حذَافة المقفي
 

اقدم لكم هذه القصيده المتواضعه عسى ان تنال استحسانكم وان ترقى الى ذائقتكم الشعريه..

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياما على الادنين طولت بالي = واسعى لهم بالطيب حشمه وتقدير

وارخصت في مقدارهم كل غالي = وعز الله اني ما حسبت المخاسير

وان شفت علماً من طرفهم بدالي = عذرتهم لو ما تسد المعاذير

واخلص من العيَات واحمى سبالي = ولي شيمةً مابعتها بالدنانير

واهل الردى ما احطهم راس مالي = حيث ان والله ماورى اهل الردى خير

واقدر الطيب على كل حالي = اللي يعرف الوارده والمصادير

وانزل معه للحق واطرح عقالي = وارضى بحكم اهل الوجيه المسافير

وان صابني له حق ياهم لالي = سديت باب المشكله دون تقصير

واليا ثبت لي حق عند الرجالي = اخذت حقي من خشوم المناعير

ولا قفيت لي بريال ماهو ريالي = وحبلي يوردني على جمة البير

ولامشي دروب الخايبين السفالي = حذَافه المقفي طوال الدناقير

اللي يحبون القشر و الجدالي = وتسيِر اللي عايبه مالها سير

وصلاة ربي عد وبل الخيالي = على نبياً حذَر الناس تحذير[/poem]

رد: حذَافة المقفي
 

اللهم صلي على نبينا محمد

الله الله قصيده اجمل من الجمال نفسه
كلها ابداع
وقفت هنا كثيرا

واخلص من العيَات واحمـى سبالـي

ولـي شيمـةً مابعتهـا بالدنانـيـر

والله انك كفو لاهنت

رد: حذَافة المقفي
 

الله الله

إبدااااع وجزالة غير مستغربة

صح لسانك

رد: حذَافة المقفي
 

رد: حذَافة المقفي
 

الرجا من المشرفين الكرام تعديل الشطر الاول من البيت العاشر باضافة حرفي اللام والياء حيث كان هناك
خطا املائى حتى يستقيم البيت على هذا الوزن =ولاقفيت لي بريال ماهو ريالي

مع الشكر والتقدير

رد: حذَافة المقفي
 

رد: حذَافة المقفي
 

كنوز لم يظهر الكثير منها وهذه احداها

ومازلنا نطالب شاعرنا مطر بالحضور الدائم

لحن الجروح وصفاء الروح مفردات تحمل الجمال والثقافه

حررت المشاعر بطريقه مقننه وراااااائعه

صح لسانك مدد بلا عدد


اعطر التحايا

رد: حذَافة المقفي
 

صادق والله

صح لسانك يابن العم وبيض الله وجهك

جزاله معهوده من شاعر جزل

رد: حذَافة المقفي
 

كفووووو والله يابن العم
قصيدة كلها رجولة وعلوم غانمه
شامخه بشموخ مطر الهذلي
بيض الله وجهك وصح لسانك وعلا شانك

رد: حذَافة المقفي
 

صح السانك واعتلا شانك ولاهنت

حكم من راس حكيم . قمةفي الايثار والإباء والانفة اللتي قل ان تجد من يحوز عليها في هذا الوقت لله درك يبن العم.

وتقبل إحترامي وتقديري

رد: حذَافة المقفي
 

رد: حذَافة المقفي
 

لله درك أيها الهذلي النبيل قصيدة تكتب بمداد الذهب لما تحتويه من عزة نفس ومكارم أخلاق ومروءة ونبل وجزالة.


تحياتي وتقديري والنعم بحالك يا ولد العم ،،،

رد: حذَافة المقفي
 

صح لسانك وبيض الله وجهك


وافيه من راس وافي

تقبل مروري

رد: حذَافة المقفي
 

مـــــطر الشـــــــــعر

ونعم بك ياحر

انا اشهد يامطر

انت عمله نادره

شعر ورجـــــــــوله

الله يبيض وجهك

رد: حذَافة المقفي
 

ما عليك زود يا خالد الله لايهينك