دارت رحايا الوقت والوقت غدار=
وانا بليا غدر وحالي شقاوي
دارت وشبت في جوف الحشا نار=
وعجزت لاالقالي طبيب يداوي
ماشي بهالدنيا وكن ليلي انهار=
انا وهم لي فدربي مخاوي
ذيب ولازلت لكن الوقت بي جار=
وذا الوقت غدار مايرحم وياوي
حبيب قلبي زاح من دربي وطار=
وغيابه امطر فوق راسي بلاوي
اللي بشوفته كنت اكحل الانظار=
ماعاد اشوفه في دروب الملاوي
الحب من زوده في خافقي احتار=
قلبي ورحي كلها له فداوي
يازين ثمن وقدر كل ماصار=
وقدر خفوق(ن)من الافراح خاوي
يالله رده لي يارب ياستار=
وهون خفوق(ن)على الموت ناوي
واجعل رحايا الوقت من حبنا تغار=
وتعجز ولاتطحن من الحب هقاوي

صح لسانك يا المطرفي

أبيات تنم عن روح شاعرة

يبي لك تركز على الوزن

و في انتظار القادم الأجمل بحول الله

أطيب التحايا