|
مباريات دوري أبطال آسيا لهذا اليوم .
في إياب ربع النهائي يلتقي اليوم في الساعة الواحدة والنصف مساءاً فريقي بوهانج ستيلرز الكوري الجنوبي مع فريق ذوب آهن اصفهان الايرآني .. وتنقل المباراة قناة الجزيرة +5
وفي مباراة أخرى وفي نفس التوقيت يلتقي فريقي سوون سامسونج باووينغز الكوري الجنوبي مع فريق سيونغنام إلهوا تشونما الكوري الجنوبي وتنقل المباراة قناة الجزيرة الرياضية 2 وفي المباراة الاهم يلتقي فريقي الهلال السعودي مع فريق الغرافة القطري في الساعة 6:30 بتوقيت مكة المكرمة وتنقل المباراة عدة قنوات منها ابو ظبي الرياضية ويعلق على المباراة:clap:( فارس عوض ) :clap:ودبي الرياضية ويعلق على المباراة علي حميد والجزيرة الرياضية المعلق علي الكعبي وقناة الدوري والكأس المعلق خليل البلوشي . وبنفس الاهمية يلتقي فريقي الشباب السعودي مع هيونداي موتورز الكوري الجنوبي في تمام الساعة 8:15 بتوقيت مكة المكرمة وتنقل المباراة عدة قنوات ابو ظبي الرياضية ودبي الرياضية والجزيرة الرياضية وقاة الدوري والكأس والسعودية الرياضية |
رد: مباريات دوري أبطال آسيا لهذا اليوم .
بالتوفيق لممثلي الكرة السعودية وفالهم الفوز إن شاء الله
|
رد: مباريات دوري أبطال آسيا لهذا اليوم .
مبروك للزعيم والليث
ويستاهل ولد هذيل عيسى مبروووووووووووووووووووووو ووك للزعيم وعقبال الكاس |
رد: مباريات دوري أبطال آسيا لهذا اليوم .
الحمدلله ,,,,,,,,,,,,,بغينا ندفع ضريبة غرور قريتس واصراره على النمنم (نامي) وخسارات(خيرات) في ظل جاهزية الزوري والمرشدي
|
رد: مباريات دوري أبطال آسيا لهذا اليوم .
غرور الهلال كاد أن يودي به لولا لطف الله تعالى وستره
الغرافة كادت تغرف النتيجة من الأشواط الأساسية بس أحسن ما في المباراة ( تبديل الحكم ) |
رد: مباريات دوري أبطال آسيا لهذا اليوم .
وش نقول وش نخلي
اقسم بالله انك فقيده ياكوزمين يتعامل مع كل مباراه باهميتها غيريتس اليوم والفريق بشكل عام تاااايه لاهو اللي دافع ولاهو اللي هاجم الحمد لله فزنا رغم وجود ثلاث عاهات خيرات والجرايم اللي ارتكبها والمريض الفريدي والعابد اللي لازم مرمى حق ركبي عشان يسجل |
رد: مباريات دوري أبطال آسيا لهذا اليوم .
كل اللعيبه يهونون الا النمنم الله لا يوفقه
ياخي لاعب مفلس وش ملزقه في التشكيله الاساسيه مادري ممكن يكون عضو الشرف اللي جابه (في اي بي) عشان كذا يلعب غير كذا مافيه شي يشفع له لا وبعد الكوري مودينه يسار عشان هذا الطلي ,,,,,حسبي الله ونعم الوكيل فيه |
رد: مباريات دوري أبطال آسيا لهذا اليوم .
ابن قاسي ارجع وشوف المباراه تلقاه من افضل اللاعبين السيئين هههههههه والله ما امزح
بس وش تبيه يسوي الوسط مكشوف قدامه طيب ارجع للاشواط الاضافيه وكم هدف ضاع من يونس في خانة الكوري :cool: وهل بتكون ردة فعلك نفسها لو كانت من جهة نامي الفريق كله سئ خيرات سئ الفريدي ياسر ويلي نيفيز حتى الكوري ماهو ذاك المستوى اللي يخليني اصفق له واسب نامي دايم متعودين في حال الهجمه ويلي يساند نامي والشلهوب يساند الكوري والفريدي يساند المحور بس في مباراة امس كل الجماعه ذولي كاشتين قدام والغنام والدفاع شايلين الضغط |
رد: مباريات دوري أبطال آسيا لهذا اليوم .
اقتباس:
أنا لم أشاهد المباراة ولاأعلم ماذا تقصد ياأبا ثامر من قضية تبديل الحكم هل يعني أن حكم الساحة تم استبداله ؟ ولماذا ؟ والله حالة غريبة ويبغاني أشوف متى يُعاد اللقاء لأمتع عيني بهذه الحادثة الغريبة على العموم مبروك للشباب والهلال هذا التأهل ...والدعوة فيها مليون دولار http://www.postsmile.com/img/emotions/153.gif |
رد: مباريات دوري أبطال آسيا لهذا اليوم .
الحكم جاه شد عضلي وماقدر يكمل ودخل بداله الحكم الرابع
والا تبونه يجيبوله كرسي في الدائره ويقولون كمل المباراه |
رد: مباريات دوري أبطال آسيا لهذا اليوم .
اقتباس:
شوف " مزاجي " شكله زعل علي . |
رد: مباريات دوري أبطال آسيا لهذا اليوم .
اقتباس:
هلابك يامزاجي شوف نامي ماهو لاعب عشان يكون سيئ والا لا لكن المشكله انه يلعب على حساب اكفأ منه وهذا اللي جاب قاهرني ياخي الهلال الحين في مرحلة نكون او لانكون والمدرب يلعب بالنار !!! وش المشكله لو يعيد الزوري والمرشدي ؟؟ |
رد: مباريات دوري أبطال آسيا لهذا اليوم .
تدري يابن قاسي اني مرتاح ومبسوط ان نامي يمين والكوري يسار
الزوري انسان فااااااااهي يعني لاترجي منه شي ينطلق بالكوره ويمشي يمشي يمشي فجاه يوقف وتنقطع ويمكن يطلع لك في مباراه لدرجة تقول وخروا عنه ههه وتجيك عشر مباريات يغط في سبات عميق نامي على الاقل مجتهد ويحاول ودايم يسانده لاعب من الوسط في حال الهجمه علينا بس في المباراه الاخيره الوسط مفصول عن الدفاع ماعدا الغنام اللي تعب وهو يدافع ومايدري يغطي من والا من باختصاااااااااار لايوقف يبو نامي نارك ولافهاوة الزوري ودفاعنا بيضبط ان شاء الله برجعة المرشدي وعزيز ورادوي يابن قاسي انا كنت مثلك نامي ونامي والله يعينا عليه وووو لين دخلت مره احصائيات لمباراه هالموسم لقيته اكثر اللاعبين تمريرات صحيحه واكثر اللاعبين افتكاك للكوره وبالارقام افضل اللاعبين دريت اني ماعندي سالفه هههه لازم اذا بنحكم على اللاعبين نشوف وش سوو في نفس المباراه نامي كان نكبه بس في هالموسم غير >>>الله يستر بعد هالمدح ينكبنا قدام الروافض ثم معد تشوف وجهي هههههههههههه |
رد: مباريات دوري أبطال آسيا لهذا اليوم .
مبروك للزعيم والليث .. ونتمنى لهم التوفيق في الأدوار المقبلة وعقبال النهائي
|
| الساعة الآن 01:38 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل