|
هل التبت !!!
حياكم الله أخواني وأعزائي في هذا الصرح الشامخ...........
قصيدة أقدمها لكم ............وأرجو ألا تفهموني غلط .فوالله لم أتقصد أحد ولا تنسى التنسيق يا عماد الله لا يهينك يا شينها من ليلةٍ ليلة السبت ...........................وقت الدوام الله يا ذلّة القوت \\ هم ليا داومت والموت لن غبت ...........................(والموت هين والبلا وش ورا الموت) \\ كني مثل ظامي وتايه مع الخبت ...........................حزة وصل للماي قد فاته الفوت \\ وان جا الربوع انزاحت العلة وطبت ..........................ما كني الا هازم اجيوش جالوت \\ يصحى الموظف ومتعوّذ من الجبت .........................ويسرح على شغله بشاهي وبسكوت \\ والعسكري لا هنت يا هيه لا خبت ..........................مفروش له دربه زمرد وياقوت \\ الا أنا مخطي يقولون وان صبت .........................وحامض كلامي لو هواحلى من التوت \\ لاني معلم ما يهم لو تغربت ..........................والناس لا جا الصيف ما تلبس الكوت \\ ولاني معلم ما يهم لو تعذبت ..........................المدرسة لي قبر والفصل تابوت \\ ما كني الا عايشٍ مع هل التبت ...........................قسيس فاجر يحكم ارضه بريموت \\ والا ف بحرٍ من براده تصلبت ...........................والعالم المائي تحت راية الحوت \\ يامر وينهى ظلم بسياسة الكبت ...........................حاضر وغايب يقمع الصوت بالصوت \\ ياصاحبي من غيرنا يسقي النبت؟ ...........................من قبل لا تاطاه الاقدام ويموت \\ ومهما علينا فالدعاوي تغلبت ..........................تبطي ولا تخرج من العلم بسكوت وسلامتكم ............ |
رد: هل التبت !!!
صح لسانك وبيض الله وجهك
وافيه من راس وافي الشعيفي ابدعت بهذا النص الفاخر تقبل مرور |
رد: هل التبت !!!
يا شينها من ليلةٍ ليلة السبت
...........................وقت الدوام الله يا ذلّة القوت هم ليا داومت والموت لن غبت ...........................(والموت هين والبلا وش ورا الموت) صحححححححح لسانك يالشعيفي.. هاذي البيتين انا أولى بها منك .. صورت معاناتي قبل معاناتك... لكن هونها وهي تهون... |
رد: هل التبت !!!
صح اللسانك
..................... لاهنت ياخوي ..................... راقت اللى كثيرآ |
رد: هل التبت !!!
اقتباس:
ووجهك أبيض وانت راعي الوفا والطيب تحية طيبة |
رد: هل التبت !!!
اقتباس:
الشعيفي صح لسانك وعلا شانك ياصاحبي من غيرنا يسقي النبت؟ ...........................من قبل لا تاطاه الاقدام ويموت خطير ومهما علينا فالدعاوي تغلبت ..........................تبطي ولا تخرج من العلم بسكوت اشد خطوره شكرالك على هكذا حرفنه |
رد: هل التبت !!!
صح لسانك يا الشعيفي وسلمت يمينك قصيده رائعه والعسكري لا هنت يا هيه لا خبت ..........................مفروش له دربه زمرد وياقوت والله ان العسكر ماكلين هوى لو يجيك بعض ما يجينا كان رددت الله انه لا يعيد العسكريه .والزمان اللي على البدله حداني صح فكرك يابن العم والجزله لا تأتي الا من صاحب الجزاله تقبل مروري |
رد: هل التبت !!!
صح لسانك يابو مشعف
قصيده رووووووووووووووووووعه:bye1: |
رد: هل التبت !!!
ماشاء الله تبارك الله
جميلة يالشعيفي جميلة، ولعل قوافي "ووت" لها رونقها.. أحساس جميل ومعاني لطيفة، وحرفنة أستاذ لاشك خمس نجوم والتنسيق لعيونك "يدوي" تحية طيبة |
رد: هل التبت !!!
اقتباس:
وتفداك القصيدة كلها وأنا أخوك وترى الشعور متبادل في المعاناة عموما مرورك شرف لي طال عمرك شكرا لك |
رد: هل التبت !!!
يا شينها من ليلةٍ ليلة السبت ............وقت الدوام الله يا ذلّة القوت الله الله صح لسانك يا الشعيفي شاعر مبدع و أكثر ما على الدنيا مستريح الله يكون بالعون سجل اعجابي |
رد: هل التبت !!!
صح لسااانكـ يالشعيفي.. وابيض وجه.. . . احترااااامي |
رد: هل التبت !!!
يا شينها من ليلةٍ ليلة السبت
...........................وقت الدوام الله يا ذلّة القوت \\ هم ليا داومت والموت لن غبت ...........................(والموت هين والبلا وش ورا الموت) آي وآلله يآشينهآ يآشينهآ منن مع ـآنآة هههههههههعععععععععع صح الله السانك وآعتلآ شآنك فيض ودي~ \ |
رد: هل التبت !!!
الغالي الشعيفي
صح لسانك مدد على هذه الشامخه الباسقه ... الله يوفقك |
رد: هل التبت !!!
الله عليك
جمالها انها واقعيه وقوافي مميزه لك التحايا يامبدع |
| الساعة الآن 06:05 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل