|
رجز ابو ملاذ وفتى الحجاز
السلام عليكم ورحمة الله وبركاته هذه دارة رجز بيني وبين الشاعر ابو ملاذ الكعبي وكانت على شريط الاهداءت ونقلتها لكم بعد طلب عمنا الغالي ابو حمدان وكانت فكره ممتازه 7 7 7 7 7 فتى الحجاز يابو ملاذ اثرك جاري#اسنين عدت مانت داري#مير المصيبه بعد تعلم#اشره على ربعك وازاري ابو ملاذ امر القدر حاصل وجاري..خلا ديارك جنب داري..لكنْ تهرّب وانت تعلم..بوابة القصر الوزاري فتى الحجاز ماتعذرك بعض الطواري#من بعد ماشبيت ناري#اثرك طول العمر تحلم#ابسلفة البنك العقاري ابو ملاذ النار لو تحرق شجاري..لن ماقدحها زند واري..ماولعت بالليل الاظلم..حتى تهب الها الذواري فتى الحجاز يقطعك يابعض الهذاري#ياذيب ياراعي الغداري#مره تصاد ومره تسلم#تسري وغيرك ذيب ساري وتم تغيير القافيه هنا 7 7 7 ابو ملاذ سلام في مطلع كلامي..واعطي فتى ربعه ونصه..واللي تبقـّى مايخصه ..منقوش في ريش الحمامي فتى الحجاز يامرحبا وان كنت ضامي#خذ لك من الما نص مصه#قدام لا تلحقك غصه#واقول جعلك للرحامي ابو ملاذ ياصاحبي الموضوع سامي..خله محله في المنصه..وليا خذلك الفكروصه..حتى يجنبك الملامي فتى الحجاز ماقلت لك شيً حرامي#ان جبت خاتم هاك فصه#حتى يجي للبيع حصه#في سوق مبعدةالمرامي ابو ملاذ ان كان حليت الحِـرامي..قرب شعرراسك نقصه..وليا بغيتَ اكتبك قصه..حدد لنا موعد نظامي فتى الحجاز موعدك في يوم الزحامي#اتشوف روس الخلق رصه#على لحدك انحط جصه#وتصيرعبره للانامي ثم تم تغيير القافيه مره اخرى ابو ملاذ القاف لايبطي علينا..شي ناس غيرك تنتظرنا..وحنا على الموعد حضرنا..والسلم والم في يدينا فتي الحجاز القاف ميقافه ثمينا#واقول لك وجهة نظرنا#حنا على قلبك نظرنا#والياه مايلهي فطينا ابو ملاذ مانته بداري وش لقينا..حنا على قلبك عثرنا..لكن فتحناه او سبرنا..بسمله ماشالله مكينا فتى الحجاز ان كان للمعقول جينا#مغرفك ماينقص بحرنا#واليا انكسر عظمك جبرنا#وتصيرمكتوف اليدينا ابو ملاذ الحمد لـ الله مابدينا..حتى بديتم في ديرنا..واجبرتمونا وانتصرنا..بسلاحنا دنيا ودينا تقبلوا تحياتي فتى الحجاز |
رد: رجز ابو ملاذ وفتى الحجاز
صح لسانك يافتى الحجاز
صح لسانك يابو ملاذ ابداع ولااروع اطيب التحايا |
رد: رجز ابو ملاذ وفتى الحجاز
فتى الحجاز
ابو ملاذ صحت السنتكم ورجز رائع .. ننتظر الجديد تقديري ،،، |
رد: رجز ابو ملاذ وفتى الحجاز
وش اقول ووش اخلي
وربي ابداع منك يابومطرف ومنك يابوملاذ عزالله شعار ولايبيلكم شهاده اصلا ونبي منكم قاف وانا متأكد انه راح يكون قاف لايوصف ابدا تقبلو تحياتي |
رد: رجز ابو ملاذ وفتى الحجاز
صحت السنتكم.. وبيض الله وجيهكم.. . . لكم احترااامي |
رد: رجز ابو ملاذ وفتى الحجاز
اقتباس:
بس هذا نوع من الرجز الضاهر اسمه ع السريع يعني وحده بدون وليفه ههههههههههه صحة السنتكم |
رد: رجز ابو ملاذ وفتى الحجاز
بيض الله وجيهكم رجز جميل واصلوا الابــداع إمضـــاء من نور |
رد: رجز ابو ملاذ وفتى الحجاز
الله اكبر عليكم
ابدعتوبلحقيقه ويعطيكم العافيه وتحــــــــــــــــــــــ ــــــياتــــــــــــــــ ــــــــــي |
رد: رجز ابو ملاذ وفتى الحجاز
هذا الرجز كان بشريط الاهداءات .. طبعا رجز ع السريع كما قال الحميا لانه بدون وليفهههه والبدايه كانت من اخي فتى الحجاز وكانت بدايه مفااجئه 7 7 7 7 7 7 اقتباس:
شكرا لك اخي .. فتى الحجاز ابداع رائع وحفظ وتوثيق جميل من سموك شكرا لجميع من مر من هنا |
رد: رجز ابو ملاذ وفتى الحجاز
اقتباس:
|
رد: رجز ابو ملاذ وفتى الحجاز
صح لسان فتى الحجاز
وصح لسان ابو ملاذ غاية المتعة الله يعطيكم العافية وتقبلو تحيات السيف الرهيف |
رد: رجز ابو ملاذ وفتى الحجاز
صح لسانك فتى الحجاز
و صح لسان ابو ملاذ أبدعتم |
رد: رجز ابو ملاذ وفتى الحجاز
وعليكم السلام ورحمة الله وبركاته
عز الله أقديت يافتى الحجاز حينما جمعت الرجز ليكون في موضوع واحد بصراحة رجز كاااااايف ...صحت الألسن ياربعي وعصابة راسي . |
رد: رجز ابو ملاذ وفتى الحجاز
اقتباس:
صح بدنك ياصالح الكعبي ويعطيك العافيه على مرورك العطر |
رد: رجز ابو ملاذ وفتى الحجاز
اقتباس:
|
| الساعة الآن 08:11 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل