|
الله يحيكم على ثــنوة عصـيب
بسم الله الرحمن الرحيم
السلام عيكم ورحمة الله وبركاته فوجيء المسعودي بأحد الشعراء الغير معروفين وبدأ بهذه البيتين : ؟ : ســـــــــلام رديـه من اللي زاركـــم ردة وفـــــــا من هاجس حلو الحليــــب ياهذيل انا ودي بزود أخبــــــــاركم ومن يسمــــع الداعي لزوم إنه يجيـب المسعودي : يامرحبــــا ترحيبة منـــا لــــــــــكم اتداوي المرضان لين إنـــــــــه يطيـــب ياقـــــوم ياللي ماعرفنا داركــــــم نبا نعرف اهــــل الوطن واللي غـــريب ؟ : جدي من أول ثـــم أبويــه جاركم ربعي عتيبه فاللــــقا سقــــــم الحريــب ياهذيــل انا ودي بعرف اسعاركم من هــــو نشد ماضاع لو إنـــــه يغيـب المسعودي : ان كـــان جات صغاركم لكباركم حـــاشا وكلا مــــــــــايضيع إلنا ذهيـب اسعارنا نـــــــــــــــار تلهم ناركم يطيب لك ولا لعله ما يطــــــــــــــــــيب ؟ : ياهذيل وش فيكم علينا وش بكم من يوم قام الذيب يعوي له الذيـــــــب الذيب لا ياكل سمان جفــــــاركم وتصبح بعدها غاشي عارضك شيـــب المسعودي : ماتسمعون الصوت يا صـم يا بـكم (( الله يحييكـم علــى ثنــوة عصيب )) ( الذيب طاير في شعاف ابكاركـم من يوم هي بكــار لين اليوم شيـــب ) ؟ : حصرتكم والله ما فك حصاركـــم (( حتى تخلي الدار وتقفي رعيب )) !!!!!!!!!!!!! ودمتـــــــــــــــــــــ ــــــــم ؛ |
رد: الله يحيكم على ثــنوة عصـيب
[align=center]مشكوووور اخوي خالد
ولاتنسى البيت المكتوب تحت الشطر الذي وضعته عنوان صراحه سم الله يرحمك ياعبدالله ويعوضنا خير[/align] |
رد: الله يحيكم على ثــنوة عصـيب
اقتباس:
واللي عندكم فيهم الخير والبركه عساكم على القوووووه |
رد: الله يحيكم على ثــنوة عصـيب
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=1 align=center use=ex num="0,black"]
اسعارنا نـــــــــــــــار تلهم ناركم =يطيب لك ولا لعله ما يطــــــــــــــــــيب[/poem] الله يرحمك ياعبدالله المسعودي مشكور يا اخ خالد |
رد: الله يحيكم على ثــنوة عصـيب
تسلم يابن ضيف الله والله ما قصرت أتحفتنا بهذه المشاركة
الأكثر من رائعة وأنت الرائع فيها والأروع من ذلك كله عبد الله المسعودي0000 وصح لسانه حينما قال : ( الذيب طاير في شعاف ابكاركـم من يوم هي بكــار لين اليوم شيـــب )[glow=FF3333] مع تحيات / أميـــــــــــــــــــــر 0[/glow] |
رد: الله يحيكم على ثــنوة عصـيب
[align=center] مشكوور خالد على النقل وصح السان الجميع
والله يرحم الشاعر عبدالله المسعودي [/align] |
رد: الله يحيكم على ثــنوة عصـيب
صح لسانك اخوي خالد تشكراتي
|
رد: الله يحيكم على ثــنوة عصـيب
مشكورعلى النقل الرائع وصح لسان المسعودي
ولكن لو ذكرت لنا أسم الشاعر المقابل لعبدالله المسعودي |
رد: الله يحيكم على ثــنوة عصـيب
والله يا بو بسام المحاوره زي منت عارف منقوله من كتاب عبد الله المسعودي اللله يرحمه ولم يذكر اسم الشاعر المقابل ولكن من سياق الكلام يتضح انه عتيبي واحتمال كبير انه ليس من الشعار المعروفين
ودمتم ,,,,, |
رد: الله يحيكم على ثــنوة عصـيب
مشكور اخوي خالد بن ضيف الله
محاوره رائعه و دائماً يكون المرحوم هو المبدع فيها انك كان لديك المزيد فلا تبخل علينا يا أبن العم تحياتي ,,, |
رد: الله يحيكم على ثــنوة عصـيب
[align=center]مشكور اخوي خالد ضيف الله على المحاوره
وانا سمعت من احد الشياب يقول ان الشاعر العتيبي هو الشاعر ناصر ابن سرحان الشيباني العتيبي عندما لعب في ملعبه في الحجاز ولا احد عرفه غار الجبرتي تالي اليل لن الجبرتي يجي بعض المرات لنجد ويعرف ابن سرحان والله اعلم [/align] |
رد: الله يحيكم على ثــنوة عصـيب
رائعة بمعنى الكلمة
|
رد: الله يحيكم على ثــنوة عصـيب
يخبرني أحد كبار السن أنه هذا الشطر يحمل خلفه معنى كبير من التنقيص ولم يخبرني ماهو، الشطر هو : الله يحييكـم علــى ثنــوة عصيب
ودمتم لي بود |
رد: الله يحيكم على ثــنوة عصـيب
[align=center]اشكرك أخوي خالد الله يرحم عبدالله ويغفر له ويعوض هذيل باحسن منه
واشكر الجميع من أخواني واود توضيح قليل من البيت الاخير ماتسمعون الصوت يا صـم يا بـكم (( الله يحييكـم علــى ثنــوة عصيب )) الشطر الأول تمثل في قوله تعالى ليس على الأعمى حرج الآية وقد يعني بها أن الشاعر لم يفهم المعاني الصحيحة ولم يحدد هدف للمحاورة الشعرية الشطر الثاني الثنوة ( يجب أن يعرف الجميع أن القهوة لها طريقة تصنع بها في مجالس الشيوخ وأعيان القبائل وفي كل بيوت هذيل وأحب أن أبسط العملية وهي كالتالي : يوضع إناء تصنع فيه القهوة ثم تسكب القهوة في الدلة ويضاف لها الهيل وتقدم للرجال أما الثنوة فهي بقايا البن التي تبقت في الإناء الأول الذي تغلي فيه القهوة لفترة كبيرة حتى تأخذ مذاقها العربي الأصيل والثنوة عادة لا تشرب لأن صفوة القهوة هي التي تم تقديمها للضيوف في الدلة أما الثنوة وأتمنى أن وضحت قليل من ما اعرفه عن المعاني المبطنة للأبيات البليغة لهذا الشاعر الفذ رحمه الله وما خفي كان أعظم وما يفهمه الشعار أكثر مما يفهمه البسطاء مثلي والمتفرجين وأشكر الجميع[/align] |
| الساعة الآن 02:23 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل