|
ثلاثة أبواب
من روائع حسين النجيبي ( الموشى ) ولا يا الله طلبتك وأنت اللي تسمع الطلاَب تفك لها ثلاثة أبواب من عندك وترظيني أقول الأولة الجيب خالي والزمن غلاب وأنا طالبك سترة حال وعن العيب تحميني ونور لي دروبي وأنت اللي تبعد الأسباب وتنصرني على قوم الحسد قدام ترميني أنا أفكر وأحسب وأنت ما غيرك ولا حساب وعلى الدرب الصحيح تدلني ماأنت مغويني وجنبني عن الأنذال قوم الهرج في الأقراب وأنا راضي بحكمك لي طريق الخير تهديني وأنا معروف عند هذيل لا مذنب ولا نصاب وهذي من مصادر كاذبة والوقت مبريني وأنا لو بكشف الأسرار بعض الناس تبي ترتاب عرب فيهم مرض معدي ولكن ماهو معديني وأنا رجال أحب الستر لا نافق ولا كذاب ولا هو مهمني رمي القفى والرمي يخطيني |
رد: ثلاثة أبواب
الله الله قصيدة فيها من الحكمة الشيء الجميل صح لسان حسين النجيبي و هو شاعر معروف و جزل و بيض الله وجهك يا بن مسيفر على ما اتحفتنا به شكرا لك |
رد: ثلاثة أبواب
بيض الله وجهك يابن مسيفر على النقل الرائع
وصح لسان الشاعر حسين النجيبي ابيات رائعه تحياتي |
رد: ثلاثة أبواب
الله يبيض وجهك يابن مسيفر على هذه القصيده وصح لسان قايلها استمتعت بقرائتها دمت بود |
رد: ثلاثة أبواب
اقتباس:
مشكور يابن مسيفر على اختيار هذه الدره (عرب فيهم مرض معدي ولكن ماهو معديني ) قمه (وأنا رجال أحب الستر لا نافق ولا كذاب ) الله الله الله يسترك ويبيض وجهك صفات ومزايا لا يتمناها الى الرجال امثالك |
رد: ثلاثة أبواب
يشرفني مروووووووور الجميع عز الرفيق بن عادي عقيلي من هذيل الحميا احترامي وتقديري لكم |
رد: ثلاثة أبواب
وجنبني عن الأنذال قوم الهرج في الأقراب
وأنا راضي بحكمك لي طريق الخير تهديني , اختيار مميز اشكرك عليه يا ابن مسيفر لك احترامي |
رد: ثلاثة أبواب
بن مسيفر.. بيض الله وجهكـ ووجه الموشى.. شاعر كبير ومعرووف.. وصح لسااانه.. . . شكرا على النقل الاكثر من رائع.. . . احترااامي |
رد: ثلاثة أبواب
صح لسان الموشى
درر وحكم وأبيات جميلة بن مسيفر ألف شكر وبيض الله وجهك |
| الساعة الآن 02:37 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل