::{ مجالس قبيلة هذيل }:: موقع يهتم بتراث القبيلة ومفاخرها

بسم الله الرحمن الرحيم
اخواني واخواتي اعضاء مج ـآلس آهذيل آلشآمخ ـه
بعد التحيه
اضع بين ايديكم هذه الابيات واتمنى ان ترتقي لذائقتكم
للشآع ـر/بندر آلذويبي
آبيآت رآقت لي بآلح ـيل خصوصآ آنهآ تح ـتسي ع ـن آلآمطآر وكلمآتهآ آبدويه

يالله بنوء من مناشيه همال=سحبه ترازم والبروق اسبقتها
يأخذ شهر مزنه على الارض ينهال=يسقى الثرى حتى يندي تحتها
ينبت لنا المولى من الوان واشكال=ويضفي على زينه بزود بركتها
يعم خيره نجد وتزين الاحوال=والابل شباع وكل نبته رعتها
وراعي الحلال من الطرب جر موال=من يوم زانت بالربيع اوبرتها
عقب الجفاف اللي برا المال والحال=والارض حمراء تقتلب بغبرتها
وفيه الحلال من الدهر جرد وهزال=مابه ربيع وكل ديره نفتها
وراعي الشعير اقسى ويبحث وراء المال=ماهمته قطعان بدو اجهدتها
لكن ترا الله رحمته فوق الاقوال=يسقى الثرى وتزين فيه نبتتها
وانا غرامي بالضحى حكر فنجال=في وسط فيضه مستظل اشجرتها
وريح الخزامى علاج قلبي وبالحال=يشفى جروحن والصدور احتوتها
وطاسة حليب تعدل الراس لامال=مع تمرة نخل الحساء مطلعتها
ومعي نشامى تبعد القيل والقال=يوم الخبول اقوالها ماحمتها
صفوه رجال العرف ماهم بجهال=عن مايثير الشك ماابعد جهتها
وابعد همومي واقتطع سلك الارسال=وعن الرياض ابعد وازيح اكدرتها
ومالي مع جيلي من اليوم منزال=ناس عوايدها الحضاره محتها
وبلاك بيري صار حرفه للاطفال=ومع الشوش زادو مرضها تحتها
والثوب طش وبدلو لبس الاجيال=واعلومهم زادت وحالي برتها
وياليت والله يعتدل جيل محتال=ونعيش كالماضي واذوق اثمرتها
هذا الوناسه يوم تقدر وتنطال=يمكن هواي احلامهم فاختتها
والله تحمي المملكه شر الاهوال=ياعالم في فالناس لوهي خفتها
وصلاه ربي عد مايظهر هلال=على الرسول اقول هي خاتمتها

وسلآمتكم :in_love: