لي طلب
 

أطلب من شعراءنا اكمال هذا البيت بنفس الجوده الى عشرة ابيات
لانني ماستطعت اتي بمثله اوأفضل(ولكم جزيل الشكر)

وهذاهو البيت :

الوم اللي يقول الموت حق ولاحزاله زاد

... والوم اللي يعرف النار ويضلي لها زادي

رد: لي طلب
 

مشكور ياعوض الله على البيت الرائع هذا وهو بيت اتعب الشعراء كيف لونها قصيده.حاولت اكمله ماقدرت ودورت في البوماتي السته ولا لقيت افضل منه ماشاءالله

رد: لي طلب
 

بيت اكثر من رااااائع

وصح لسانك يابو سمار (( هل يتوقف حديث الشعراء !! !! !!

وفأنتظار الشعراء ومشاركتهم واشكرك على هذه الفكره الرائعه

رد: لي طلب
 

ابشر يا عوض الله هذي مشاركتي المتواضعه

وتقبل إحترامي وتقديري


الوم اللي يقول الموت حق ولاحزاله زاد...والوم اللي يعرف النار ويضلي لها زادي
الومه صح لنه غافلٍ عن هآدم الاوتاد...شديد الباس رب الناس من بادي ومن حادي
لانه مع هوا نفسه عن دروب الغوى ما حاد...طمع في حلم ربه واستمر بدرب الالحادي
من اول كان في يسرٍ من امره والامل هداد...مع اصحابٍ غوآةٍ تنكر الداعين والهادي
شياطينه ابد ما غلغلت أو صفدت باصفاد...تسوقه سوق حَمَّاراً لاتانه حادره وادي
مسلم لحيته للجهل والجهال والاوغاد...مورد لَيْ جهنم لا يبا يشرد ولا غادي
يتمنى لو يكون تراب لم يكتب له الميلاد...لانه مامعه زواد .يبا الكَرَّه ويزدادي
يعرف الموت حق ولا حسبها طية الاحآد...وممساه بظلام القبر وحده إبن الاجوادي
بهاك الوقت يلعن با الفضآئيات والارصاد...حياة اللهو واخبار النجوم وموجة الراديي
يجد ما قدمت يده ولا يبخس وهو منقاد... مطيعٍ لامر ربه ما يروغ الدرب منقادي

رد: لي طلب
 

وعليكم السلام ورحمة الله وبركاته،

فكرة جميلة ياعم عوض الله ، جزاك الله خيرا عليها ، وباكورة المشاركات أتت من الشاعر الغزير (أبو جنوب) ، نتمنى لجميع الشعراء مسامرة أدبية ممتعة.

ونأمل منكم يا عم عوض الله أن تخص الموقع ببعض من قصائدك الجزال التي سعدنا بسماعها من شخصك الكريم.

رد: لي طلب
 

رد: لي طلب
 

رد: لي طلب
 

فكره رائعه وشكراً لك أخي عوض الله

أنعم واكرم يابو جنوب .. أنت سباق دائم راعي الأوله

بيض الله وجهك .. ابداع وشاعريه متدفقه لا حدود لها ،،،

رد: لي طلب
 

بيت متكامل عن قصيدة كاملة يعلم الله
بيت حكمه من راس حكيم

صح لسانك وعلا شانك

رد: لي طلب
 

صح لسانك يابو جنوب
رائعة بروعة أبو مشهور لاهنت

رد: لي طلب
 

مساء الخير للجميع

بيت رائع من الشاعر عوض الله بن سمار المطرفي ربما لن يستطيع الشعراء وأنا احدهم

على مجاراتهم بنفس النسق ولكن استأذنكم في المشاركة معكم بهذه الأبيات



[poem=font=",5,black,normal,normal" bkcolor="orange" bkimage="" border="none,4,black" type=1 line=1 align=center use=sp num="0,black""]
بدينا بأسم رب العالمين اللي علينا جاد = إله الكون سبحانه بفضله فوقنا جادي

خلقنا من عدم لعبادته والكل له عُبّاد = من إنس وجن وطيور وزواحف كلنا أعبادي

علينا طاعته فرض ونكون عن الذنوب بعاد = قريبين الهُدى وعن المعاصي دائم إبعادي

نهارِِ ينقضي من عمرنا لاشك ماينعاد = ياكم يوم انقضى من عمرنا ماهو بمنعادي

جميع الخلق تفنى والليالي كل يوم إجداد = يموتون البشر وما الليالي دائم إجدادي

ياكم من صاحبٍ في الأرض صكت دونه الألحاد = قديماً بيننا واليوم صكت بيننا الحادي

الاياعاقل تبغى الغنيمة واصل الأرشاد = ليا شفت إلك مسلم في خطأ مطلوب الأرشادي

أنا مما تشوف العين في المصدار والميراد = أخذت من الزمن عبرة لمصداري وميرادي

وعرفت إن العمل للأخرة خيراً من المقعاد = عن فروض الكريم اللي كتبها ماش مقعادي

تذكر يوم ماينفعك كثر المال والأولاد = نهار ماتفيدك كثرة اموالك والأولادي

وتذكر جنةٍ مايلحقك فيها تعب وأجهاد = لكن النار مسكنها تعب وأرهاق وأجهادي

الوم اللي يعرف الموت حق وماحزاله زاد = وألوم اللي يعرف النار ويضلي لها زادي[/poem]

رد: لي طلب
 

الشاعر الكبير / عوض الله بن سمار المطرفي الهذلي

شعرك مجيد .. ووجودك بيننا شرف ..

فأنت من شعراء هذيل الكبار الذين لهم تاريخ شعري مشرف

كان من عمالقة شعر المحاوره فأتجه للشعر الدعوه والارشاد فجاء بالدرر

فحيا هلا يابو سمار

بين ربعك واخوانك ,,

اما طلبك على العين والراس .. لكن نشوف ان الربع ماقصروا بمشاركتهم

رد: لي طلب
 

حيا الله شاعرنا القدير عوض الله يامرحبا


وبيت جميل ومجاراة جميل من شاعرنا أبو مشهور، وصالح


صحت السنتكم جميعا، وبأنتظار القادم


تحية طيبة

رد: لي طلب
 

قوآكم آلله

رد: لي طلب
 

اشكر