محاولة ولا نستغني من التوجيه
 

هذه محاولة ارجو من الشعراء الافاضل التوجيه

ياطرفي الغافي على ضفاف الاحزان
مانبهك هدير جرحك وتعذيبه
وياخافقا شب به لاهوب بركان
تتبع سراب الحب وراضي به
مابين صكات الاقدار هيمان
تطرب على اوتار همك وتسري به
ياخافقي مقوا على الصبر تعبان
مقوا على الحب مقوا لواهيبه
اطيب له مره ومرات وجعان
كني صويبا اتعب الطب تطبيبه
مانام لي طرفا على الدوم سهران
بس اناجي صورته في مغيبه
واطوف بين الملا من شاف ايمان
من شاف ام العيون الرهيبه
اللي هواها شب بالقلب نيران
واللي عيوني من بكاها عطيبه
ياخافقي دونك لا عاد تنهان
بسك تهين الحر بسك تعيبه
انا عزوتي من نسل ابن عجلان
اللي تبي يمناه غصبا تجيبه

وسلاااااااااااااااااااااا ااااااااااااااااامتكم

رد: محاولة ولا نستغني من التوجيه
 

محاوله جيده واستمر الى الامام :110:

رد: محاولة ولا نستغني من التوجيه
 

شاكر لك مرورك اخوي غليص
واتمنى من الشعراء المرور وابداء الملاحظات


تحياتي للجميع

رد: محاولة ولا نستغني من التوجيه
 

رد: محاولة ولا نستغني من التوجيه
 

الله يوفق الجميع

اشكر مرورك اخوي هذلي ذايع الصيت ولكن كنت اتمنى ان توضح الابيات المكسوره وكيفية وزنها وشكرا جزيلا لك

رد: محاولة ولا نستغني من التوجيه
 

اخوي الصقر الهذلي

صح الله لسانك

شي طيب انك تعرض قصيدتك للنقد

هذا الشيء راح يعود عليك بالنفع إنشاء الله

وحبيت ابدي رأي في قصيدتك فأرجو إن تتقبل مني النقد .

أولا : القصيدة ترتكز على ثلاث ركائز مهمة وهي القافية والوزن والفكرة .

بالنسبة للقافية : أنت اعتمدت قافية ( ان ) للصدر وقافية ( ايبه ) للعجز والتزمت بها في كل القصيدة وهذا من الايجابيات في قصيدتك.

وبالنسبة للوزن : للأسف لم توفق فيه الكسر واضح عندك في كثير من الابيات واتمنى انك تطلع على المواضيع الموجودة في الموقع والخاصة ببحور الشعر النبطي واوزانه وانا متأكد أنك راح تستفيد منها .

أما الفكرة فخيالك كان اكثر من رائع في البيت الأول والصورة في هذا البيت تحسب لك فأنا لم اسمعها او أقرأها من احد قبلك اما باقي الصور فكانت مكررة وليست مميزة .

اخيرا مع الاستمرار في الكتابة وكثرة القراءة والاستماع للشعراء المميزين في الساحة الشعرية راح تكتب لنا الشيء المميز اللي ننتظره منك .

تقبل تحياتي

اخوك

هشام الهذلي

رد: محاولة ولا نستغني من التوجيه
 

اخوي هشام الهذلي جزاك الله خير ملاحظات مهمة جدا وتوجيه اكثر من رائع

رد: محاولة ولا نستغني من التوجيه
 

اخوي الصقر الهذلي الله يعطيك العافيه

للي ملاحضه على وزن القصيده كامله وتكرار القافيه في البيت السادس والرابع


وشكرأ

عاشق هذيل
القــــــــارحي

رد: محاولة ولا نستغني من التوجيه
 

المحاوله جيدة اخوي هذلي ومع الاستمرار سوف يكون انشاء الله احسن
والله يوفقك