|
قصيدة الرجال خيول حصريا اقرأ واحكم
حنا الرجال خيول والعقول لجامنا تردنا عن دروب افعال(ن) رديات وزلاتنا اللي تصير هي كبواتنا والخيول الاصايل نوادر زلات نصهل لاشفنا الخطا بعالي اصواتنا وللحق نسعا ونسابق الخطوات من لفانا يبشر بصافي نياتنا وعدونا تهل عليه مزون آهات يالله عوضنا عن كل مافاتنا واللي فات مابترده حسوفات عشقنا والعشق هو سبة لوعاتنا كتب لنا قدام العيون حسرات قلت له لااحتجتنا يازين نادنا نجيك وماتردنا طوال المسافات لكن رياح كبرك انزعت اوتادنا وطاح عامود حبك وهدم لي الذات واعدتني وقلت بنثبت امجادنا ونمشي ممشا القلوب العفيفات ويطيب ترحالنا ونزهب زادنا ونواجه صروف اقدار(ن) ثقيلات جينا قبل ساعه من وقت ميعادنا قادتني اللهفه واشواق(ن) قويات وانت رميت الوعد ياكل مرادنا واغرقتنا في بحور هم(ن) عميقات لاتقول جمالك يكفي عن ملاقاتنا وان خطاي في سماحك سريعات والله لصد لو في الصده مماتنا وانساك لو عمري يصير ويلات دام حبيناك بوفا والوفا مافادنا اليوم بننهي معك كل العلاقات ونزيل محبتك من داخل اعماقنا واحرق مابقى فيني من ذكريات يالله قوي العزايم وثبت اقدامنا وابعدنا ياربي عن درب الخطيات والرحمه يارحمن اجعلها قدامنا وادخلنا الجنه ياخالق السماوات |
رد: قصيدة الرجال خيول حصريا اقرأ واحكم
اقتباس:
ارجو تقبل راي بصدر رحب |
رد: قصيدة الرجال خيول حصريا اقرأ واحكم
شكرا على مرورك
|
رد: قصيدة الرجال خيول حصريا اقرأ واحكم
اخي المطرفي انت طلبت الحكم .. وعند الحكم لابد من تحري المصداقيه القصيده كما قاالت الاخت رعشة هدب التي احييها من هذا المنبر لغيرتها ع الشعر وقوول الحقيقه فالحقيقه لاتزعل عندك اختلال اخي بالوزن .. ولكن بادره طيبه من سموك ومحاوله جميله منك فكل طائر قبل ان يطير لابد ان يحاول يتعثر ثم ينطلق لديك افكار جميله توحي بتحليقك في سمااء الشعر .. ولكن حاول مجالسة شعرااء حقيقين وتقبل النقد تفلح شكرا لك اخي لك ودادي |
رد: قصيدة الرجال خيول حصريا اقرأ واحكم
احترامي وتقديري يارحيمي ياشلياني القصيده تحتاج الى وزن كما افاد الأخوه الاعزاء ولكن الموهبه موجوده
مع تمنياتنا لكم بالتوفيق وحاول ولا تتوقف ونحن في انتظار قصيده احلى شكرا0 |
رد: قصيدة الرجال خيول حصريا اقرأ واحكم
مساك الله بالخير ..شلياني....القصيده وانا اخوك الوزن فيها معدوم.صراحه ...لكن مره ومرتين وثلاث واانا اخوك الين تضبطها صح ثم تمسك المسار الصحيح...وانا مع كلام الاخ ابو ملاذ...
شلياني الصراحه راحه ...وتقبلها مني ونا اخوك بكل صدر رحب |
| الساعة الآن 06:03 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل