::{ مجالس قبيلة هذيل }:: موقع يهتم بتراث القبيلة ومفاخرها - والأصمعي منه تعلم منه حاز العلم حازحدايه

- مجلس الألوان الشعبـيــــــة (https://hothle.com/vb/forumdisplay.php?f=30)

- - والأصمعي منه تعلم منه حاز العلم حازحدايه (https://hothle.com/vb/showthread.php?t=43930)

والأصمعي منه تعلم منه حاز العلم حازحدايه

السلام عليكم ورحمة الله وبركاته
حياكم الله ياأخوان وأسعد الله أوقاتكم بكل خير يسرني أن أنقل لكم هذه الحدايه وفالكم التوفيق

حداية قبيلة سليم

سلام تسليم الخيال اللي مخيل بارتكاز
يدري به اللي في ضواحي نجد واللي في الحجاز
برقه يسر الناظرين و كل ماله في عزاز
يفرح به المسني ليا صابه و حالفه النصيب

والثانية جانا خبر من شخص ما هو من جهاز
إن الأديب الأصمعي منكم تعلم بامتياز
و الأصمعي مدرك فنون الشعر في وقته و فاز
واللي يورد حجته من لا دليل أمره عجيب

واسألكم عن بنت طول العمر رهن الإحتجاز
مبني لها محراب داخل حصن من دونه ركاز
محرابها بنيه حديد و حصنها بنيه قزاز
و مقفلة ببيان مبناها عن الضيف الغريب

والرد من قبيلة هذيل

يا مرحبا ترحيبة تثبت ولا فيها هزاز
رحب يجوز وكل ما قلنا يجوز العلم جاز
من ربعة يشهد لها التاريخ تفخر باعتزاز
من سابق الأيام فالماضي و حاضرنا القريب

والثانية جاك الخبر و الحق ما عنه انحياز
ومن يجهل التاريخ ينشد عن عكاظ و ذا المجاز
والأصمعي منه تعلم منه حاز العلم حاز
وحجة لها برهان ما تخفى على القلب اللبيب

ياللي تقول اللغز ما يخفى لو إن العلم تاز
اللغز حله سهل ما هو صعب من هاك الطراز
ما قصها قصاص أثر حيث إن مبناها هزاز
حيث إنها جرة نبي الله براهيم الحبيب

لكم أجمل تحيه