|
اليوم ست ونت
اضع بين ايديكم هذه القصيده اتمنى ان تنال اعجابكم يالصاحب الغالي ويا عز الاخون انت الخوي اللي يشرف خويه وش فيك متضايق ووش فيك طفشان تعال ابا اقهويك من شاذليه فنجالها يجذب لنا كل صلفان والجار والضيف المسير عليه وريض وريح واجعل الهم نسيان ماخلقت الدنيا في صبح وعشيه اعرفك تبغا ديرتن جالها ازمان ماشفتها ولا رحت ذيك النحيه الله سقاها من هماليل الامزان وجاك الخبر عنها وشبيت فيه في ما مضى فاضي عزوبي وعشقان واليا بغيت القنص رحنا سويه قلتلك هيا ياالخوي وين ماكان انا خويك ليل ولا ضحويه دق السوتش ووجه الجيب عجلان يم الديار اللي لها قابليه يرتاح بالك يوم اقوللك يافلان ديرتك بعد نعدي القوبعيه نفرق عن الخط مع بطاحي وريعان ودربن طويل وسكتن سرمديه والهاتف الجوال ماله ولا شان تلاشت ابراجن منول قويه معنا الشريف حسين واصحاب عتبان وانت هذلي من ربعنا اهل الحميه في ديرة هذيل الكرم ذرب الايمان وليا لفاهم ضيف ياحي حيه شفت الحجل شفت القهد شفت وبران شفت الارانب شفت درب المطيه الصيد حاصل لوهو من غير نيشان بس انت تعرف تمسك البندقيه شفت الحيا اللي تنبهر منه الاعيان ودلال جنب النار والنار حيه وان كان بعض الناس شفه فلبنان ويطرب لصوت العود والسمسميه شفي انا للبر وللقنص ولهان شفي كما شفك في هذي وذيه لاكن زمانن راح ماهو كما الان والوقت مايصفى لكل البريه اليوم نت وست واثنين ورعان ومشاغل الوقت اشغلتنا شويه وملزوم اداوم كل يومن ونشطان مع اليمانيه وخط الحويه وليا حضرت الفجر يقلون ميدان وحصه ورى حصه ونشبه واذيه واليا تأخرنا على صاحب الفان ذاك الرقيب اللي يصف السريه ايقولي ارحب ياهلا بكل ذيبان في الشمس لازم حصتن داخليه وان جيت افكر في السفر مع كحيلان لأم العيال احس انا جاذبيه لاكن ريح واجعل الهم نسيان وسير عليه واشرب الشاذليه وسلامتكم اخوكم / وصل الله عيضه العقيلي |
رد: اليوم ست ونت
مشاء الله عليك ياوصل الله
قصيده رائعه ما خليت شي ما تطرقت له .. لله درك ياشيخ اسلوب وشاعريه فذه لا عدمناك تقبل ودي قبل ردي ،،،، |
رد: اليوم ست ونت
أي والله ما لها إلا الشاذلية هههههههههه
صح لسانك يا ولد عمي وبيض الله وجهك تقبل مروري وتقديري ،،، |
رد: اليوم ست ونت
الله
الله الله صح السانك وعتلا شانك ولا هنت قصيدة صادره من صدر رجالٍ يعتبر قاموس في علوم الرجال اللي تنومس من يخاويه والله والنعم. يصعب انتقاء بيت من بين ابيات هذه الباسقة فعلاا. وتقبل احترامي وتقديري |
رد: اليوم ست ونت
صح لسانك اخي الكريم وصل الله العقيلي على هذه الأبيات التي اشتملت على الجزالة والطرافة والتناسق خالص التحية |
رد: اليوم ست ونت
اعرفك تبغا ديرتن جالها ازمان
ماشفتها ولا رحت ذيك النحيه الله سقاها من هماليل الامزان وجاك الخبر عنها وشبيت فيه في ما مضى فاضي عزوبي وعشقان واليا بغيت القنص رحنا سويه ههههه وابوك يالدنيااااا هذا بلا ابوك ياعقاب صح السانك وسلم بنانك قصيده عالجة الموضوع بأسلوب فكاهي رائع |
رد: اليوم ست ونت
ماشاء الله
جميلة يا وصل الله جميلة صح لسانك لين ترضى، جزلة وفيها فكاهه وطرفه، واريحية ننتظرك تحية طيبة |
رد: اليوم ست ونت
صح لسانك اخوي وصل الله
قصيدة جميلة تقبل ودي قبل ردي |
رد: اليوم ست ونت
يسعد صباح الشعر ومساهـ
صح لسانك يا رائع أبيات فيها من الجمال ما يسد رمق الذائقة صح نبضك يا شعر |
رد: اليوم ست ونت
آتمنى من المشرفين حـذف هذآ الرد لآنه تكرر
|
رد: اليوم ست ونت
اخوي عقيلي بيض الله وجهك وصح لسانك
للقصيدة دلالاات توازي جمال القصيدة من اهمها علوم الرجال والقنص والوفاء للصاحب واكرام الضيف وغيرها من النومسة الهذلية الجميل والجميل جدا سهولة وسلاسة القصيدة مما جعل للقصيدة صدى في اذن السامع ووضوح في عين القاري جميل ماكتبته اخوي عقيلي تقبل مروري واطلاعي جل احترامي |
رد: اليوم ست ونت
صح لسانك وعلا شانك
قصيدة رائعه اشكرك |
رد: اليوم ست ونت
الله الله صح لسانك واعتلا شانك
بيض الله وجهك يالذيب على هذا الابداع وصل الله العقيلي ننتظر جديدك تقبل مروري بهذا المتصفح الشامخ |
رد: اليوم ست ونت
شاعر مبدع بكل ماتحوي الكلمه من معنى
يكتب عن الجمااااااااااااااااال فيجيد وبقوه ويرسم ابداعاته يحبك القصيد بعناوين التألق يجعلنا متشوقين لشعره دوماً صح لسانك ياوصل الله ابدعت في هذه الشامخه لله درك اعطر التحايا |
رد: اليوم ست ونت
صح لسانك يا وصل جميل هذا الشعر الراقي و التسلسل الجميل ... أكثر من فكرة في قصيدة واحدة لله درك أطيب التحايا |
| الساعة الآن 06:02 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل