجوم من راس قرنيك تنقز في مشارف برد
عمر
راحت صقورالفضا وانخش في العش بوم والخافي أعظم كما ما قيل وأدهى وأشد
وإن كان ودك تحواها على السوم سوم وابشر برد البرا ذلحين ولا بعد
مستور
صحيح ما كل طير في سمانا يحوم واليا رسمت الوعد جيتك بحسب الوعد
مافسر الحلم غير مفسرين الحلوم أحد يواجه سعد وأحد يواجه نكد
عمر
إن كان حمي الوطيس ابشر وحنا خصوم لكن محد بناله خيمة بلا عمد
حد .......وقريب من حدود البقوم والقاضي المرتشي ماهو من أهل البلد
مستور
خلك بخط الدفاع و كب خط الهجوم ماني شريكك بحظك قام ولا قعد
إن كان منته بشاري الغالية لا تسوم يالصاحب احفظ حسابك لا يضيغ العدد

رد: عمر الخالدي و مستور العصيمي
 

[align=center]اخوي اللحياني

مشكووور من القلب

وما قصرت على نقل هذه المحاوره الممتعه

يعطيك العافيه ولا تحرمنا مما لديك[/align]

رد: عمر الخالدي و مستور العصيمي
 

سلمت يمينك يا اللحياني

وصدق ان عمر شاعر مظلوم اعلامياً

رد: عمر الخالدي و مستور العصيمي
 

الله يعطيك العافيه

رد: عمر الخالدي و مستور العصيمي
 

بيض الله وجهك ياللحياني على هالمحاوره

صدق ان عمر شااااااااااااااعر مظلووووووم اعلاميا

رد: عمر الخالدي و مستور العصيمي
 

يعطيك العافية..

وشاعرين من الوزن الثقيل..

رد: عمر الخالدي و مستور العصيمي